Բաբկեն Մելիք-Մուսյան

Բաբկեն Մկրտչի Մելիք-Մուսյան (փետրվարի 19, 1893(1893-02-19), Վերին Ագուլիս, Նախիջևանի գավառ, Երևանի նահանգ, Ռուսական կայսրություն - փետրվարի 26, 1960(1960-02-26), Երևան, Հայկական ԽՍՀ, ԽՍՀՄ), հայազգի խորհրդային ակնաբույժ։ Բժշկական գիտությունների դոկտոր (1948), պրոֆեսոր (1949)։

Բաբկեն Մելիք-Մուսյան
Ծնվել է	փետրվարի 19, 1893(1893-02-19)
Ծննդավայր	Վերին Ագուլիս, Նախիջևանի գավառ, Երևանի նահանգ, Ռուսական կայսրություն
Մահացել է	փետրվարի 26, 1960(1960-02-26) (67 տարեկան)
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	Ռուսական կայսրություն և  ԽՍՀՄ
Ազգություն	հայ
Կրթություն	Ներսիսյան դպրոց (1913) և Տոմսկի պետական համալսարան (1920)
Մասնագիտություն	ակնաբույժ և դասախոս
Կոչում	պրոֆեսոր
Գիտական աստիճան	բժշկական գիտությունների դոկտոր (1948)
Աշխատավայր	Երևանի Մխիթար Հերացու անվան Պետական Բժշկական Համալսարան

Կենսագրություն

1913 թվականին Բաբկեն Մելիք-Մուսյանն ավարտել է Թիֆլիսի Ներսիսյան դպրոցը, 1920 թվականին՝ Տոմսկի համալսարանի բժշկական ֆակուլտետը, աշխատել տեղի աչքի հիվանդությունների կլինիկայում և միաժամանակ ղեկավարել քաղաքային մանկական տրախոմային հիվանդանոցը։ 1923—1926 թվականներին աշխատել է Բենդերում, 1926—1933 թվականներին՝ Կիրովականում, 1933 թվականից՝ Երևանում, 1935 թվականից՝ Երևանի բժշկական ինստիտուտի աչքի հիվանդությունների ամբիոնի և կլինիկայի վարիչ։ Եղել է ակնաբույժների համամիութենական ընկերության անդամ, ՀԽՍՀ ակնաբույժների ընկերության հիմնադիր- նախագահ։

Երկեր

• Տրախոման մեզ մոտ և պայքարը նրա դեմ, Երևան, 1937։
• Աչքի առջևի հատվածի հիվանդությունները, Երևան, 1940։

Ծանոթագրություններ

Վիքիդարանն ունի նյութեր, որոնք վերաբերում են «Բաբկեն Մելիք-Մուսյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 388)։