Դինո Ձոֆ

Դինո Ձոֆ; Dino Zoff
Քաղաքացիությունը	Իտալիա
Ծննդյան ամսաթիվ	փետրվարի 28, 1942 (82 տարեկան)
Ծննդավայր	Մարիանո դել Ֆրիուլի, regional decentralization entity of Gorizia, Ֆրիուլի Վենեցիա Ջուլյա, Իտալիա
Հասակ	182 սանտիմետր
Քաշ	78 կիլոգրամ
Դիրք	դարպասապահ
Մասնագիտական կարիերա*
Ազգային հավաքական
Մարզչական կարիերա
1988-1990	Յուվենտուս
1990-1994	Լացիո
1996-1997	Լացիո
1998-2000	Իտալիա
2001	Լացիո
2005	Ֆիորենտինա
Պարգևներ Q44726364? և
	* Մասնագիտական կարիերայում ընդգրկված են միայն առաջնության խաղերը և գոլերը:;

Դինո Ձոֆ (իտալ.՝ Dino Zoff, փետրվարի 28, 1942(1942-02-28)^[1]^[2]^[3], Մարիանո դել Ֆրիուլի, regional decentralization entity of Gorizia, Ֆրիուլի Վենեցիա Ջուլյա, Իտալիա), իտալացի նախկին ֆուտբոլիստ, դարպասապահ։ Համարվում է Իտալիայի հավաքականի ամենատարեց աշխարհի չեմպիոնը^[7]։ Այդ ժամանակ նա եղել է 40 տարեկան, եղել է թիմի հիմնական դարպասապահը և թիմի ավագը։ 1972-1974 թվականներին նա պաշտոնական խաղերի ժամանակ հավաքականի դարպասը 1 142 րոպե պահել է անառիկ։ Խաղերի քանակով (112 խաղ) հավաքականում համարվում է հինգերորդ ֆուտբոլիստը՝ զիջելով Անդրեա Պիռլոյին, Պաոլո Մալդինիին, Ֆաբիո Կանավառոյին և Ջանլուիջի Բուֆֆոնին։ Խաղացել է «Ուդինեզեյում», «Մանտովայում», «Նապոլիիում» և «Յուվենտուսում»։ Համարվում է XX դարի 3-րդ լավագույն դարպասապահը՝ ըստ Ֆուտբոլի պատմության և վիճակագրության միջազգային ֆեդերացիայի (անգլ.՝ International Federation of Football History & Statistics)՝ Լև Յաշինից և Գորդոն Բենկսից հետո։ Դասվել է ՖԻՖԱ 100 ֆուտբոլիստների շարքին։ 2003 թվականին Իտալիայի ֆուտբոլի ֆեդերացիայի կողմից ճանաչվել է վերջին 50 տարիների Իտալիայի լավագույն ֆուտբոլիստ։

Կենսագրություն խմբագրել

Դինոն ծնվել է Մարիանո դել Ֆրիուլիում (կոմունա Իտալիայում)։ Իր կարիերայի սկզբում՝ 14 տարեկանում, նրան մերժել են «Ինտերն» ու «Յուվենտուսը»։ Պատճառն այն էր, որ նա կարճահասակ էր։ 5 տարի անց նրա հասակը աճեց 33 սմ-ով։ Մեկնարկային առաջին խաղը Սերիա A-ում 1961 թվականի սեպտեմբերի 24-ին էր, «Ուդինեզեի» կազմում, որի ժամանակ իր թիմը մրցում էր Ֆիորենտինայի հետ։ Դինոյի թիմը պարտվց 5-2 հաշվով, սակայն բաց թողնված գոլերն իր մեղքով չէին^[8]։ Առաջին մրցաշրջանում Ձոֆը «Ուդինեզեի» կազմում անցկացրեց 4 խաղ։ Թիմը դուրս մնաց Սերիա A-ից Սերիա B։ Հաջորդ մրցաշրջանում նա դարձավ թիմի հիմնական դարպասապահը, և թիմը վերադարձավ Սերիա A։

