Էդուարդ Շարմազանով

	Էդուարդ Հովսեփի Շարմազանով
հունիսի 12, 2011 - 2019
Դրոշ	Հայաստանի Հանրապետական Կուսակցության մամուլի խոսնակ
2011 - 2019
Դրոշ	ՀՀ Ազգային ժողովի սոցիալական հարցերի մշտական հանձնաժողովի անդամ
դեկտեմբերի 6, 2011 - մայիսի 31, 2012
Դրոշ	ՀՀ Ազգային ժողովի եվրոպական ինտեգրման հարցերի մշտական հանձնաժողովի անդամ
հունիսի 6, 2007 - հուլիսի 11, 2008
Դրոշ	ՀՀ վարչապետի օգնական
2005 - 2007
Կուսակցություն՝	Հանրապետական
Կրթություն՝	Հայկական պետական մանկավարժական համալսարան
Գիտական աստիճան՝	Մանկավարժական գիտությունների թեկնածու
Մասնագիտություն՝	քաղաքական գործիչ
Ծննդյան օր	նոյեմբերի 8, 1975 (48 տարեկան)
Ծննդավայր	Ալավերդի,; Հայաստան
Քաղաքացիություն	Հայաստան
Զավակներ	2 զավակ
Պարգևներ	Մխիթար Գոշի մեդալ
Eduard Sharmazanov

Էդուարդ Հովսեփի Շարմազանով (նոյեմբերի 8, 1975(1975-11-08), Ալավերդի, Հայկական ԽՍՀ, ԽՍՀՄ), հունական ծագմամբ հայազգի քաղաքական գործիչ, նախկին ՀՀ Ազգային ժողովի նախագահի տեղակալ։

Կենսագրություն խմբագրել

Ծնվել է 1975 թվականի նոյեմբերի 8-ին Լոռու մարզի Ալավերդի քաղաքում, հունական ընտանիքում։

1997 թվականին ավարտել է Խաչատուր Աբովյանի անվան մանկավարժական ինստիտուտ պատմաաշխարհագրական ֆակուլտետի պատմության բաժինը, 2000 թ.` ՀՊՄԻ հայոց պատմության ամբիոնի ասպիրանտուրան, 2006 թ.` Եվրոպայի խորհրդին կից Մոսկվայի քաղաքական հետազոտությունների դպրոցը։

Մանկավարժական գիտությունների թեկնածու։ Թեման՝ «Գարեգին Նժդեհի մանկավարժական հայացքները»։ Մի շարք գիտական, հրապարակախոսական հոդվածների, «Գարեգին Նժդեհը և ռազմական մանկավարժության հիմնահարցերը» մենագրության հեղինակն է։

1995 թ. հիմնադրել է Ալավերդու ուսանողական «Զարթոնք» միությունը, 1997-1999 թթ. եղել է ՀՊՄԻ ուսանողական գիտական ընկերության ղեկավարը։ 1999-2002 թթ. աշխատել է թիվ 159 կրթահամալիրում՝ որպես ուսուցիչ, 2002-2005 թթ.` ՀՊՄԻ ուսանողական խորհրդի նախագահ, ռեկտորի օգնական, ՀՊՄՀ Հայոց պատմության ամբիոնի դասախոս, ՀՀԿ երիտասարդական կազմակերպության փոխնախագահ։
2005 թ. հունիսի 1-ին ՀՀ վարչապետի որոշմամբ նշանակվել է ՀՀ վարչապետի օգնական^[1]։
2007 թ. հունիսի 6-ին ՀՀ վարչապետի որոշմամբ ազատվել է ՀՀ վարչապետի օգնականի պաշտոնից^[2]։
2007 թ. մայիսի 12-ին Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցությունից։ ՀՀ ԱԺ սոցիալական հարցերի մշտական հանձնաժողովի անդամ։ ՀՀԿ մամուլի խոսնակ։
2011 թ. դեկտեմբերի 6-ին ընտրվել է ՀՀ Ազգային ժողովի նախագահի տեղակալ^[3]։
2012 թ. մայիսի 6-ին Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցության համամասնական ընտրացուցակով։
2012 թ. մայիսի 31-ին ընտրվել է ՀՀ Ազգային ժողովի նախագահի տեղակալ^[4]։
2017 թ․ ապրիլի 2-ին պատգամավոր է ընտրվել ՀՀԿ ցուցակով։ Եղել է ԱԺ նախագահի տեղակալը^[5]։
2019 թ․-ից այլևս պատգամավոր չէ։

Պարգևներ խմբագրել

2003 թ. արժանացել է ՀՀ վարչապետի շնորհակալագրին և մրցանակին՝ ՀՀ երիտասարդական քաղաքականության բնագավառում ակտիվ քաղաքական գործունեություն ծավալելու համար։
2005 թ. արժանացել է «Հայկյան» մրցանակին՝ որպես ուսանողական ինքնակառավարման մարմնի լավագույն ղեկավար։
2006 թ. պարգևատրվել է ՀՀ ՊՆ «Գարեգին Նժդեհ» մեդալով։
2008 թ.` «Անդրանիկ Օզանյան» մեդալով։
2009 թ. Ֆրիտյոֆ Նանսենի ոսկե հուշամեդալով։
2011 թ. ԱՊՀ միջխորհրդարանական վեհաժողովի պատվոգրով և հուշամեդալով։
2015 թ. Մխիթար Գոշի մեդալ^[6]