Սվեն Դևիդսոն
Սվեն Վիկտոր Դևիդսոն (շվեդ.՝ Sven Viktor Davidson, (հուլիսի 13, 1928[1], Բուրոս[1] - մայիսի 28, 2008[2], Արկադիա, ԱՄՆ), շվեդ թենիսիստ, Ուիմբլդոնի մրցաշարի հաղթող, Մեծ սաղավարտում շահած առաջին շվեդը, Թենիսի փառքի միջազգային սրահի անդամ (2007)։
 | |
|---|---|
 | |
| Սեռ | արական |
| Քաղաքացիություն |  Շվեդիա |
| Ծննդյան ամսաթիվ | հուլիսի 13, 1928[1] |
| Մահվան ամսաթիվ | մայիսի 28, 2008[2] (79 տարեկան) |
| Ծննդավայր | Բուրոս[1] |
| Մահվան վայր | Արկադիա, ԱՄՆ |
| Աշխատող ձեռք | աջլիկություն[3] |
Կենսագրություն խմբագրել
Սվեն Դևիդսոնը ծնվել է Գյոտեբորգի մոտակայքում գտնվող Բորոս քաղաքում, որտեղ էլ կատարել է թենիսի իր առաջին քայլերը։ Բավականին վաղ տարիքում նա հանդիպել է թենիսի մեկ այլ սիրահար Ուլֆ Շմիդտի հետ, որի հետ նրանք ավելի քան տաս տարի կազմել են Շվեդիայի հավաքականի ողնաշարը՝ Դևիսի գավաթում[4]։ Այդ ընթացքում Դևիդսոնը ազգային հավաքականում անցկացրել է 85 խաղ և հաղթել դրանցից 62-ում՝ 39 հաղթանակ և 14 պարտություն մենախաղերում և 23 հաղթանակ և 9 պարտություն զուգախաղերում։ Զուգախաղերով հաղթանակների քանակով նա մոտ 50 տարի եղել է Շվեդիայի հավաքականի չեմպիոն՝ ետ թողնելով իրենից Շմիդտին և զուգախաղի աստղեր Յոնաս Բյորկմանին և Անդերս Յարիդին[5]։
1950-1960 թվականներին Դևիդսոնը հաղթել է 30-ից ավել սիրողական մենախաղերի մրցաշարերում։ Նա դարձել է Շվեդիայի (1960), (1950), Գերմանիայի (1958), Սկանդինավիայի քառակի, Ֆրանսիայի կրկնակի և ԱՄՆ-ի չեմպիոն։ 1955 և 1956 թվականներին նա Ֆրանսիայի առաջնության մրցաշարի եզրափակչում երկու անընդմեջ պարտություն է կրել մոլորակի առաջին ռակետներ՝ նախ Թոնի Տրաբերտից, ապա Լու Հոուդից։ Պրոֆեսիոնալ թենիսում հայտնվելուց հետո Դևիդսոնը համարվում էր աշխարհի ուժեղագույն թենիսիստը։ 1957 թվականին Դևիդսոնը հաղթել է «Մեծ սաղավարտի» մրցաշարում և դարձել պատմության մեջ առաջին շվեդ թենիսիստը, որը հաղթել է այդ մրցաշարում։ Դրանից հետո նա հասել է Ուիմբլդոնի և ԱՄՆ-ի առաջնությունների կիսաեզրափակիչ, իսկ տարեվերջին ճանաչվել աշխարհի երրորդ ռակետ[6][7]։ Հաջորդ տարի Դևիդսոնը նվաճել է «Մեծ սաղավարտի» իր երկրորդ տիտղոսը՝ Ուիմբլդոնի եզրափակչում Ուլֆ Շմիդտի հետ հաղթել իր ժամանակի ուժեղագույն զույգերից մեկին՝ Էշլի Կուպերին և Նիլ Ֆրեյզերին։
1968 թվականին Դևիդսոնը եղել է Շվեդիայի թենիսի ֆեդերացիայի վարչության անդամ։ Թենիսի միջազգային ֆեդերացիային ուղղված նամակի հեղինակներից մեկը հանդիսացել է նա, որում պահանջվում էր թենիսի բաց մրցաշարերի անցկացում, որտեղ կարող էին մրցել միասին ուժեղագույն սիրահարներ և պրոֆեսիոնալներ[8]։
1969 թվականին գործարար Հանս Օկե Սթուրենիի հետ նա կազմակերպել է թենիսի առաջին բաց մրցաշարը Շվեդիայում, որն այժմ հայտնի է որպես Ստոկհոլմի թենիսի բաց առաջնություն անվամբ։
