Վիքիպեդիա

Եղբայրները

«Եղբայրները» (հինդի՝ ब्रदर्स, անգլ.՝ Brothers), ռեժիսոր Կարան Մալհոտրայի հնդկական մարզական դրաման[3][4] խառը մարտարվեստների մասին, հոլիվուդյան «Մարտիկ» ֆիլմի ռեմեյքն է[5]։ Պրեմիերան կայացել է 2015 թվականի օգոստոսի 14-ին՝ Հնդկաստանի անկախության օրվա նախօրեին։

Եղբայրները
հինդի՝ ब्रदर्स
Երկիր Հնդկաստան
Ժանրթրիլեր, մարտարվեստի մասին ֆիլմ, դրամա և բոքսի մասին ֆիլմ
Թեմաընդհանուր մենամարտեր
ՀիմքՄարտիկ
Թվականօգոստոսի 14, 2015[1]
Լեզուհինդի
ՌեժիսորԿարան Մալհոտրա[1][2]
ՊրոդյուսերԿարան Ջոհար
ԴերակատարներԱկշայ Կումար[2], Սիդխարտխ Մալխոտրա, Ժակլին Ֆերնանդես[2], Ջեքի Շրոֆ[2], Շեֆալի Շահ, Աշուտոշ Ռանա և Կիրան Կումար
ՕպերատորՀեմանտ Պատուրվեդի
ԵրաժշտությունԱջայ-Ատուլ
ՄոնտաժԱկիվ Ալի
Պատմվածքի վայրՄումբայ
ԿինոընկերությունDharma Productions և Lions Gate Entertainment
Տևողություն155 րոպե

Սյուժե խմբագրել

Ֆիլմը սկսվում է լուրերից, ըստ որոնց` Մումբայում առանց կանոնների մարտերի հետ կապված խնդիրներ են առաջացել։ Սպորտային նախագահ Պիտեր Բրագանսան որոշել է խառը մարտեր անցկացնել առանց սպորտաձևի կանոնների և ստեղծում է լիգա, որը կոչվում է «Right 2 Fight» (R2F, բայց լիգան իրականում մտացածին է)։ Մինչդեռ, բանտում, Գերսոն «Գերի» Ֆեռնանդեզը՝ նախկին հարբեցող և նախկին MMA փորձագետ, ազատ է արձակվել, և նրա կրտսեր որդի Մոնտին գալիս նրա հետևից։ Մոնտին լարվում է, երբ հայրը հարցնում է իր ավագ որդո՝ Դևիդի մասին և տանում նրան իր տուն։ Տանը Գերին տեսնում է իր հանգուցյալ կնոջ՝ Մարիայի բոլոր իրերը։ Դևիդը, որն, այժմ ֆիզիկայի ուսուցիչ է, ունի դուստր, որը տառապում է երիկամների հիվանդությամբ։ Հնարավորություն չունենալով գումար ստանալ բանկից կամ այլ աղբյուրներից՝ նա գումար է վաստակում առանց կանոնների մարտերին մասնակցելով։ Սա սթրեսի է ենթարկում է նրա կնոջը՝ Ջենիին, քանի որ նա անհանգստանում է ամուսնու համար։ Այդ ժամանակ Գերիի մոտ, որը կարոտում է իր կնոջը, հալյուցինացիաներ է սկսվում։ Գերին փորձում է հանդիպել Դևիդի հետ, բայց վերջին պահն ավարտվում է նրանով, որ նա լքում է Մոնտին և հեռանում տնից։

Այնուհետև Մոնտին խոստովանում է, որ ինքը Գերիի արտամուսնական երեխան է։ Մարիան, այնուամենայնիվ, սիրում էր Մոնտիին, ինչպես Դևիդին։ Երկու եղբայրներն ունեին մտերիմ, սիրող հարաբերություններ, մինչև Դևիդը 18 տարեկան էր, իսկ Մոնտին՝ 15։ Մոնտիի 15-ամյակի օրը Գերին տուն է եկել հարբած և ներողություն խնդրել Մարիայից դավաճանության համար, բայց նրա անվան փոխարեն նշում է իր սիրուհու՝ Սառայի անունը։ Կատաղած Մարիան վիճում է Գերիի հետ։ Հարբած վիճակում Գերին ծեծում է Մարիային, որն ստացած վնասվածքներից մահանում է։ Կատաղի Դևիդը վանում է հորը։ Երբ Մոնտին մոտենում է մորը, Դևիդը զայրացած հրում է նրան՝ հորն ու եղբորը հավասարապես պատասխանատու համարելով մոր մահվան համար։

