Արմավենիներ ձյան մեջ

«Արմավենիներ ձյան մեջ» (իսպ.՝ Palmeras en la nieve), 2015 թվականի իսպանական ֆիլմ, որը նկարահանել է ռեժիսոր Ֆեռնանդո Գոնսալես Մոլինան։ Սցենարը գրվել է Լուս Գաբբասի համանուն վեպի հիման վրա[7]։

Picto infobox cinema.png
Արմավենիներ ձյան մեջ
իսպ.՝ Palmeras en la nieve
Արմավենիներ ձյան մեջ.jpg
ԵրկիրFlag of Spain.svg Իսպանիա
Ժանրռոմանտիկ ֆիլմ և դրամա
Թվական2015 և մարտի 24, 2016[1]
Լեզուիսպաներեն և Benasquese dialect?
ՌեժիսորFernando González Molina?[2][3][4]
ՊրոդյուսերGabriel Arias-Salgado?
Սցենարի հեղինակՍերգիո Սանչես
ԴերակատարներՄարիո Կասաս[5], Ադրիանա Ուգարտե[5], Macarena García?[5], Laia Costa?[5], Emilio Gutiérrez Caba?[5], Celso Bugallo Aguiar?[5], Berta Vázquez?[5], Djédjé Apali?[5], Դանիել Գրաո[5], Fernando Cayo?[5], Petra Martínez?[5], Luis Callejo?[5], Ramón Agirre?[5], Pepa Aniorte?[5], Xabier Deive?[5], Joana Vilapuig?[5], Malcolm Treviño-Sitté?[5], Էմիլիո Բուալե Քոկա[5] և Alain Hernández?[6]
ՕպերատորՇավի Խիմենես
ԵրաժշտությունLucas Vidal?
Պատմվածքի վայրԱֆրիկա

ՍյուժեԽմբագրել

2003 թվականին Քլարենսը մասնակցում է հոր՝ Հաքոբոյի հուղարկավորությանը։ Նա նաև այցելում է իր զարմիկին՝ Դանիելային և նրա հորը՝ Քիլիանին, որը տառապում է դեմենցիայից։ Քլարենսը գտնում է Քիլիանի օրագիրը, որտեղ գրառումներ կան այն մասին, որ նա գումար է ուղարկել մի անհայտ կնոջ։ Նա որոշում է այդ մասին հարցնել ընտանիքի ընկեր Խուլիային, թե ինչ գիտի նա դրա մասին։ Խուլիան պատասխանում է, որ գրությունը գրել է իր մահացած ամուսինը՝ Մանուելը, բայց ինքը չգիտի, թե ում է ուղարկվել գումարը։ Քլարենսը որոշում է գնալ կղզի, քանի որ ցանկանում է ավելին իմանալ իր հոր կյանքի մասին։

Քլարենսը կղզում գտնում է իր պապ Անտոնի գերեզմանը, ինչպես նաև ծանոթանում Ինիկոյի հետ, որը դժկամությամբ օգնում է նրան ավելին իմանալ պլանտացիայի անցյալի մասին։ Նրանք գտնում են Սիմոնին, որը նախկինում ծանոթ է եղել Քիլիանի ու Հաքոբոյի հետ, նա ասում է, որ Ինիկոյի պապը նույնպես եղել է Անտոնի ընկերը։ Երբ Քլարենսը Ինիկոյին ցույց է տալիս այն կնոջ լուսանկարը, որին ինքը փնտրում է, նա ճանաչում է իր մորը՝ Բիզիլային։ Երիտասարդները գնում են նրա տուն, և նա իր երկու որդիների ներկայությամբ պատմում է Քիլիանի ու իր, ինչպես նաև իրենց ընտանիքների միջև եղած փոխհարաբերությունների բարդ պատմությունը։

1954 թվականին Քիլիանը մեկնում է Ֆեռնանդո Պո կղզի (ներկայում՝ Բիոկո), որտեղ նա ծնվել է, և որտեղ նրա ընտանիքի անդամները աշխատում են որպես կառավարիչներ կակաոյի տնկարկներում։ Հոր՝ Անտոնի և եղբոր՝ Հաքոբոյի հետ միասին նրանք մնում են կղզում, իսկ նրա քույրը՝ Կատալինան և մայրը այդ ժամանակ ապրում են Իսպանիայում։ Քույրը մեկնելուց առաջ Քիլիանին օրագիր է նվիրում և խնդրում լրացնել այն։ Հաքոբոն Քիլիանին ծանոթացնում է տեղական զվարճանքների հետ՝ ալկոհոլային խմիչքների օգտագործմամբ և մարմնավաճառների մասնակցությամբ։ Մի քանի ամիս անց Անտոնը՝ Քիլիանի հայրը, որոշում է Քիլիանին տանել գյուղ և ծանոթացնել տեղի բուբի ժողովրդի հետ։ Այնտեղ նա մասնակցում է Բիզիլայի՝ Անտոնի ընկերոջ դստեր հարսանիքին, որը նրան շատ է դուր եկել։ Որոշ ժամանակ անց Անտոնի առողջությունը վատանում է, և նա մահանում է, որից հետո Քիլիանը հեռանում է կղզուց։