Դինո Ձոֆը «Մանտովայի» մարզաշապիկով, 1964 թվական

1963 թվականին նա տեղափոխվել է «Մանտովա», որտեղ անց է կացրել 4 մրցաշրջան՝ խաղալով 131 խաղ։ 1967 թվականին տեղափոխվել է «Նապոլի», որտեղ անց է կացրել 5 մրցաշրջան՝ խաղալով 143 խաղ։ Այդ ժամանակահատվածում մեծ ճանաչում է ձեռք բերել և 1968 թվականի Եվրոպայի առաջնության ժամանակ հայտնվել է հավաքականում, և այդ ժամանակ էլ Իտալիայի հավաքականը դարձել է Եվրոպայի չեմպիոն։ Հավաքականում հաջորդ լուրջ ձեռքբերումը 1970 թվականին էր, Ֆուտբոլի աշխարհի առաջնության ժամանակ՝ Դինո Ձոֆի հավաքականը Մեքսիկայում նվաճեց արծաթե մեդալ։ Իտալիայի հավաքականում անց է կացրել 112 խաղ, որից 59-ը՝ թիմի ավագի թևկապով^[9]։

1972 թվականին տեղափոխվեց «Յուվենտուս», որի կազմում անցկացրեց 11 մրցաշրջան՝ 6 անգամ հաղթելով Իտալիայի առաջնությունը, 2 անգամ՝ Իտալիայի գավաթը և 1 անգամ ՈՒԵՖԱ գավաթը։

1988 թվականին սկսել է մարզչական կարիերան։ Մարզել է «Յուվենտուսը», «Լացիոն», Իտալիայի ազգային հավաքականը և «Ֆիորենտինան»

Նվաճումներ խմբագրել

Ֆուտբոլիստ խմբագրել

Յուվենտուս խմբագրել

Սերիա A (6). 1972–73, 1974–75, 1976–77, 1977–78, 1980–81, 1981–82
Իտալիայի գավաթ (2). 1978–79, 1982–83
ՈՒԵՖԱ գավաթ (1). 1976-77
Եվրոպայի գավաթ (երկրորդ տեղ). 1972-73, 1982-83
Միջմայրցամաքային գավաթ (երկրորդ տեղ). 1973

Իտալիայի հավաքական խմբագրել

Մարզիչ խմբագրել

Յուվենտուս խմբագրել

Իտալիայի գավաթ (1). 1989-90
ՈՒԵՖԱ գավաթ (1), 1989-90

Իտալիայի հավաքական խմբագրել

Եվրոպայի առաջնություն (երկրորդ տեղ). 2000

Անհատական խմբագրել

Իտալիայի Ոսկե խաղացող. վերջին 50 տարիների լավագույն իտալացի ֆուտբոլիստ. նոյեմբեր 2003
ՈՒԵՖԱ-ի հոբելյանական քվեարկություն. #5
Ոսկե գնդակ (երկրորդ տեղ). 1973
ՖԻՖԱ 100
ՖԻՖԱ Մերիտի շքանշան. 1984
Եվրոպայի առաջնության խորհրդանշական հավաքական. 1968, 1980
Աշխարհի առաջնության խորհրդանշական հավաքական. 1982
Աշխարհի առաջնության լավագույն դարպասապահ. 1982
Golden Foot-ի «Ֆուտբոլի լեգենդներ» մրցանակ. 2004
Իտալական ֆուտբոլի փառքի սրահ. 2012
Իտալական սպորտի փառքի ծառուղի. 2015
World Soccer ամսագրի 20-րդ դարի 100 լավագույն ֆուտբոլիստներ. 1999
IFFHS-ի լեգենդ

Աղբյուրներ խմբագրել

Տես նաև խմբագրել

Դինո Ձոֆի հնարքները, Տեսանյութ

Ծանոթագրություններ խմբագրել

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Դինո Ձոֆ» հոդվածին։

[_9d93ca5096d963be-1] 1,0 ^1,1 Transfermarkt.com(բազմ․) — 2000.

[_ae13194fc9b21d15-2] 2,0 ^2,1 Discogs — 2000.

[_97529d90453a917b-3] 3,0 ^3,1 Արգենտինական ֆուտբոլի տվյալների շտեմարան (իսպ.)

[_e3f3c56e279347b3-4] ttp://www.figc.it/it/106340/2531103/Impianti.shtml

[_389bc62f53d26423-5] ttps://www.quirinale.it/onorificenze/insigniti/283752

[_eb7b7c0ef4861c67-6] ttps://www.quirinale.it/onorificenze/insigniti/72852

[7] 1982 final WC Italy - Germany FR 3:1

[8] ZOFF Dino: l’ultima Leggenda

[9] Дзофф, Дино это:

[1]

[2]

[3]

[7]

[6]

[5]

[4]

[8]

[9]