Դևիդը հետագայում կորցնում է իր աշխատանքը դպրոցում, երբ տնօրեն Շոբխիթ Դեսային իմանում փողոցային մարտերին Դևիդի մասնակցության մասին։ Մոնտին, որը ցանկանում է մարտիկ դառնալ, խառը մենամարտերի մասնագետ Սուլեյման Փաշայի հետ ծանոթանալուց հետո։ Սուլեյմանը ֆիքսում է Մուստաֆայի հետ մենամարտը, որում Մոնտին հաղթում է։ Դա զայրացնում է Գերիին և Մոնտին կազմակերպում է ռևանշ Մուստաֆայի հետ, որտեղ Մոնտին կրկին հաղթում է Մուստաֆային ևհայտարարում է հաջորդ ըմբիշ R2F-ի համար։ Մենամարտը տեսագրվում է և վերբեռնվում YouTube, և շուտով Մոնտին դառնում է ինտերնետ-սենսացիա։ Մոնտին անցնում վերապատրաստում, որպեսզի դառնա R2F չեմպիոն։ Մինչդեռ Դևիդը նույնպես որոշում է դառնալ լիիրավ մարտիկ, և Ջենին նրան կոչ է անում անել դա։ Սուլեյմանը մարզում է Դևիդին և ֆիքսում խաղը, մինչդեռ Մոնտին տոնում է հաղթանակը բարում։ Դևիդը շուտով հաղթում է մենամարտում։ R2F-ի լիգան շուտով սենսացիա է դառնում, և ամբողջ աշխարհի մարտիկները հետաքրքրություն են ցուցաբերում այս լիգայի նկատմամբ։ Ի վերջո, եղբայրներ Դևիդն ու Մոնտին հայտնվում են եզրափակիչ փուլում։

Գերին, մեղավոր զգալով, հեռանում է ասպարեզից՝ մտածելով, որ ինքն է պատասխանատու եղբայրների միջև հակամարտության համար։ Փաշան Դևիդին խորհուրդ է տալիս թույլ չտալ, որ իր հարաբերությունները Մոնտիի հետ խանգարեն նրա հաղթանակին։ Մարտն սկսվում է։ Եվ Դավիթը, և Մոնտին սկսում են պայքարը, սակայն Դևիդը, ի վերջո, ջարդում է Մոնտիի ուսի։ Նա անմիջապես փորձում է հոգ տանել իր կրտսեր եղբոր մասին, սակայն Փաշան խնդրում է նրան շարունակել մարտը և չմտածել Մոնտիի ձեռքի մասին։ Գերին նետվում է Դևիդի ուղղությամբ և ներողություն է խնդրում իր սխալների համար։ Նա խնդրում է Դևիդին իր զայրույթը չթափել նրա վրա և հիշեցնում է նրան, որ Մոնտին նրա եղբայրն է։ Դևիդը դիմում է Մոնտիին, սակայն վերջինս համաձայնում է շարունակել մարտը, չնայած կոտրված ուսին և տեսողության պղտորությանը։ Մարտը շարունակվում է։ Դևիդը կրկին գերազանցում է Մոնտիին։ Մինչ Դեվիդը պահում է Մոնտիին գետնին սեղմված, նա խնդրում է Մոնտիին դադարեցնել պայքարը։ Մոնտին, իր հերթին, ասում է, որ Դևիդը միշտ մտածել է միայն իր մասին, երբ նա հեռացել է, երբ Մարիան մահացավ և խնդրում է նրան շարունակել մարտը։ Դևիդը գերագնահատում է մեղքի զգացումը և ներողություն է խնդրել։ Տեսնելով դա՝ Մոնտին հանձնվում է և թույլ է տալիս նրան հաղթել մրցաշարում։ Մոնտին հաշտվում է Դևիդի, ապա Դևիդը նրան բարձրացնում է իր ձեռքերի վրա։

