Բողոքի ցույցեր ՀՀ ԱԺ ցրման պահանջով

Բողոքի ցույցեր ՀՀ ԱԺ ցրման պահանջով
Կարգավիճակ	Ավարտված
Հակամարտող կողմեր
ՔՊԿ; ՀՀ գործադիր իշխանություն ; Ելք դաշինք, հասարակական կազմակերպություններ, խմբեր,	ՀՀԿ; ԲՀԿ; ՀՅԴ
Ղեկավարներ
Նիկոլ Փաշինյան; Արարատ Միրզոյան; Ալեն Սիմոնյան;	Արա Բաբլոյան Էդուարդ Շարմազանով; ;

Բողոքի ցույցեր ՀՀ ԱԺ ցրման պահանջով, բողոքի զանգվածային ցույցեր Երևանում և Հայաստանի այլ բնակավայրերում^[1], որոնք սկիզբ են առել 2018 թվականի հոկտեմբերի 2֊ին Ազգային ժողովի ցրման պահանջով^[2]։ ՀՀ վարչապետ Նիկոլ Փաշինյանի հորդորով երեկոյան նրա համակիրները հավաքվեցին Մարշալ Բաղրամյան և Կարեն Դեմիրճյան փողոցներում և շրջափակեցին Ազգային ժողովի շենքը^[3]։ Վարչապետի կոչից հետո բողոքի ցույցեր սկսեցին նաև Վանաձորում^[1] և Գյումրիում^[4]։

Նախապատմություն խմբագրել

Հոկտեմբերի 2-ին Ազգային ժողովի քննարկմանը ներկայացվեց ՀՀԿ խմբակցության պատգամավորներ Արփինե Հովհաննիսյանի, Վահրամ Բաղդասարյանի և Անդրանիկ Հարությունյանի համահեղինակությամբ մշակված ԱԺ կանոնակարգ օրենքում փոփոխություններ կատարելու մասին օրենքի նախագիծ^[5]։ Երեկոյան Ազգային ժողովն արտահերթ նիստ հրավիրեց և ընդունեց նախագիծը, ըստ որի Ազգային ժողովի նիստը կհամարվի ընդհատված, եթե արտաքին ուժերի ազդեցության պատճառով չգումարվի նիստը։

Հանրահավաք Բաղրամյան փողոցում խմբագրել

Հանրահավաքի ժամանակ Նիկոլ Փաշինյանը հրամանագիր ստորագրեց ԲՀԿ և ՀՅԴ կուսակցությունները ներկայացնող նախարարներին իրենց զբաղեցրած պաշտոններից ազատելու մասին։ Փոխադարձ համաձայնությամբ պաշտոնին կշարունակի մնալ միայն փոխվարչապետ Մհեր Գրիգորյանը^[6]։ Նիկոլ Փաշինյանը հայտնեց նաև, որ կառավարության հաջորդ նիստում իրենց զբաղեցրած պաշտոններից կազատվեն նաև այդ կուսակցությունների անդամ մարզպետները^[7]^[8]։ Նույն պահին ՀՅԴ-ն հայտնեց կառավարությունից իր նախարարներին հետ կանչելու մասին^[9]։

Նիկոլ Փաշինյանը հայտարարեց, որ ԲՀԿ և ՀՅԴ նախարարների ազատման հրամանը ուժի մեջ մտնելուց հետո ինքը հրաժարական կտա վարչապետի պաշտոնից^[10]։