Էռնեստ Գոլդ
Էռնեստ Գոլդ (անգլ.՝ Ernest Gold), ծննդյան անունը՝ Էռնստ Զիգմունդ Գոլդներ (գերմ.՝ Ernst Sigmund Goldner, հուլիսի 13, 1921[1][2][3][…], Վիեննա, Առաջին Ավստրիական Հանրապետություն[4] - մարտի 17, 1999[1][2][3][…], Սանտա Մոնիկա, Լոս Անջելես շրջան, Կալիֆոռնիա, ԱՄՆ[4]), ամերիկացի կինոկոմպոզիտոր։
| Էռնեստ Գոլդ | |
|---|---|
| Ծննդյան թիվ՝ | հուլիսի 13, 1921[1][2][3][…] |
| Ծննդավայր՝ | Վիեննա, Առաջին Ավստրիական Հանրապետություն[4] |
| Վախճանի թիվ՝ | մարտի 17, 1999[1][2][3][…] (77 տարեկան) |
| Վախճանի վայր՝ | Սանտա Մոնիկա, Լոս Անջելես շրջան, Կալիֆոռնիա, ԱՄՆ[4] |
| Քաղաքացիություն՝ |  Ավստրիա ԱՄՆ |
| Մասնագիտություն՝ | կոմպոզիտոր և ֆիլմերի երաժշտությունների հեղինակ |
| Պարգևներ՝ | |
| IMDb։ | ID 0006104 |
Կենսագրություն խմբագրել
Էռնեստ Գոլդը ծնվել է 1921 թվականի հուլիսի 13-ին Վիեննայում։ 1938 թվականին՝ անշլյուսից հետո, նրա ընտանիքը մեկնել է ԱՄՆ՝ փախչելով նացիստների հետապնդումներցի (նրա հայրը եղել է հրեա)[5][6][7]։
Գրել է երաժշտություն գրեթե 100 ֆիլմի և հեռուստատեսային բեմադրությունների համար 1945-1992 թվականներին, որոնց թվում են «Ճակատամարտ Կորալային ծովի համար», «Ելք», «Չխոնարհված գլուխներ», «Սա խենթ, խենթ, խենթ, խենթ աշխարհ է», «Ափին», «Հիմարների նավը», «Դիկի և Ջեյնի զվարճալի արկածները», «Հաջողություն, միսս Վայկոֆ», «Սանտա Վիտորիի գաղտնիքը» և «Երկաթյա խաչ»։
Գոլդի ավանդը նշանավորվել է «Օսկար» մրցանակի չորս անվանակարգերով՝ ֆիլմի լավագույն երաժշտության համար և «Ոսկե գլոբուսի» երեք անվանակարգերով։ 1960 թվականին արժանացել է «Ոսկե գլոբուսի» 1959 թվականի «Ափին» ֆիլմի երաժշտության համար (որի համար հետագայում ստացել է «Գրեմմի» մրցանակ՝ տարվա լավագույն երգի համար), իսկ մեկ տարի անց ստացել է «Օսկար» «Ելք» ֆիլմի երաժշտության համար։ Կինոարտադրության բնագավառում ունեցած ավանդի համար արժանացել է աստղի Հոլիվուդի Փառքի ծառուղում։
Ֆիլմերից բացի երաժշտություն է գրել Բրոդվեյի «Ես Սոլոմոնն եմ» (անգլ.՝ I'm Solomon) մյուզիքլի համար։ Հեղինակել է մի շարք ստեղծագործություններ դասական ժանրում, որոնց թվում են դաշնամուրի կոնցերտը, լարային քառյակը և դաշնամուրի սոնատը։
Երեք անգամ ամուսնացած է եղել։ Երկրորդ կինը եղել է երգչուհի և դերասանուհի Մառնի Նիքսոնը։ Նրանց ամուսնությունը տևել է 1950-1969 թվականներին, ունեցել են երեք երեխա, որոնցից մեկը եղել է երաժիշտ Էնդրյու Գոլդը («Lonely Boy» և «Thank You for Being a Friend» երգերի կոմպոզիտորը)։ Իր ինքնակենսագրության մեջ Նիքսոնը պնդում է, որ Գոլդը ամուսնության ընթացքում բազմիցս դավաճանել է իրեն։ 1975-1999 թվականներին ամուսնացած է եղել Ջեն Քելլեր Գոլդի հետ։
Մահացել է սրտի կաթվածից հետևանքով Կալիֆոռնիայի Սանտա Մոնիկա քաղաքում։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Internet Broadway Database — 2000.
- ↑ 3,0 3,1 3,2 3,3 3,4 filmportal.de — 2005.
- ↑ 4,0 4,1 4,2 4,3 4,4 4,5 Deutsche Nationalbibliothek Record #134387198 // Gemeinsame Normdatei (գերմ.) — 2012—2016.
- ↑ Ernest Gold: Biography
- ↑ «Генеалогическое древо семьи Голднер». Արխիվացված է օրիգինալից 2015 թ․ հունիսի 10-ին. Վերցված է 2013 թ․ սեպտեմբերի 7-ին.
- ↑ Interfaith Celebrities: Katie Couric’s Jewish Mom and The Jewish — InterfaithFamily