Շվեդիայում նրա նկատմամբ խիստ դատողությունների և շրջապատի նկատմամբ բարձր պահանջկոտության վերաբերմունքի պատճառով նա 1970-ական թվականներին ընտանիքի հետ տեղափոխվել է Կալիֆոռնիա։ 1978 թվականին նա հաղթել է Ուիմբլդոնի վետերանների մրցաշարում՝ եզրափակչում հաղթելով Նիլ Ֆրեյզերին։ Նա շարունակում էր խաղալ թենիս և մարզել երիտասարդ թենիսիստներին նույնիսկ 70 տարեկանը լրանալուց հետո։ Ալցհայմերի հիվանդություն ձեռք բերելուց հետո նա թողել է մարզչական աշխատանքը։
Սվեն Դևիդսոնը մահացել է թոքաբորբից, 2008 թվականին 79 տարեկան հասակում, թենիսի միջազգային փառքի սրահի անդամ դառնալուց մեկ տարի չանցած։
«Մեծ սաղավարտի» եզրափակիչներ խմբագրել
Մենախաղ խմբագրել
| Արդյունք | Թվական | Մրցաշար | Հակառակորդը եզրափակչում | Եզրափակչի հաշիվը |
|---|---|---|---|---|
| Պարտություն | 1955 | Ֆրանսիայի թենիսի բաց առաջնություն |  ԱՄՆ Թոնի Թրաբերթ |
6-2, 1-6, 4-6, 2-6 |
| Поражение | 1956 | Ֆրանսիայի թենիսի բաց առաջնություն |  Լյու Հոուդ |
4-6, 6-8, 3-6 |
| Победа | 1957 | Ֆրանսիայի թենիսի բաց առաջնություն | ԱՄՆ Հերբերտ Ֆլամ |
6-4, 6-4, 6-4 |
Զուգախաղ խմբագրել
| Թվական | Մրցաշար | Զուգընկեր | Հակառակորդները եզրափակչում | Հաշիվը եզրափակչում |
|---|---|---|---|---|
| 1958 | Ուիմբլդոնի մրցաշար | Ուլֆ Շմիթ |
Էշլի Կուպեր Նիլ Ֆրեյզեր |
6-4, 6-4, 8-6 |
Ծանոթագրություններ խմբագրել
- ↑ 1,0 1,1 1,2 1,3 1,4 Tingay L. 100 years of Wimbledon — London Borough of Enfield: Guinness Superlatives, 1977. — P. 197.
- ↑ 2,0 2,1 2,2 http://www.nytimes.com/2008/06/07/sports/tennis/07davidson.html?_r=1&oref=slogin
- ↑ Collins B. The Bud Collins History of Tennis: An Authoritative Encyclopedia and Record Book — 2 — NYC: New Chapter Press, 2010. — P. 570. — ISBN 978-0-942257-70-0
- ↑ Richard Evans. (2008 թ․ հունիսի 4). «Obituary: Sven Davidson». The Guardian. Արխիվացված է օրիգինալից 2012 թ․ սեպտեմբերի 25-ին. Վերցված է 2012 թ․ հունիսի 15-ին.
- ↑ Победы и поражения игроков на странице сборной Швеции на сайте Кубок Дэвиса (անգլ.)
- ↑ «International Tennis Hall of Fame». www.tennisfame.com. Վերցված է 2021 թ․ հուլիսի 13-ին.
- ↑ None (1981). United States Tennis Association official encyclopedia of tennis. Internet Archive. New York : Harper & Row. ISBN 978-0-06-014896-6.
- ↑ «Sven Davidson, 79, Hall of Famer in Tennis, Dies».
Արտաքին հղումներ խմբագրել
- Davis Cup
- Sven Davidson
- Свен Давидсон на сайте Международный зал теннисной славы|Международного зала теннисной славы (անգլ.)
- Финалы с участием Свена Давидсона в базе финалов Worldwide Tennis (անգլ.) (поиск по имени и фамилии)
- Richard Evans. (2008 թ․ հունիսի 4). «Obituary: Sven Davidson». The Guardian. Արխիվացված է օրիգինալից 2012 թ․ սեպտեմբերի 25-ին. Վերցված է 2012 թ․ հունիսի 15-ին.
 | Վիքիպահեստն ունի նյութեր, որոնք վերաբերում են «Սվեն Դևիդսոն» հոդվածին։ |