Կանարյան կղզիներ

Կանարյան կղզիներ կամ Կանարներ (իսպաներեն՝ Islas Canarias, բառացի՝ Շների կղզիներ, լատիներեն՝ canis – շուն), 13 հրաբխային ծագմամբ կղզիներից բաղկացած կղզեխումբ Ատլանտյան օվկիանոսում, Աֆրիկայի հյուսիսարևմտյան ափից քիչ հեռու։ Կղզիները պատկանում են Իսպանիային, որի ինքնավարություններից մեկն են 16.08.2003 թ-ից)։

Կանարյան կղզիներ Կանարներ Islas Canarias
flag of the Canary Islands? Զինանշան
Երկիր	Իսպանիա
Մասն է	Extrapeninsular Spain?
Հիմն	Himno de Canarias?
Կարգավիճակ	Ինքնավար մարզ
Մտնում է	Իսպանիա
Վարչկենտրոն	Սանտա Կրուզ դե Տեներիֆե և Լաս Պալմաս
Ամենաբարձր կետ	Տեյդե
Օրենսդրական մարմին	Canarian Parliament?
Պաուլինո Ռիվերո Բաուտե
Հիմնական լեզու	իսպաներեն
Պաշտոնական լեզուներ	իսպաներեն
Բնակչություն (2012)	2 118 344 (4,5 %, 8-րդ տեղ)
Խտություն	284,5 ( 3-րդ տեղ)
Տարածք	7447  (1.5 %, 13-րդ տեղ)
Հիմնադրված է	օգոստոսի 10, 1982 թ.
Ժամային գոտի	UTC+0, UTC+1 և Atlantic/Canary?
Հապավում	🇮🇨
Փոխարինեց	Province of Canary Islands?
ISO 3166-2 կոդ	ES-CN
Փոստային ինդեքսներ	CN
Ինտերնետ-դոմեն	.ic?
gobcan.es

Անվանում

Կղզիներն իսպաներեն անվանվում են Islas Canarias՝ Շների կղզիներ ― լատիներեն canis՝ «շուն» բառից։ Այդպես է կղզիներն անվանել 1402 թվականին դրանք հայտնագործած ֆրանսիացի ծովագնաց Ժան դը Բետանկուրը՝ հիշելով, որ դեռ հռոմեացի գիտնական Պլինիոս Ավագը նշում էր, որ Աֆրիկայի ափերի դիմաց՝ Ատլանտյան օվկիանոսում գոյություն ունի մի կղզի, ուր ապրում են մեծ շներ։ Այդ պատճառով էլ ենթադրվող կղզուն տվել է Canaria անվանումը։

Աշխարհագրություն

Տարածքը՝ 7 447 կմ², բնակչությունը՝ 1 843 755 մարդ (2003 թ.), վարչական կենտրոնը՝ Սանտա Կրուզ դե Տեներիֆե և Լաս-Պալմաս քաղաքն է։ Հիմնական կղզիներն են՝ Տեներիֆե (2.057 կմ²), Ֆուերտևենտուրա (1.730 կմ²), Գրան-Կանարիա (1.532 կմ²), Գոմերա (378 կմ²), Պալմա (708 կմ²), Հիեռո (277 կմ²), Լանսարոտե (795 կմ²)։

Կան մի շարք քնած և գործող հրաբուխներ, որոնցից ամենաբարձրը Տեներիֆե կղզում գտնվող Տեյդե հրաբուխն է (3718 մ)։

Բնություն

Գերակշռում են մշտադալար անտառներն ու թփուտները։

Աստղագիտություն

Կանարյան կղզիների երկինքը համարվում է Եվրոպայում ամենապարզն ու լուսավորը։ Հենց այս պատճառով այնտեղ են տեղակայված Եւրոպական մի շարք հայտնի ընկերությունների աստղադիտարաններ։ Կղզիները այս պատճառով հաճախ "Եվրոպայի Աչքերն" են համարվում։

Տնտեսություն

Գյուղատնտեսությունը արևադարձային է։ Զարգացած է ձկնորսությունն ու զբոսաշրջությունը։ Խոշոր նավահանգիստներն ու հանգստավայրերն են Լաս-Պալմասն ու Սանտա-Կրուզ-դե Տեներիֆեն։

Տես նաև

• Բալեարյան կղզիներ
• Իսպանիայի վարչական բաժանում
• Կանարյան կղզիների թանգարան

Արտաքին հղումներ

• Պաշտոնական կայք

Ծանոթագրություններ

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Կանարյան կղզիներ կատեգորիայում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 235)։