Բերտոլդ Դամքե

գերմանացի դաշնակահար, դիրիժոր, կոմպոզիտոր և երաժշտական քննադատ

Բերտոլդ Դամքե (գերմ.՝ Berthold Damcke, փետրվարի 6, 1812(1812-02-06)[1], Հաննովեր, Սրբազան Հռոմեական կայսրություն - փետրվարի 15, 1875(1875-02-15)[1], Փարիզ), գերմանացի դաշնակահար, ուսուցիչ, դիրիժոր, կոմպոզիտոր և երաժշտական քննադատ։

Բերտոլդ Դամքե
Դիմանկար
Ծնվել էփետրվարի 6, 1812(1812-02-06)[1]
ԾննդավայրՀաննովեր, Սրբազան Հռոմեական կայսրություն
Մահացել էփետրվարի 15, 1875(1875-02-15)[1] (63 տարեկան)
Մահվան վայրՓարիզ
ԳերեզմանՊեր Լաշեզ[2] և Grave of Damcke
Քաղաքացիություն Պրուսիայի թագավորություն
Մասնագիտությունդիրիժոր, դպրոցի ուսուցիչ, կոմպոզիտոր, երաժշտական քննադատ և թավջութակահար
ԱշխատավայրՓարիզի կոնսերվատորիա
 Berthold Damcke Վիքիպահեստում

Կենսագրություն խմբագրել

Սկզբում նա ուսումնասիրել է աստվածաբանություն, ապա երաժշտություն Ֆրանկֆուրտում. Ալոիս Շմիթի և Ֆերդինանդ Ռիսի աշակերտը[3]։ 1834 թվականից ալտ է նվագել Հաննովերի պալատական նվագախմբում, այնուհետև ղեկավարել է Բադ Կրոյցնախի երգչախումբը, իսկ 1837 թվականից հանդես է եկել Պոտսդամում։ Այնուհետև ապրել և աշխատել է Քյոնիգսբերգում, Բեռլինում։ 1845-1855 թվականներին աշխատել է Սանկտ Պետերբուրգում, հանդես է եկել որպես դաշնակահար և դիրիժոր, տպագրվել է «Ընթերցանության գրադարան», «Հայրենական գրառումներ» ամսագրերում, «St. Petersburgische Zeitung» և այլ թերթերում։ 1855 թվականին նա տեղափոխվել է Բրյուսել, որտեղ նրա աշակերտը մասնավորապես եղել է Սամուել դե Լանգե կրտսերը։ 1847 թվականին աշխատելով Ռուսաստանում՝ ծանոթացել և ընկերացել է Էկտոր Բեռլիոզի հետ, շարունակել է ընկերությունը նրա հետ Փարիզում, որտեղ ապրել է 1859 թվականից (երաժշտա-տեսական առարկաներ է դասավանդել Փարիզի կոնսերվատորիայում) և, ի վերջո, դարձել նրա կտակակատարներից մեկը։ Խմբագրել է Քրիստոֆ Վիլիբալդ Գլյուկի ստեղծագործությունների հրատարակությունը։ Եղել է պետերբուրգյան որոշ ամսագրերի և թերթերի օտարերկրյա մշտական թղթակիցը։

Մահացել է 63 տարեկանում Փարիզում և թաղվել Պեր Լաշեզ գերեզմանատանը։

Գրել է «Դեբորա» և «Թովիա» օրատորիաները, «Քեթհենը Գեյլբրոննից» օպերան (1845, Քլայսթի համանուն պիեսի հիման վրա), այլ երգչախմբային, վոկալ և կամերային ստեղծագործություններ։

Ծանոթագրություններ խմբագրել

  1. 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. Moiroux J. Le cimetière du Père-Lachaise (ֆր.)Paris: 1908. — P. 119.
  3. Hugo Thielen: Damcke, Berthold. In: Dirk Böttcher, Klaus Mlynek, Waldemar R. Röhrbein, Hugo Thielen: Hannoversches Biographisches Lexikon. Von den Anfängen bis in die Gegenwart. Schlütersche, Hannover 2002, ISBN 3-87706-706-9, S. 90.

Գրականություն խմբագրել

  • Музыкальный энциклопедический словарь / Гл. ред. Г. В. Келдыш. - М.: Советская энциклопедия, 1990. - с. 161
  • Alexandre Bibesco. Berthold Damcke; étude biographique et musicale — Paris: Alphonse Lemerre, 1894.(ֆր.)

Արտաքին հղումներ խմբագրել