Ժամանակակից արվեստի համալսարանական թանգարան (ՄԱԻՀ)

Ժամանակակից արվեստի համալսարանական թանգարան (ՄԱԻՀ) (իսպ.՝ Museo Universitario Arte Contemporáneo), Մեքսիկայի ազգային ինքնավար համալսարանի կամպուսում գործող թանգարան։ Համարվում է Մեքսիկայի խոշորագույն հասարակական կառույցներից մեկը, որտեղ ներկայացված է ազգային և միջազգային ժամանակակից արվեստը։

Ժամանակակից արվեստի համալսարանական թանգարան
Տեսակ	թանգարան
Երկիր	Մեքսիկայի Միացյալ Նահանգներ
Տեղագրություն	Մեխիկո
Վայր	Մեքսիկայի ազգային ինքնավար համալսարանի կենտրոնական կամպուս (Մեխիկո)
Ղեկավարության նստավայր	Մեխիկո, Մեքսիկայի Միացյալ Նահանգներ
Հասցե	04510
Հիմնադրվել է	նոյեմբեր 2008
Կայք	muac.unam.mx

Պատմություն

Բացվել է 2008 թվականի նոյեմբերի 27-ին։ Ընդգրկում և ներկայացնում է 1952 թվականից ստեղծված ժամանակակից արվեստի նմուշները։

Շենքի ճարտարապետն է Թեոդորո Գոնսալես դե Լեոնը, ով նաև Auditorio Nacional-ի, Reforma 222-ի և Մեխիկոյի Ռուֆինո Տամայոյի թանգարանի համահեղինակն է։ Շենքի ճարտարապետական դիզայնը հսկայածավալ պատուհանների թեք հարթակներով նման է Նյու Յորքի Մետրոպոլիտեն թանգարանի դիզայնին և մինիմալիստական ոճով՝ Լոնդոնի Թեյթ թանգարանին։

Շենքի կառուցումն սկսվել է 2006 թվականին, ավարտվել 2008 թվականին։ Ընդհանուր մակերեսը կազմում է 13,947 մ² շինարարական երկու մակարդակներում, որից 3,300 նախատեսված է ցուցասրահների համար։ Թանգարանը կառուցվել է նախկին կայանատեղիի տարածքում։

Հավաքածու

Ժամանակակից արվեստի համալսարանական թանգարանի հավաքածուն բաղկացած է 1.416 աշխատանքներից, 26 վավերագրական հավաքածուներից և 4 հարակից հավաքածուներից։

Բացման ցուցադրություններ

Թանգարանը բացվել է 4 ժամանակակից ցուցահանդեսներով։ Առաջին ցուցահանդեսն անվանվել է«Recursos incontrolables y otros desplazamientos naturales», որը համադրել է Օլիվեր Դեբրուասը։ Ներկայացվել են արվեստագետներ Ռիչարդ Լոնգի, Ռոբերտ Մորիսի, Պիպիլոտի Ռիստի, Թոմաս Գլասֆորդի, Մելանի Սմիթի, Էդգար Օռլենտայի, Յան Հենդրիքսի և Գաբրիել Կուրիի 34 աշխատանքները։

Երկրորդ ցուցահանդեսը՝ «El Reino de Coloso: El lugar del asedio en la época de la imagen», համադրել է Լուիս Բարիոսը։ Ցուցադրվել են լուսանկարներ մամուլից, հատվածներ Ժան Լյուկ Գոդարի, Ալեքսանդր Սոկուրովի, Կլոդ Լանցմանի խաղարկային ֆիլմերից, Սանտիագո Ալվարես Ռամոնի կարճամետրաժ ֆիլմերից, երկու հատված Օսկար Մունյոսի և Ռաֆայել Լոսանո-Էրմերի կատարմամբ։

«Las líneas de la mano» ցուցադրությունը համադրել է Խիմենա Ակոստան։

Վերջին «Cantos Cívicos» NILC/Միգել Վենտուրա նախագիծը համադրել է Խուան դե Բիևեսը։

Պատկերասրահ

• 
  Գլխավոր մուտք
• 
  Հետազոտությունների և վավերագրությունների կենտրոն
• 
• 
• 
  Գրադարան
• 
  Գրադարան
• 

Արտաքին հղումներ

• Պաշտոնական կայք
• Cuauhtémoc Medina Named Curator of Museo Universitario de Arte Contemporáneo Արխիվացված 2016-02-16 Wayback Machine

Ժամանակակից արվեստի համալսարանական թանգարան (ՄԱԻՀ) էջը Վիքիպահեստում

Վիքիպահեստն ունի նյութեր, որոնք վերաբերում են «Ժամանակակից արվեստի համալսարանական թանգարան (ՄԱԻՀ)» հոդվածին։