Բարգուշատ
Բարգուշատ (նախկին անվանումը` Գյոդաքլու Ներքին), գյուղ Հայաստանի Հանրապետության Սյունիքի մարզի Կապանի տարածաշրջանում, Կապան քաղաքից մոտ 6 կմ հյուսիս-արևելք, Գորիս-Կապան խճուղու ձախ կողմում, ծովի մակարդակից 800-900 մ բարձրության վրա։
| Գյուղ | ||
|---|---|---|
| Բարգուշատ | ||
| Երկիր |  Հայաստան | |
| Մարզ | Սյունիքի | |
| Այլ անվանումներ | Ներքին Գյոդակլու, Գյոդակլու, Գյոդակլու Ներքին | |
| ԲԾՄ | 820 մ | |
| Պաշտոնական լեզու | Հայերեն | |
| Բնակչություն | 98[1] մարդ (2011) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | բարգուշատցի | |
| Ժամային գոտի | UTC+4 | |
| ||
Գյոդաքլու Ներքին անվան տակ ընդգրկված է եղել Ցարական Ռուսաստանի Ելիզավետպոլի նահանգի Զանգեզուրի գավառում[2]։ Խորհրդային տարիներին մասն է կազմել Հայկական ԽՍՀ Զանգեզուրի գավառի, իսկ 1930 թվականից` Կապանի շրջանի։ 1995 թվականից մտնում է ՀՀ Սյունիքի մարզի Սյունիք համայնքի կազմի մեջ։ Բարգուշատ է վերանվանվել 2006 թ.-ի հուլիսի 4-ին։
Բնակչություն խմբագրել
Ըստ ՀՀ 2011 թ. մարդահամարի արդյունքների` Բարգուշատի մշտական բնակչությունը կազմել է 98, առկա բնակչությունը` 43 մարդ[1]։ Մինչև 1988-1989 թթ. գյուղը բնակեցված է եղել ադրբեջանցիներով[3], այնուհետ` հայերով։ Բարգուշատի բնակչության փոփոխությունը ժամանակի ընթացքում` ստորև[3][2].
| Տարի | 1831 | 1873 | 1897 | 1926 | 1939 | 1959 | 1970 | 1979 | 1989 | 2011 |
|---|---|---|---|---|---|---|---|---|---|---|
| Բնակիչ | 26 | 154 | 123 | 60 | 87 | 95 | 447 | 294 | 25 | 98[1] |
Տնտեսություն խմբագրել
Բնակչությունը զբաղվում է անասնապահությամբ, դաշտավարությամբ, ծխախոտագործությամբ և բանջարաբուծությամբ։