Դերերում խմբագրել

  • Ակշայ Կումար - Դևիդ Ֆերնանդեզ, Մոնտիի ավագ եղբայրը
  • Սիդխարտխ Մալխոտրա - Մոնտի Ֆերնանդեզ, Դևիդի կրտսեր եղբայրը
  • Ժակլին Ֆերնանդես - Ջենի Ֆերնանդեզ, Դևիդի կինը
  • Ջեքի Շրոֆ - Գերսոն Ֆերնանդեզ, նույն ինքը՝ Գերի, եղբայրների հայրը
  • Շեֆալի Շահ — Մարիա Ֆերնանդեզ, Դևիդի և Մոնտիի մայրը, Գերսոնի կինը
  • Մեգհան Ջադհավ - Դեյվիդ Ֆերնանդեզ (դեռահաս)
  • Պրատիկ Բհանուշալի - Մոնտի Ֆերնանդեզ (դեռահաս)
  • Աշուտոշ Ռանա - Սուլեյման Փաշա, խառը մարտերի մասնագետ
  • Կիրան Կումար - Պիտեր Բրագանզա (նախկին չեմպիոն և ներկայիս նախագահ)
  • Կուլբհուշան Կհարբանդա - դպրոցի տնօրեն Շոբհիթ Դեսայ
  • Ռաջ Զուտշի - Բազ Ռաութ, նախկին մարտիկ, մեկնաբան
  • Կավի Շաստրի - Սաչին Նեհրա, սպորտային լրագրող և մեկնաբան
  • Աշոկ Լոքհանդե - Գերիի լավագույն ընկերը և Մոնտիի մարզիչը
  • Կարինա Կապուր - պարուհի «Mera Naam Mary» item-համարում

Արտադրություն խմբագրել

Նկարահանումների մեկնարկի մասին հայտարարվել էր 2014 թվականի օգոստոսին[6]։ Պրոդյուսեր Կարան Ջոհարը հայտնել է նախագծի մասին Twitter-ի իր միկրոբլոգում[7][8]։ Մարտերի բեմադրման համար հրավիրվել էին մասնագետներ Լոս Անջելեսից՝ Էրիկ Բրաունը և Ջասթին Յուն[9][10]։

Ավագ եղբոր դերի համար համաձայնել է Ակշայ Կումարը, ֆիլմը նրա համար դարձել է առաջին աշխատանքը Dharma Productions-ի դրոշի ներքո։ Հանուն դերի Ակշայը հետևել է խիստ դիետայի և նկարահանել է մի քանի տեսարաններ իր մարզումների ժամանակ։ Նա նաև վեցամսյա վերապատրաստում է անցել մի քանի մարտարվեստներում, այդ թվում՝ ձյուդոյում, կյուդոյում, այկիդոյում և կարատեում[11][12]։ Սիդխարտխ Մալխոտրան, որը խաղացել է կրտսեր եղբոր դերը, հանուն ֆիլմի անցել է մարզումները, ինչպես նաև նիհարել է 10 կիլոգրամ[13]։ Համաձայնելով կատարել եղբայրների հոր դերը՝ հանուն նկարահանումների Ջեքի Շրոֆը որոշել է ներկել մազերը սպիտակ, որպեսզի ավելի համապատասխանի իր կերպարին[14][15][16]։

Հիմնական նկարահանումներից հետո պրոդյուսերները որոշել են ավելացնել item-համար, որում պարել համաձայնել է Կարինա Կապուրը, որն այդ ժամանակ նկարահանվում էր նաև Udta Punjab և Ki & Ka ֆիլմերում[17][18][19]։

Սաունդթրեք խմբագրել

«Mera Naam Mary Hai» երգը Jatra ֆիլմի «Ye Maina» երգի հինդիով տարբերակն է, որը գրել են նույն կոմպոզիտորները։ Հարավային Հնդկաստանից սերող երգչուհի Չինմյայիի համար դա առաջին սոլո երգն էր հինդիով։

Բոլոր երգերի հեղինակն է՝ կոմպոզիտորներ Աջայ-Աթուլ։

# ԱնվանումԿատարողներ Տևողություն
1. «Brothers Anthem»  Վիշալ Դադլանի 05:53
2. «Gaaye Jaa» (женская версия)Շրեյա Գհոշալ 05:42
3. «Sapna Jahan»  Սոնու Նիգամ, Նիթի Մոհամ 05:41
4. «Mera Naam Mary»  Չինմայի Շրիպադա 05:11
5. «Gaaye Jaa» (мужская версия)Մոհամեդ Իրֆան 05:29

