Գուրգեն Բաբաջանյան
- Վիքիպեդիայում կան հոդվածներ Բաբաջանյան ազգանունով այլ մարդկանց մասին։
Գուրգեն Հմայակի Բաբաջանյան (սեպտեմբերի 16, 1907[1][2], Բաքու, Ռուսական կայսրություն[1][2] - մարտի 5, 1983[2], Երևան, Հայկական ԽՍՀ, ԽՍՀՄ[2]), հայ խորհրդային կենսաբան։ ՀԽՍՀ ԳԱ ակադեմիկոս (1948), կենսաբանական գիտությունների դոկտոր (1954), ՀԽՍՀ գիտության վաստակավոր գործիչ (1961)[3]։
Գուրգեն Բաբաջանյան | |
|---|---|
| Ծնվել է | սեպտեմբերի 16, 1907[1][2] Բաքու, Ռուսական կայսրություն[1][2] |
| Մահացել է | մարտի 5, 1983[2] (75 տարեկան) Երևան, Հայկական ԽՍՀ, ԽՍՀՄ[2] |
| Քաղաքացիություն |  Ռուսական կայսրություն և  ԽՍՀՄ |
| Ազգություն | հայ |
| Մասնագիտություն | կենսաբան |
| Հաստատություն(ներ) | ՀՀ ԳԱԱ[1][2] |
| Գործունեության ոլորտ | գենետիկա |
| Անդամակցություն | ՀՀ ԳԱԱ[1][2] |
| Կոչում | ակադեմիկոս[1] |
| Գիտական աստիճան | կենսաբանական գիտությունների դոկտոր[1][2] (1954) |
| Պարգևներ | |
| Կուսակցություն | ԽՄԿԿ[1] |
Կենսագրություն խմբագրել
Գուրգեն Բաբաջանյանը ծնվել է Բաքվում։ 1932 թվականին ավարտել է միջինասիական բամբակի ինստիտուտը։ 1946–1953 թվականներին եղել է ՀԽՍՀ ԳԱ գենետիկայի ինստիտուտի տնօրեն, 1948–1953 թվականներին՝ ՀԽՍՀ ԳԱ գյուղատնտեսական գիտությունների բաժանմունքի ակադեմիկոս–քարտուղար և ՀԽՍՀ ԳԱ Նախագահության անդամ, 1956 թվականից՝ ՀԽՍՀ երկրագործության ԳՀԻ բույսերի գենետիկայի բաժնի վարիչ։ Գիտական աշխատանքները նվիրված են գյուղատնտեսական բույսերի բեղմնավորման կենսաբանությանը և գենետիկական հարցերի ուսումնասիրմանը։ Նրա ուսումնասիրություններով հաստատվեց օտարածին փոշոտման արդյունավետ ազդեցությունը ինցուխտի, տրամախաչման և հիբրիդացման վրա։ 1965 թվականից Բաբաջանյան զբաղվում է հետերոզիսի և կենսունակության (լետալության) գենետիկայի հարցերով։ Բացահայտել է լետալ գեների բազմալելության մի շարք օրինաչափություններ, որոնք պայմանավորում են հիբրիդի կենսունակության մակարդակը։ ԽՄԿԿ անդամ 1939 թվականից։
Աշխատություններ խմբագրել
- Избирательная способность оплодотворения сельскохозяйственных растений, Ереван, 1947, 152 с.
- Цветение, опыление и оплодотворение пшеницы, Ереван, 1955, 245 с[4].
Մամուլ խմբագրել
- Հոդվածների մատենագիտություն[5]։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
- ↑ «ՀՀ գիտությունների ազգային ակադեմիայի իսկական անդամներ». Վերցված է 2023 թ․ հունիսի 26-ին.
- ↑ «ՀՀ ԳԱԱ հիմնարար գիտական գրադարանի էլ․ քարտարան- Գուրգեն Բաբաջանյան». Վերցված է 2023 թ․ հունիսի 26-ին.
- ↑ «ՀՀ ԳԱԱ ակադեմիկոսների կենսամատենագիտություններ». Վերցված է 2023 թ․ հունիսի 8-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 188)։ 
|