Գառնիկ Ղազարյան
- Վիքիպեդիայում կան հոդվածներ Ղազարյան ազգանունով այլ մարդկանց մասին։
Գառնիկ Սիմոնի Ղազարյան (նոյեմբերի 10, 1888, Քարահունջ, Զանգեզուրի գավառ, Ելիզավետպոլի նահանգ, Ռուսական կայսրություն[1] - ապրիլի 19, 1960, Երևան, Հայկական ԽՍՀ, ԽՍՀՄ[1]), հայ բանաստեղծ, դրամատուրգ, ԽՍՀՄ գրողների միության անդամ 1934 թվականից։ ԽՄԿԿ անդամ 1913 թվականից։
Գառնիկ Ղազարյան | |
---|---|
Ծնվել է | նոյեմբերի 10, 1888 |
Ծննդավայր | Քարահունջ, Զանգեզուրի գավառ, Ելիզավետպոլի նահանգ, Ռուսական կայսրություն[1] |
Վախճանվել է | ապրիլի 19, 1960 (71 տարեկան) |
Վախճանի վայր | Երևան, Հայկական ԽՍՀ, ԽՍՀՄ[1] |
Մասնագիտություն | բանաստեղծ, դրամատուրգ և խմբագիր |
Քաղաքացիություն | Ռուսական կայսրություն և ԽՍՀՄ |
Կրթություն | Գևորգյան Հոգևոր Ճեմարան (1917)[1] |
Անդամակցություն | ԽՍՀՄ Գրողների միություն |
Կուսակցություն | ԽՄԿԿ[1] |
Աշխատավայր | Մաճկալ[1] և Արմենպրես[1] |
Գառնիկ Ղազարյան Վիքիդարանում |
Կենսագրություն խմբագրել
Ծնվել է Քարահունջ (այժմ՝ Սյունիքի մարզ) գյուղում։ 1916-1917 թվականներին սովորել է Էջմիածնի Գևորգյան ճեմարանում։ Եղել է Անդրկովկասի հեղափոխական շարժումների մասնակից։ 1915 թվականին ընտրվել է ՌՍԴԲ(բ)Կ Թիֆլիսի կոմիտեի անդամ։ Մասնակցել է Բաքվի կոմունայի պաշտպանությանը։ Խմբագրել է «Կարմիր ռանչպար» (1921, Գորիս), «Մաճկալ» (1925-1929) թերթերը։ 1922-1924 թվականներին եղել է կուսակցության Զանգեզուրի գավկոմի քարտուղարը, 1929-1935 թվականներին՝ ՀԽՍՀ Գլավլիտի պետական, այնուհետև՝ ՀԽՍՀ ռադիոկոմիտեի նախագահը և Հայկական հեռագրական գործակալության (այժմ՝ Արմենպրես) տնօրենը։ Հրատարակել է «Ազատության շեփորը» բանաստեղծությունների ժողովածուն (1963), «Պայքարի ֆրոնտում» (1933) և այլ գործեր[2]։
Գառնիկ Ղազարյանի երկերի մատենագրություն խմբագրել
- Կուլտուրական հեղափոխությունը և կենցաղային խնդիրները գյուղում, Երևան, Պետհրատ, 1930, 56 էջ։
- Կուլտուրական հեղափոխությունը և կենցաղային խնդիրները գյուղում, 2-րդ բարեփոխված հրատարակություն, Երևան, Պետհրատ, 1931, 40 էջ։
- Սևան (պոեմ), Երևան, Պետհրատ, 1931, 12 էջ։
- Պայքար ֆրոնտում (պիես), Երևան, Պետհրատ, 1933, 39 էջ։
- Կարմիր ակոս (պիես), Երևան, Պետհրատ, 1934, 40 էջ։
- Ազատության շեփորը, Երևան, Հայպետհրատ, 1963, 155 էջ։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ Գրական տեղեկատու. Երևան: «Սովետական գրող». 1986. էջ 332.
Վիքիդարանն ունի նյութեր, որոնք վերաբերում են «Գառնիկ Ղազարյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 20)։ |