Քննադատություն խմբագրել

Մասնագիտական վարկանիշ
Վերլուծություններ
Աղբյուր Վարկանիշ
Bollywood Hungama[en]      [20]
Раджив Масанд[en]      [21]
Rediff.com[en]      [22]
Times of India      [23]
Hindustan Times      [24]

The Hollywood Reporter-ից Լիզա Ցերինգը ֆիլմը բնութագրել է որպես «Մարտիկ» ֆիլմը՝ էրոտիկ, պարային համարով և կրկնակի թվով սիրային տեսարաններով», նշելով, որ երկու եղբայրների պայքարի տարբեր ոճերի տարբերությունները այստեղ այնքան էլ հստակ չեն նշված, ինչպես բնօրինակում[25]։ The New York Times-ից Ռեյչել Saltz-ը նշել է ամբողջ ֆիլմով անցնող և հանդիսատեսի ուշադրությունը գրավող «անհաջողակի հայրենասիրությունը». հնդիկ չեմպիոնները սպորտ են գալիս փողոցներից, և դա այն է, ինչով կարելի է հպարտանալ, նույնիսկ եթե ամեն ինչի պատճառը նրանց աղետալի վիճակն է[26]։ Los Angeles Times-ից Մարտին Ցայը նկատել է, որ ռեժիսորն ապահովել է երաժշտության և տեսանյութերի անցումների հարթությունը, որը փոքր-ինչ բարելավում է բնօրինակի գեղագիտությունը, սակայն ֆիլմը թվում է շատ ուռճացված՝ պարտադիր երաժշտական ներդիրների պատճառով[27]։

Հասույթ խմբագրել

Ֆիլմը էկրան է բարձրացել Հնդկաստանի անկախության օրվա նախօրեին և առաջին հանգստյան օրերին հայրենիքում հավաքել է 520 մլն ռուփի։ Մեկ շաբաթ անց ամբողջ աշխարհում հավաքները կազմել են 1,06 մլրդ ռուփի[28]։ Առաջին հանգստյան օրերին ֆիլմը 2,25 մլն դոլար է հավաքել արտասահմանում, ներառյալ Պարսից ծոցի երկրները, Պակիստանը և ԱՄՆ-ը, և 175 հազար ֆունտ ստեռլինգ Մեծ Բրիտանիայում[29]։ Սակայն Հնդկաստանում ամփոփիչ հավաքները կազմել են 973 մլն՝ 1,12 մլրդ ռուփի արժողությամբ ֆիլմի բյուջեի դեպքում, ինչը ֆիլմին բերել է ձախողվածի կարգավիճակ[30][31]։

