Դավուդ Քազիմով
Դավուդ Մեհդի օկլի Քազիմով (ադրբ.՝ Davud Mehdi oğlu Kazımov, նոյեմբերի 9, 1926, Բաքու, ԱԽՖՍՀ, ԽՍՀՄ - փետրվարի 14, 2015, Բաքու, Ադրբեջան), Ադրբեջանի գեղարվեստի դպրոցի ներկայացուցիչներից մեկը, Ադրբեջանական ԽՍՀ վաստակավոր նկարիչ[1], Ադրբեջանի Հանրապետության ժողովրդական նկարիչ։
Դավուդ Քազիմով | |
|---|---|
| Ծնվել է | նոյեմբերի 9, 1926 |
| Ծննդավայր | Բաքու, ԱԽՖՍՀ, ԽՍՀՄ |
| Վախճանվել է | փետրվարի 14, 2015 (88 տարեկան) |
| Մահվան վայր | Բաքու, Ադրբեջան |
| Քաղաքացիություն |  ԽՍՀՄ և  Ադրբեջան |
| Կրթություն | Ազիմ Ալիմզադեի անվան գեղարվեստի ուսումնարան |
| Մասնագիտություն | նկարիչ |
| Ժանր | գեղանկարչություն |
| Պարգևներ |  և  |
| Զավակներ | Akif Kazımov? |
Կենսագրություն խմբագրել
Դավուդ Քազիմովը ծնվել է 1926 թվականին Բաքվում[2]։ 1945 թվականին նա ավարտել է Ադրբեջանի պետական գեղարվեստի դպրոցը։ 1947 թվականից նա եղել է հանրապետական և համամիութենական ցուցահանդեսների կանոնավոր մասնակից[3]։
Աշխատանքային թեման նկարչի ստեղծագործության հիմնական տեղերից մեկն է գրավում։ Հետագա տարիներին Ադրբեջանի տարբեր շրջաններում ապրող մարդկանց կենսակերպը, ավանդույթները, ազգագրական նրբությունները, ազգային գունագեղ տարազները դարձել են նկարչի նոր թեմաները։ Դավուդ Քազիմովը հայտնի է նաև որպես Ադրբեջանի կերպարվեստի գրաֆիկայի վարպետ։ Նա հիմնականում աշխատել է գրքերի նկարազարդման հետ։ Նրա նկարազարդումների թվում կան Ջալիլ Մամեդկուլիզադեի և Ջաֆար Ջաբբարլու պատմվածքների համար նկարված նկարները։ Նկարիչը այցելել է Բուլղարիա 1979 թվականին, իսկ Իսպանիա `1980 թվականի վերջին։ Այդ երկրներում կազմակերպվել են նկարչի աշխատանքների ցուցահանդեսներ։
Նկարչի աշխատանքները ցուցադրվել են Գերմանիայում, Չեխոսլովակիայում, Իտալիայում, Իրաքում, Թուրքիայում և այլ երկրներում։
Ներկայումս նկարչի մի շարք աշխատանքները ցուցադրվում են Ադրբեջանի արվեստի ազգային թանգարանում, Ադրբեջանի պատմության թանգարանում և Նիզամի Գյանջևիի անվան ադրբեջանական գրականության թանգարանում։
Պրոֆեսոր Դավուդ Քազիմովը աշխատել է նաև որպես Ադրբեջանի պետական արվեստի ակադեմիայի ուսուցիչ։ 1992 թվականի մարտի 4-ին նրան շնորհվել է «Ադրբեջանի Հանրապետության ժողովրդական նկարիչ» պատվավոր կոչում։
Դավուդ Քազիմովը մահացել է 2015 թվականի փետրվարի 14-ին[4]։