1957 թվականին Քիլիանը վերադառնում է Բիոկո։ Քիլիանը կրկին հանդիպում է Բիզիլային, ինչպես նաև նրա ամուսնուն՝ Մոսիին և նրանց որդուն։ Հանդիպելով Խուլիային՝ նա նաև իմանում է հասարակության մեջ աճող հուզումների մասին։ Խուլիան նրան և Բիզիլային խնդրում է օգնել տեղացի քաղաքական գործիչ Գուստավոյիբ։ Նրանք Գուստավոյին թաքցնում են բեռնախցիկում և հատում են սահմանը, դրանից հետո Քիլիանի և Բիզիլայի միջև սկսվում է սիրավեպ, որը նրանք փորձում են գաղտնի պահել։ 1964 թվականին Քիլիանը նամակ է ստանում մորից, որը հայտնում է, որ նրա քույրը գտնվում է մահվամերձ վիճակում և որդուն խնդրում է վերադառնալ Իսպանիա։ Նա մի քանի ամսով հեռանում է կղզուց, իսկ երբ վերադառնում է, իմանում է, որ Բիզիլան բռնաբարվել է Հաքոբոյի և նրա ընկերների կողմից։ Հաքոբոյի ընկերներին շուտով կախված են գտնում, իսկ երբ Բիզիլայի ամուսինը՝ Մոսին, փորձում է վրեժխնդիր լինել Հաքոբոյից, վերջինս նրա վրա կրակում է ատրճանակով և սպանում։ Քիլիանը Հաքոբոյին ուղարկում է Իսպանիա։ Բիզիլան ասում է, որ ինքը, ըստ տեղական ավանդույթների, պետք է մեկ տարվա ընթացքում սուգ պահի Մոսիի համար, որից հետո ինքն ազատ կլինի։

1968 թվականին Հասարակածային Գվինեայում ընտրում են նոր նախագահ, և իսպանացիների մեծ մասն ստիպված է լինում լքել երկիրը։ Քիլիանին առևանգում են տեղացիները, որոնք ցանկանում են վրեժխնդիր լինել Մոսիի մահվան համար, տանում են անտառ և ստիպում գերեզման փորել։ Այդ ժամանակ գալիս է Սիմոնը և համոզում նրանց չսպանել Քիլիանին։ Քիլիանը փորձում է Բիոկոյից հեռանալ Բազիլայի և նրա որդիների հետ, սակայն նրանց թույլ չեն տալիս։ Նրանք որոշ ժամանակ փորձում են ընտանիքով ապրել, բայց արդյունքում Քիլիանան ստիպված է լինում հեռանալ երկրից։

Քլարենսն ամեն ինչ իմանալուց հետո վերադառնում է Քիլիանի տուն և նրան բարևներ է հաղորդում Բիզիլայից։

Որոշ ժամանակ անց Բիզիլայի որդիները գալիս են Քիլիանի տուն, որտեղ նրանց դիմավորում են Քլարենսը և Քիլիանի դուստրը՝ Դանիելան։

ԴերերումԽմբագրել

ՆկարահանումներԽմբագրել

Նկարահանումներն անցկացվել են Կանարյան կղզիներում, Ուեսկաում և Կոլումբիայում[8]։

Մրցանակներ և անվանակարգերԽմբագրել

Մրցանակ Կատեգորիա Առաջադրված Արդյունք
«Գոյա»[9][10] Նկարչի լավագույն աշխատանք Անտոն Լագունա Հաղթանակ
Լավագույն հատուկ էֆեկտներ Թոնի Նովելլա Առաջադրված
Լավագույն հագուստներ Լոլես Գարսիա Լալեան Առաջադրված
Լավագույն գրիմ Ալիսիա Լոպես, Կարմել Սոլեր, Մանոլո Գարսիա և Պեդրո դե Դիեգո Առաջադրված
Լավագույն երգ Լուկաս Վիդալ և Պաբլո Ալբորան Հաղթանակ
Feroz Awards[11] Լավագույն օրիգինալ սցենար Առաջադրված

ԾանոթագրություններԽմբագրել

  1. Internet Movie Database — 1990.
  2. http://www.imdb.com/title/tt3202202/
  3. http://www.sensacine.com/peliculas/pelicula-224139/
  4. http://www.filmaffinity.com/es/film969267.html
  5. 5,00 5,01 5,02 5,03 5,04 5,05 5,06 5,07 5,08 5,09 5,10 5,11 5,12 5,13 5,14 5,15 5,16 5,17 Internet Movie Database — 1990.
  6. ČSFD (չեխերեն) — 2001.
  7. «'Palmeras en la nieve', segundo mejor estreno español del año con 3 millones»։ Vertele! (իսպաներեն)։ 28 December 2015։ Արխիվացված է օրիգինալից 13 August 2016-ին։ Վերցված է 28 December 2015 
  8. Pastor Custodio (20 April 2015)։ «El reto de 'Palmeras en la nieve'»։ El Mundo (իսպաներեն) (Unidad Editorial Información General S.L.U.)։ Վերցված է 26 December 2015 
  9. «Estos son todos los ganadores y los nominados a los Premios Goya 2016»։ 20minutos.es։ 6 February 2016 
  10. «Palmeras en la nieve»։ Premios Goya 
  11. Alberdi Pedro G. (19 January 2016)։ «Lista de ganadores de los premios Feroz 2016»։ ecartelera 

Արտաքին հղումներԽմբագրել