Ատամնանիվ

Ատամնանիվ, ատամնավոր փոխանցումներում օգտագործվող դետալ։

Ատամնանիվների տիպեր

Ըստ ատամնավոր փոխանցման տիպի, ատամնանիվները լինում են գլանային, կոնական և հիպերբոլական (մասնավորապես, պտուտակային, որդնակային և հիպոիդային)։ Ըստ ատամի կողմնային մակերևույթի ձևի, գլանային ատամնանիվները լինում են ուղղատամ (գլանային կողմնային մակերևույթով) և շեղատամ (պտուտակային կողմնային մակերևույթով), որոնք բարձրացնում են փոխանցման սահունությունը։ Մեծ հզորություններ փոխանցելու համար կիրառվում են երկշեղատամ գլանային ատամնանիվներ, որոնց ատամներն անկյան տակ թեքված են տարբեր կողմեր։ Դրա շնորհիվ վերանում է առանցքային ճնշումը, որն առկա է շեղատամ ատամնանիվներում։ Ատամնանիվի ատամնապսակը կարող է մշակված լինել ինչպես նրա արտաքին (արտաքին կառչման ատամնանիվ), այնպես էլ ներքին մակերևույթին (ներքին կառչման ատամնանիվ)։ Ատամնանիվներին ներկայացվող պահանջներին (արագընթացություն, դանդաղընթացություն, ամրություն, երկարակեցություն) համապատասխան, դրանք պատրաստվում են լեգիրացված պողպատներից, թուջից, գունավոր համաձուլվածքներից (բրոնզ, արույր և այլն), պլաստմասսաներից, տեքստոլիտից և այլն։

Հերալդիկա

Ներկա պահին ատամնանիվը պատկերված է մի շարք զինանշանների վրա՝

• 
  Բալաշիհա
• 
  Վոլգոգրադ
• 
  Վոլնովախսկի շրջան
• 
  Զաբժե
• 
  Իզոբիլնի
• 
  Կամերովո
• 
  Կլյավլինսկի շրջան
• 
  Կորոլյով
• 
  Կրամատորսկ
• 
  Խարկով
• 
  Նովոուրալսկ
• 
  Հոկտեմբերյան շրջան
• 
  Պերվոմայսկ (քաղաք, Լուգանսկի մարզ, Ուկրաինա))
• 
  Պերվոմայսկ)
• 
  Ռուբցովսկ
• 
  Սվիրսկ
• 
  Սիսերտ
• 
  Ստախանով (քաղաք, Ուկրաինա)
• 
  Ուսոլե-Սիբիր
• 
  Բոտսվանա
• 
  Իտալիա
• 
  Լաոս

Հին զինանշաններ։

• 
  Արսենեվ
• 
  Լուգանսկ
• 
  Կարպինսկ
• 
  Կոպեյսկ
• 
  Կուրգան
• 
  Ներքին Տագիլ
• 
  Ներքին Տուգա
• 
  Նավասիբիրսկ
• 
  Ֆրոլովո

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 652)։