Ծանոթագրություններ խմբագրել

  1. ↑ 1,0 1,1 http://www.imdb.com/title/tt3802576/
  2. ↑ 2,0 2,1 2,2 2,3 http://www.bbfc.co.uk/releases/brothers-film
  3. ↑ Lisa Tsering. «'Brothers': Film Review». The Hollywood Reporter.
  4. ↑ Vishal Menon. «Brothers movie review: Unintentionally nostalgic». The Hindu.
  5. ↑ «Karan Malhotra to direct Warrior with Akshay Kumar and Sidharth Malhotra». Bollywood Hungama.
  6. ↑ Ramachandran, Naman (2014 թ․ օգոստոսի 22). «Akshay Kumar to Star in Lionsgate, Endemol Indian Remake 'Warrior'». Variety. Վերցված է 2014 թ․ օգոստոսի 22-ին.
  7. ↑ «Akshay Kumar teams up with Karan Johar for next film». The Indian Express (անգլերեն). 2014 թ․ օգոստոսի 21.
  8. ↑ Lisa Tsering (2014 թ․ սեպտեմբերի 1). «Akshay Kumar's 'Brothers' Remake to Go on Floors». India West (անգլերեն). Արխիվացված է օրիգինալից 2017 թ․ օգոստոսի 8-ին. Վերցված է 2021 թ․ հունիսի 15-ին.
  9. ↑ «How was Akshay Kumar, Sidharth Malhotra's MMA Championship in 'Brothers' Created?». India West (անգլերեն). 2015 թ․ հունիսի 19. Արխիվացված է օրիգինալից 2017 թ․ օգոստոսի 8-ին. Վերցված է 2021 թ․ հունիսի 15-ին.
  10. ↑ Subhash K. Jha (2015 թ․ հուլիսի 18). «Akshay Kumar's stunts surpass original in Brothers» (անգլերեն). Bollywood Hungama.
  11. ↑ «'Brothers' coincides with my completing 25 years in the film industry: Akshay Kumar». America Bazaar (անգլերեն). 2015 թ․ օգոստոսի 11.
  12. ↑ Ankur Pathak (2015 թ․ փետրվարի 10). «AKKI GETS FIGHTING FIT». Mumbai Mirror (անգլերեն).
  13. ↑ Omkar Kulkarni (2015 թ․ հունիսի 10). «Here's how Akshay lost 17 kgs (sic), Sidharth gained 10 kgs for Brothers». Daily Bhaskar (անգլերեն).
  14. ↑ «Jackie Shroff happy with solid role in Brothers». The Indian Express (անգլերեն).
  15. ↑ «Sidharth, Jackie revel in 'Brothers' success». The Tribune (անգլերեն).
  16. ↑ «Jackie play father to Akshay and Sidharth». The Indian Express (անգլերեն).
  17. ↑ «Kareena Kapoor is sensuous in 'Brothers' song 'Mera naam Mary'». The Indian Express (անգլերեն).
  18. ↑ «Watch: Kareena Kapoor's sizzling avatar in item song 'Mera naam Mary'». The Indian Express (անգլերեն).
  19. ↑ «Someone should make a film on Kareena Kapoor: Sidharth Malhotra». The Indian Express (անգլերեն).
  20. ↑ «Brothers Review» (անգլերեն). Bollywood Hungama. 2015 թ․ օգոստոսի 14. Վերցված է 2017 թ․ սեպտեմբերի 8-ին.
  21. ↑ Rajeev Masand (2015 թ․ օգոստոսի 14). «Brothers» (անգլերեն). rajeevmasand.com. Վերցված է 2017 թ․ սեպտեմբերի 8-ին.
  22. ↑ Raja Sen (Rediff.com). «Review: Brothers is so bad it should be disqualified» (անգլերեն). 2015-08-14. Վերցված է 2017 թ․ սեպտեմբերի 8-ին.
  23. ↑ Srijana Mitra Das (2015 թ․ դեկտեմբերի 18). «Brothers Movie Review». The Times of India (անգլերեն). Վերցված է 2017 թ․ սեպտեմբերի 8-ին.
  24. ↑ Rohit Vats (2015 թ․ օգոստոսի 14). «Brothers review: Akshay Kumar is the lone survivor». Hindustan Times (անգլերեն). Վերցված է 2017 թ․ սեպտեմբերի 8-ին.
  25. ↑ Lisa Tsering (2015 թ․ օգոստոսի 17). «'Brothers': Film Review». Hollywood Reporter (անգլերեն). Վերցված է 2017 թ․ սեպտեմբերի 8-ին.
  26. ↑ Rachel Saltz (2015 թ․ օգոստոսի 14). «Set in the Mean Streets of Mumbai». New York Times (անգլերեն). Վերցված է 2017 թ․ սեպտեմբերի 8-ին.
  27. ↑ Martin Tsai (2015 թ․ օգոստոսի 14). «Review 'Brothers' remake of 'Warriors' offers a beefier version aimed at India market». Los Angeles Times (անգլերեն). Վերցված է 2017 թ․ սեպտեմբերի 8-ին.
  28. ↑ «Brothers 17th Day Box Office Collection» (անգլերեն). BoxOfficeIncome.In. 2015 թ․ օգոստոսի 30. Արխիվացված է օրիգինալից 2017 թ․ դեկտեմբերի 6-ին. Վերցված է 2017 թ․ դեկտեմբերի 4-ին.
  29. ↑ «Brothers Overseas And Worldwide Business» (անգլերեն). BoxOfficeIncome.In. 2015 թ․ օգոստոսի 17. Վերցված է 2017 թ․ դեկտեմբերի 4-ին.
  30. ↑ «Brothers» (անգլերեն). Box Office India. Վերցված է 2017 թ․ դեկտեմբերի 4-ին.
  31. ↑ Seema Sinha (2016 թ․ հունվարի 2). «Top 12 flops of 2015» (անգլերեն). Rinkvilla. Արխիվացված է օրիգինալից 2017 թ․ փետրվարի 19-ին. Վերցված է 2017 թ․ դեկտեմբերի 4-ին.
Ստացված է «https://hy.wikipedia.org/w/index.php?title=Եղբայրները&oldid=9812775» էջից