Բահրամ Մանսուրով
Բահրամ Մեշեդի Սուլեյման բեկ օղլի Մանսուրով (ադրբ.՝ Bəhram Məşədi Süleyman bəy oğlu Mansurov, փետրվարի 12, 1911, Բաքու, Ռուսական կայսրություն - մայիսի 14, 1985, Բաքու, Ադրբեջանական ԽՍՀ, ԽՍՀՄ), ադրբեջանցի երաժիշտ, թառահար, Ադրբեջանական ԽՍՀ ժողովրդական արտիստ (1978)[1];
| Բահրամ Մանսուրով | |
|---|---|
 | |
| Բնօրինակ անուն | Bəhram Mansurov |
| Ծնվել է | փետրվարի 12, 1911 Բաքու, Ռուսական կայսրություն |
| Երկիր |  Ռուսական կայսրություն,  Ադրբեջանի Ժողովրդավարական Հանրապետություն և  ԽՍՀՄ |
| Մահացել է | մայիսի 14, 1985 (74 տարեկան) Բաքու, Ադրբեջանական ԽՍՀ, ԽՍՀՄ |
| Ժանրեր | մուղամ և ժամանակակից ժողովրդական երաժշտություն |
| Մասնագիտություն | երաժիշտ և մանկավարժ |
| Գործիքներ | թառ |
| Պարգևներ |         և  |
 Bahram Mansurov Վիքիպահեստում | |
Կենսագրություն խմբագրել
Բահրամ Մանսուրովը ծնվել է 1911 թվականի փետրվարի 12-ին Բաքվում[2]։
1925 թվականին Բահրամ Մանսուրովը ավարտել է միջնակարգ դպրոցը։ Որպես կատարող հանդես է եկել 1931 թվականից՝ Ադրբեջանում ժողովրդական գործիքների անսամբլում, ղեկավարել պրոֆեսիոնալ և ինքնագործ անսամբլներ, որպես մենակատար աշխատել է Բաքվի ֆիլհարմոնիայում և ռադիոկոմիտեում։ 1932 թվականին Աբդուլ Մագոմաևի նախաձեռնությամբ Բահրամ Մանսուրովը սկսեց աշխատել օպերայի և բալետի թատրոնում, ապա ռադիոկոմիտեի ժողովրդական գործիքների անսամբլի մենակատար։ 1941 թվականին Ադրբեջանի օպերայի և բալետի թատրոնի կոլեկտիվի հետ միասին, Բահրամ Մանսուրովը գնաց Իրան։ Իրանից վերադառնալուց հետո Մանսուրովը հրավիրվել է Բաքու երաժշտական դպրոց `մուղամ սովորելու համար։
Բահրամի կատարումն աչքի է ընկել վիրտուոզ վարպետությամբ, գործիքի գունային հնարավորությունների գերազանց տիրապետմամբ։ Երկացանկում ունեցել է գործիքային բազմաթիվ պիեսներ և մուղամներ։
1978 թվականին Բահրամ Մանսուրովն արժանացել է Ադրբեջանական ԽՍՀ ժողովրդական արտիստի կոչմանը[3]։
Բահրամ Մանսուրովը մահացել է 1985 թվականի մայիսի 14-ին։ Կոմպոզիտոր Էլդար Մանսուրովի հայրն է։