Արտյոմ Կյուրեղյան

Արտյոմ Կյուրեղյան
	Արտյոմ Կյուրեղյանը (կապույտ համազգեստով)՝ գոտեմարտելիս
Անձնական տեղեկություն
Սեռ՝	արական
Մասնագիտացում՝	ըմբիշ
Երկիր՝	Հայաստան, Ռուսաստան և Հունաստան
Ծննդյան ամսաթիվ՝	սեպտեմբերի 9, 1976 (47 տարեկան)
Ծննդավայր՝	Լենինական, Հայկական ԽՍՀ, ԽՍՀՄ
	157 սանտիմետր

Արտյոմ Սարգսի Կյուրեղյան (սեպտեմբերի 9, 1976(1976-09-09), Լենինական, Հայկական ԽՍՀ, ԽՍՀՄ), հունահռոմեական ոճի ռուսաստանցի և հունաստանցի հայ ըմբիշ, Ռուսաստանի առաջնության մրցանակակիր (1997), Հունաստանի բազմակի չեմպիոն (2000–2003, 2005–2007), Եվրոպայի առաջնության մրցանակակիր (2004), Օլիմպիական խաղերի մրցանակակիր (2004)^[1]։ Ռուսաստանի սպորտի վաստակավոր վարպետ (1995)^[2]։

Կենսագրություն խմբագրել

Արտյոմ Կյուրեղյանը ծնվել է 1976 թվականի սեպտեմբերի 9-ին Լենինականում (այժմ՝ Գյումրի)։ Հունահռոմեական ըմբշամարտով նա սկսել է զբաղվել 6 տարեկանում՝ Խաչատուր Վարդանյանի ղեկավարությամբ։ 1992-1999 թվականներին ապրել է Ռուսաստանի Ուլյանովսկ քաղաքում^[3], որտեղ Անատոլի Վիննիկի գլխավորությամբ մարզվել է «Դինամո» մարզական ընկերությունում։ 1997 թվականին Կյուրեղյանը դարձել է թեթևագույն քաշային կարգի Ռուսաստանի փոխչեմպիոն։

1999 թվականին տեղափոխվել է Հունաստան, որտեղ շարունակել է ըմբշամարտով զբաղվել իր զարմիկ Հարութիկ Ռուբենյանի ղեկավարությամբ, և հետագայում հանդես է եկել այդ երկրի դրոշի ներքո։

Իր մարզական կարիերայում ամենամեծ հաջողությանը Արտյոմ Կյուրեղյանը հասել է 2004 թվականին։ Շվեդիայի Հապարանդա քաղաքում տեղի ունեցած Եվրոպայի առաջնությունում նրան հաջողվել է հասնել եզրափակիչ և դառնալ արծաթե մեդալակիր։ Աթենքում կայացած օլիմպիական խաղերում նա գոտեմարտերից երեքում հաղթել է Ղրղզստանը, Չինաստանը և Դանիան ներկայացնող մրցակիցներին, կիսաեզրափակչում պարտվել է ռուսաստանցի ըմբիշ Հեյդար Մամեդալիևին, իսկ 3-րդ տեղի համար գոտեմարտում հաղթել է Ալեքսեյ Վակուլենկոյին (Ուկրաինա) և նվաճել բրոնզե մեդալ^[4]^[5]^[6]^[7]^[8]։

2001-2007 թվականներին Արտյոմ Կուրեղյանը հանդես է եկել ըմբշամարտի գերմանական բունդեսլիգայի «KSV Aalen» ակումբում։ 2007 թվականին նա ավարտել է մարզական կարիերան։ Ապրում է Աթենքում։

Ընտանիք խմբագրել

Արտուշ Կյուրեղյան (ծնված 1973 թվականին)՝ եղբայրը, հունահռոմեական ոճի ռուսաստանցի ըմբիշ, Ռուսաստանի առաջնության կրկնակի մեդալակիր (1995, 1998), Իվան Պոդդուբնու անվան միջազգային մրցաշարի արծաթե մեդալակիր (1995)։

Ծանոթագրություններ խմբագրել

↑ Борцы Армении(չաշխատող հղում)
↑ «Ульяновская областная федерация спортивной борьбы․ Зал славы». Արխիվացված է օրիգինալից 2019 թ․ փետրվարի 15-ին. Վերցված է 2020 թ․ ապրիլի 18-ին.
↑ КЮРЕГЯН ВДОХНОВИЛ ЯКОВЛЕВУ НА СЕРЕБРО
↑ Olympic Games, Greco-Roman Seniors, 2004-08-23 Athens (GRE), 55.0 kg
↑ «Archives.in.gr». Արխիվացված է օրիգինալից 2012 թ․ մայիսի 15-ին. Վերցված է 2013 թ․ մայիսի 22-ին.
↑ Sport24
↑ «Έλληνες Ολυμπιονίκες».
↑ rizospastis

Արտաքին հղումներ խմբագրել

Արտյոմ Կյուրեղյանի – օլիմպիական վիճակագրությունը Sports-Reference.com կայքում (անգլ.)
Արտյոմ Կյուրեղյանը International Wrestling Database կայքում (անգլ.)
Статистика выступлений в немецкой борцовской бундеслиге(գերմ.)

Վիքիպահեստն ունի նյութեր, որոնք վերաբերում են «Արտյոմ Կյուրեղյան» հոդվածին։

[memtrick-1] Борцы Армении(չաշխատող հղում)

[wrestul-2] «Ульяновская областная федерация спортивной борьбы․ Зал славы». Արխիվացված է օրիգինալից 2019 թ․ փետրվարի 15-ին. Վերցված է 2020 թ․ ապրիլի 18-ին.

[3] КЮРЕГЯН ВДОХНОВИЛ ЯКОВЛЕВУ НА СЕРЕБРО

[4] Olympic Games, Greco-Roman Seniors, 2004-08-23 Athens (GRE), 55.0 kg

[5] «Archives.in.gr». Արխիվացված է օրիգինալից 2012 թ․ մայիսի 15-ին. Վերցված է 2013 թ․ մայիսի 22-ին.

[6] Sport24

[7] «Έλληνες Ολυμπιονίκες».

[8] rizospastis

[1]

[2]

[3]

[4]

[5]

[6]

[7]

[8]