Բոգուսլավ Ադամովիչ

Բոգուսլավ Ադամովիչ (լեհ.՝ Bogusław Adamowicz, հունվարի 13, 1870(1870-01-13), Մինսկ, Ռուսական կայսրություն - 1944), «Երիտասարդ Լեհաստան» շարժման լեհ արձակագիր, բանաստեղծ, նկարիչ։ Հարել է պառնասականներին, սիմվոլիզմին, իմպրեսիոնիզմին, ներկայացրել լեհական հայրենասիրական պոեզիա և ֆանտաստիկ սարսափ գրականություն։

Բոգուսլավ Ադամովիչ լեհ.՝ Bogusław Adamowicz
Ծնվել է	հունվարի 13, 1870(1870-01-13)
Ծննդավայր	Մինսկ, Ռուսական կայսրություն
Վախճանվել է	1944
Գրական անուն	B. Korda, Self
Մասնագիտություն	բանաստեղծ, գրող և նկարիչ
Լեզու	լեհերեն
Քաղաքացիություն	Ռուսական կայսրություն և  Լեհաստանի Երկրորդ Հանրապետություն
Կրթություն	Մինսկի արական գիմնազիա
Գրական ուղղություններ	սիմվոլիզմ և իմպրեսիոնիզմ
Bogusław Adamowicz Վիքիպահեստում

Կենսագրություն

Նկարչություն սովորել է Փարիզում։ Մոտ 1911 թվականին վերադարձել է Մինսկ, որտեղ 1918-1920 թթ. խմբագրել է լեհական «Goniec Miński» պարբերականը։ 1920 թվականից ապրել է Վարշավայում։ Վարշավայի ապստամբության (1944) ժամանակ գերմանացիների կողմից բռնի տարհանվել է Վարշավայից, որից հետո նրա մասին լուրեր չկան։

Ստեղծագործությունը

Բոգուսլավ Ադամովիչի ստեղծագործությունը բաժանվում է երկու տարբեր ուղղությունների։ Առաջինում շեշտվում է էրոտիզմն ու նեկրոֆիլ երևույթները՝ փոքր-ինչ սատանիստական երանգավորմամբ։ Այստեղ Բոգոսլավ Ադամովիչի ստեղծագործությունների վրա ազդեցություն է ունեցել Էդգար Պոն և բնորոշ էր «Երիտասարդ Լեհաստան» շարժմանը։ Այս բնույթի պոեզիայում Ադամովիչը մանրամասնորեն պատկերում է սեռական զգայնությունը՝ ուղղակիորեն համատեղելով կյանքը մահվան ցանկությանը։

Բոգուսլավ Ադամովիչի ստեղծագործության երկրորդ ուղղությունն ազդել է Տադեուշ Միչինսկու և Անտոնի Լանգեի պոեզիայի վրա։ Այս բնույթով Ադամովիչը շարունակել է Յուլիուշ Սլովեցկուն, օգտագործելով իր պոեզիայում մետաֆիզիկական և պատմափիլիսոփայական հարաբերապաշտություն, միևնույն ժամանակ ընդգծելով սոցիալական անարդարության իր տեսլականը։ Այս բնույթով Ադամովիչը առանձնանում է «Երիտասարդ Լեհաստան» շարժումից, հարում պոզիտիվիզմին։

Երկեր

Պոեզիա

• «Gra wyobraźni» (1893),
• «Melodie» (1897),
• «Rapsod ludzkości» (1911),
• «Wybór poezji» (1985),

Արձակ

• «Wojna z duchami» (1908), ապա հրատարակվել է «W starym dworze. Powieść fantastyczna» անվանումով,
• «Tajemnica długiego i krótkiego życia» (1911),
• «Nieśmiertelne głupstwo. Fantazja powieściowa» (1912),
• «Wesoły marszałek» (1922),
• Świat na żółto (Мир в жёлтом) (1925), ապա հրատարակվել է «Triumf żółtych» (1927) անվանումով

Գրականություն

• Andrzej Niewiadowski, Antoni Smuszkiewicz, Leksykon polskiej literatury fantastycznonaukowej, Wydawnictwo Poznańskie, Poznań 1990, ISBN 83-210-0892-5

Արտաքին հղումներ

• Adamowicz, Bogusław (լեհ.)
• Стихотворение «Noc taka piękna» (լեհ.)
• Стихотворение «W księżycowy brzask» Արխիվացված 2013-11-11 Wayback Machine (լեհ.)

Վիքիպահեստն ունի նյութեր, որոնք վերաբերում են «Բոգուսլավ Ադամովիչ» հոդվածին։