Դանիլա Կորսունցև
Դանիլա Կորսունցև (ռուս.՝ Данила Викторович Корсунцев, 1973, Տաշքենդ, Ուզբեկական ԽՍՀ, ԽՍՀՄ), բալետի արտիստ, Մարինյան թատրոնի առաջատար մենակատար։
 Данила Корсунцев | |
|---|---|
| Ծնվել է | 1973 |
| Ծննդավայր | Տաշքենդ, Ուզբեկական ԽՍՀ, ԽՍՀՄ |
| Մասնագիտություն | բալետմայստեր |
| Քաղաքացիություն |  ԽՍՀՄ և  Ռուսաստան |
| Կրթություն | Ուզբեկական պարի ուսումնարանը |
| Թատրոն | Մոսկվայի Դասական բալետի թատրոն |
| Ներկայացումներ | «Ժիզել», «Ծովահեն», «Բայադերա», «Քնած գեղեցկուհի», «Կարապի լիճ», «Ռեյմոնդ», «Սպարտակ», «Լեոնիդ Յակոբսոն» |
| Պարգևներ | Բրազիլիայի ազգային բալետի Փառատոնի դափնեկիր, «Մայա» բալետի արտիստների միջազգային մրցույթի դափնեկիր, բալետի արտիստների Միջազգային մրցույթի դիպլոմ, Ռուսաստանի վաստակավոր արտիստի կոչում |
Կենսագրություն
խմբագրելԾնվել է 1973 թվականին Ուզբեկական ԽՍՀ-ի Տաշքենդում (այժմ՝ Ուզբեկստան) պարողի ընտանիքում, Տաշքենդի Նավոյի անվան մեծ թատրոնի առաջատար մենակատարի ընտանիքում[1]։ 1992 թվականին ավարտել է Ուզբեկական պարի ուսումնարանը Կ. Սագատովի դասարանը։ 1992-1998 թվականներին եղել է Նատալիի Կասադկինի և Վլադիմիր Վալիևի գլխավորած Մոսկվայի Դասական բալետի թատրոնի մենապարորդը։ Նրա խաղացանկում են այնպիսի բալետների գլխավոր արական դերերը, ինչպիսիք են «Ժիզել», «Ծովահեն», «Բայադերա», «Քնած գեղեցկուհի», «Կարապի լիճ», «Ռեյմոնդ», «Սպարտակ», «Լեոնիդ Յակոբսոն» բալետները։ Հանդես է եկել, Բուլղարիայի Ազգային բալետի թատրոնում, Ճապոնիայի Ազգային թատրոնում, շրջել է Բրիտանիայի Հունաստանի, Չինաստանի թատրոններում։ 2014 թվականին Սոչիում մասնակցել է XXII-րդ ձմեռային Օլիմպիական խաղերի բացման արարողությանը, Նատաշա Ռոստովավայի առաջին պարում դերակատարելով Անդրեյ Բալկոնսկուն[2] :
Մրցանակներ
խմբագրել- 1995 թվականին ստացել է Բրազիլիայի ազգային բալետի Փառատոնի դափնեկիր
- 1996 թվականին՝ «Մայա» բալետի արտիստների միջազգային մրցույթի դափնեկիր Սանկտ Պետերբուրգ
- 1997 թվականին ստացել է բալետի արտիստների Միջազգային մրցույթի դիպլոմ
- 2008 թվականին ստացել է Ռուսաստանի վաստակավոր արտիստի կոչում
Ծանոթագրություններ
խմբագրել- ↑ «Наш двор и мои друзья детства. Ташкент, улица Пишпекская, 17. 1947 год». Արխիվացված է օրիգինալից 2013 թ․ հոկտեմբերի 15-ին. Վերցված է 2017 թ․ հունիսի 29-ին.
- ↑ Премьер Мариинского театра Данила Корсунцев — о том, что чувствует Андрей Болконский перед выходом на олимпийскую арену