Բրիջփորթ (անգլ.՝ Bridgeport), քաղաք ԱՄՆ-ի Կոնեկտիկուտ նահանգում[3]։ Ըստ 2010 թվականի տվյալների՝ բնակչությունը կազմում է 144․2 հազար մարդ։ Լոնգ Այլենդ կղզու նավահանգիստ է։ Կոնեկտիկուտ նահանգի ամենամեծ քաղաքն է, որը Մեծ Բրիջփորթ ագլոմերացիայի մաս է։ Քաղաքում զարգացած են ռազմական արդյունաբերությունը, մեքենաշինությունը, մետաղաձուլությունը, էլեկտրոնային սարքավորումների արտադրությունը։
Ըստ ԱՄՆ վիճակագրության բյուրոյի՝ քաղաքն ունի ընդհանուր առմամբ 50 կմ² տարածք, որից 41 կմ²-ը ցամաք է և 8,8 կմ²-ն՝ ջուր։ Ամբողջ քաղաքի տարածքի 17,53%-ը ծածկված է ջրով։
Բրիջփորթը գտնվում է խոնավ մերձարևադարձային և խոնավ մայրցամաքային կլիմայի միջակայքում (համաձայն Կյոպպենի կլիմաների դասակարգման)։ Ամռանը շատ տաք է և խոնավ, ձմռանը՝ ցուրտ և ձյունառատ։ Քաղաքում առավելագույն բացարձակ ջերմաստիճանը գրանցվել է 1957 թվականի հուլիսին (39,4 °C), իսկ ռեկորդային ցածր ջերմաստիճանը գրանցվել է 1984 թվականի հունվարին (-21,7 °C): Բրիջփորթում ամենաձյունառատ ձմեռը եղել է 1996 թվականին, երբ տեղացել էր 195 սանտիմետր ձյուն[4]։
ԱՄՆ
Ջերմաստիճանի և տեղումների տարեկան միջին ցուցանիշները Բրիջփորթ (Կոնեկտիկուտ)ում