Գրիգոր Գերգերյան
Գրիգոր Գերգերյան (արևմտ․հայ․՝ Գրիգոր Կերկերյան, անգլ․՝ Krikor Guerguerian, ), հայ եկեղեցական գործիչ, կաթոլիկ եպիսկոպոս։ Նա հայտնի է իր «Krikor Guerguerian Archive» աշխատությամբ՝ Հայոց ցեղասպանությանը վերաբերող փաստաթղթերի ժողովածուով։
| Գրիգոր Գերգերյան | |
|---|---|
| Ծնվել է | մայիսի 12, 1911 |
| Ծննդավայր | .svg){kind=small} Օսմանյան կայսրություն, Կյուրին |
| Մահացել է | մայիսի 7, 1988 |
| Մահվան վայր |  ԱՄՆ, Նյու Յորք, Նյու Յորք |
| Ազգություն | հայ |
| Կրոն |  Հայ կաթողիկե եկեղեցի |
| Մասնագիտություն | աստվածաբան |
| Աշխատանք | եպիսկոպոս |
| Անդամություն | Գլենդելի Սուրբ Մարիամ Աստվածածնի Նարեկ թեմ |
| Հարազատներ | Էդմունդ Գերգերյան (եղբորորդի) |
Կենսագրություն խմբագրել
Գերգերյանը իր ընտանիքի տասնվեց երեխաներից ամենակրտսերն էր։ Նա ուներ ութ քույր և յոթ եղբայր։ Միայն վեցն են կարողացել փրկվել Հայոց ցեղասպանությունից։ Ցեղասպանության ժամանակ նա իր ծնողների սպանության ականատես է եղել[1]։ 1916 թվականին Գրիգորը իր եղբոր հետ փախչում է Բեյրութ, որտեղ նրան ընդունում է որբանոցը։
1925 թվականին նա ընդունվել է Լիբանանի Զմմառ կաթոլիկ վանք-դպրոց։ 1930-ական թվականների սկզբին նա հոգևորական կոչում է ստացել Բեյրութի Սուրբ Ջոզեֆ համալսարանում, և հետագայում նա գնաց Հռոմ, որ ընդունվի Լևոնյան համալսարան, աստվածաբանություն սովորելու նպատակով։ Նա կաթոլիկ վանական է դարձել 1937 թվականին։
Նույն թվականին նա պաշպանեց իր դոկտորի կոչումը Հայոց ցեղասպանության թեմայով[2]։
Գործունեություն խմբագրել
Վանական դառնալուց հետո նա բնակություն է հաստատել Կահիրեում, որտեղ ապրել և աշխատել է նրա քահանա կրտսեր եղբայրը։ Մոտ 1952 թվականին, Կահիրեում, ծանոթացել է Կյուրտ Մուստաֆա փաշայի հետ։ Մուստաֆա փաշան Ստամբուլի առաջին զինվորական տրիբունալի նախկին դատավորն էր, ով վճիռ էր կայացրել Միություն և առաջադիմությոան անդամների դեմ դատավարություններում։ Մուստաֆան նրան ասել է, որ դատական փաստաթղթերի պատճեններն ուղարկվել են Հայ եկեղեցու Կոստանդնուպոլսի պատրիարքարան[3]։ Գերգերյանը փորձել է հասկանալ, թե որտեղ են ուղարկվել այդ փաստաթղթերը։ Նա գտել է և լուսանկարել է թղթերը Երուսաղեմի Հայ եկեղեցու պատրիարքարանում[4]։ Ավելի ուշ նա տեղափոխվել է ԱՄՆ, որտեղ աշխատել է որպես քահանա։ Այս փաստաթղթերի պատճենները պահվում են Մասաչուսեթս նահանգի Վուսթեր քաղաքի Քլարկ համալսարանի «Krikor Guerguerian Archive» ժողովածուում։
Հրապարակումներ խմբագրել
Յոզղատի Հայասպանության Վավերագրական Պատմություն (Վավերագրական պատմություն Յոզղաթի Հայոց)
Ծանոթագրություններ խմբագրել
- ↑ «Krikor Guergeurian on Meeting a Perpetrator». USC Shoah Foundation (անգլերեն). Վերցված է 2022 թ․ հուլիսի 31-ին.
- ↑ «About Reverend Father Krikor Guerguerian – Krikor Guerguerian Archive». wordpress.clarku.edu. Վերցված է 2019 թ․ փետրվարի 26-ին.
- ↑ Akçam, Taner (2018 թ․ հունվարի 23). Killing Orders: Talat Pasha’s Telegrams and the Armenian Genocide (անգլերեն). Springer. էջեր 12–14. ISBN 9783319697871.
- ↑ Arkun, Aram (2017 թ․ մայիսի 25). «Akçam Honors Rev. Krikor Guerguerian, Announces Digitalization of Guerguerian Archival Collection, at ALMA Lecture».