Եվգենի Կրեպս
Եվգենի Միխայիլի Կրեպս (ռուս.՝ Евгений Михайлович Крепс, ապրիլի 19 (մայիսի 1), 1899, Սանկտ Պետերբուրգ, Ռուսական կայսրություն - հոկտեմբերի 4, 1985, Յալթա, Ղրիմի մարզ, Ուկրաինական ԽՍՀ, ԽՍՀՄ), խորհրդային ֆիզիոլոգ և կենսաքիմիկոս, ԽՍՀՄ ԳԱ ակադեմիկոս (1966, թղթակից անդամ՝ 1946), Սոցիալիստական աշխատանքի հերոս (1969)։ Աշակերտել է Իվան Պավլովին և Լևոն Օրբելուն։ 1934-1937 թվականներին՝ Լենինգրադի համալսարանի պրոֆեսոր։ 1935 թվականից աշխատել է ԽՍՀՄ ԳԱ Ի. Պավլովի անվան ֆիզիոլոգիայի ինստիտուտում։ 1960 թվականից՝ ԽՍՀՄ ԳԱ Ի. Սեչենովի անվան էվոլյուցիոն ֆիզիոլոգիայի և կենսաքիմիայի ինստիտուտի տնօրեն, 1967 թվականից՝ ԽՍՀՄ ԳԱ ֆիզիոլոգիական բաժանմունքի ակադեմիկոս քարտուղար։ Գիտական աշխատանքները վերաբերում են նյարդային համակարգի և մկանների համեմատական ֆիզիոլոգիային և կենսաքիմիային։ Մշակել է սեպսիսի վաղ հայտնաբերման մեթոդը, ստեղծել նոր սարքեր՝ օքսիհեմոմետր և օքսիհեմոգրաֆ։
Եվգենի Կրեպս Евгений Крепс | |
---|---|
Ծնվել է | ապրիլի 19 (մայիսի 1), 1899 Սանկտ Պետերբուրգ, Ռուսական կայսրություն |
Մահացել է | հոկտեմբերի 4, 1985 (86 տարեկան) Յալթա, Ղրիմի մարզ, Ուկրաինական ԽՍՀ, ԽՍՀՄ |
Գերեզման | Բոգոսլովսկոե գերեզմանատուն |
Քաղաքացիություն | Ռուսական կայսրություն և ԽՍՀՄ |
Մասնագիտություն | գիտնական |
Գործունեության ոլորտ | ֆիզիոլոգիա |
Անդամակցություն | ԽՍՀՄ գիտությունների ակադեմիա |
Ալմա մատեր | Q4454719? |
Գիտական աստիճան | կենսաբանական գիտությունների դոկտոր |
Գիտական ղեկավար | Իվան Պավլով |
Պարգևներ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 685)։ |