Բեն Քինգ

Բեն Է. Քինգ (անգլ.՝ Ben E. King,իրական անունը՝ Բենջամին Էռլ Նելսոն (անգլ.՝ Benjamin Earl Nelson, 28 սեպտեմբերի 1938, Հարլեմ, Նյու Յորք, ԱՄՆ — 30 ապրիլի 2015, Հաքենսակ, Նյու Ջերսի, ԱՄՆ), 1950-ական թվականների վերջի և 1960-ական թվականների սկզբի սոուլ երաժշտության դասականներից մեկը, որը իր կարիերան սկսել է The Drifters վոկալ կոլեկտիվի առաջատարի կարգավիճակով։ Նրա բարիտոնը ռիթմ-էնդ-բլյուզը հայտնի դարձրեց սպիտակամորթ բնակչության շրջանում. Քինգի դասական ձայնագրությունները կանխորոշում էին «մոթաունյան հնչողությունը» 1960-ական թվականների կեսերին։

Բեն Քինգ
Ի ծնե անուն	անգլ.՝ Benjamin Earl Nelson
Նաև հայտնի է որպես	Ben E. King
Ծնվել է	սեպտեմբերի 28, 1938(1938-09-28)[…] Հենդերսոն, Հյուսիսային Կարոլինա, ԱՄՆ
Երկիր	ԱՄՆ
Մահացել է	ապրիլի 30, 2015(2015-04-30)[…] (76 տարեկան) Թինեք, Բերգեն շրջան, Նյու Ջերսի, ԱՄՆ
Ժանրեր	սոուլ, բլյուզ և ռիթմ էնդ բլյուզ
Մասնագիտություն	երգիչ, երաժիշտ, երգերի հեղինակ, հեղինակ-կատարող, դաշնակահար, երաժշտական պրոդյուսեր և ստուդիական երաժիշտ
Երգչաձայն	բարիտոն
Գործիքներ	դաշնամուր և վոկալ
Լեյբլ	Atlantic Records և Atco Records
Անդամակցություն	The Drifters?
Ամուսին	Betty Nelson?
Կայք	beneking.info
Ben E. King Վիքիպահեստում

Կենսագրություն

Հարլեմում ծնված Նելսոնը հանդես է եկել The Five Crowns կիսասիրողական խմբի կազմում, երբ պրոդյուսեր Ջորջ Թրեդվելը հրավիրել է նրան (1958 թվականին) իր հանրահայտ The Drifters խումբ։ Խմբի առաջատարը դժվարություններ ուներ ստուդիայում ձայնագրությունների հետ, և Քինգին բախտ վիճակվեց փոխարինել նրան There Goes My Baby-ի ձայնագրման ժամանակ. երգի, որը The Drifters-ին սուպերաստղեր դարձրեց։

Մենակատարի կարգավիճակով Քինգը դուետով հանդես է եկել Լեյբերի և Սթոլերի հետ։ Իր առաջին սինգլն է դարձել Spanish Harlem նվագախմբային բալլադը՝ ձայնագրված Ֆիլ Սպեկտորի հետ միասին (հետագայում այդ երգը կատարել է Արետա Ֆրանկլինը)։ Նույն 1961 թվականին թողարկվել է նրա ամենախոշոր հիթը՝ Stand By Me-ն։ Այն ընկերության հիմն է և երկու անգամ վերադարձել է Billboard Hot 100, իսկ 1987 թվականին նույնանուն ֆիլմի թողարկումից հետո՝ UK Singles Chart:

Բեն Քինգը մահացել է 2015 թվականի ապրիլի 30-ին։

Մեծագույն հիթեր

Բեն Քինգի երեք հիթեր՝ There Goes My Baby (1958), Spanish Harlem (1961) և Stand By Me (1961) Ռոք-ն-ռոլի փառքի սրահը ներառում է այն երգերի ցանկում, որոնք ձևավորել են ժամանակակից փոփ երաժշտությունը։ Նրանք բոլորը ընդգրկվել են Rolling Stone ամսագրի վարկածով բոլոր ժամանակների 500 մեծագույն երգերի ցանկում։ There Goes My Baby և Stand By Me երգերը գրելու ժամանակ վոկալիստն ինքն է մասնակցություն ունեցել։ 1975 թվականին Stand By Me երգի սեփական տարբերակն է ներկայացրել Ջոն Լենոնը, իսկ 2007 թվականին՝ Billboard Hot 100-ն է գրավել երաժշտության նորացված տարբերակը՝ Beautiful Girls-ը, Շոն Քինգսթոնի կատարմամբ։

Արտաքին հղումներ

• Կենսագրությունը allmusic կայքում

Վիքիպահեստն ունի նյութեր, որոնք վերաբերում են «Բեն Քինգ» հոդվածին։