Ասփարան (վրաց.՝ ასფარა), գյուղ է ՎրաստանիՍամցխե-Ջավախեթի մարզի Նինոծմինդայի մունիցիպալիտետում։ Գտնվում է Փարվանա լճի ափին 2080 մետր բարձրության վրա։ Հեռավորությունը վարչկենտրոն Նինոծմինդայից կազմում է 40 կմ։ Համայնքին մոտակա հայաբնակ գյուղերն են՝ Նոր Խուլգումո՝ 4 կմ դեպի հյուսիս, Վլադիմիրովկա՝ 6 կմ դեպի հարավ, Ռոդիոնովկա՝ 17 կմ դեպի հյուսիս արևելք, Փոկա՝ 9 կմ դեպի հարավ արևմուտք։ Ըստ 2002 թվականի մարդահամարի բնակչությունը կազմել է 107[2] մարդ՝ ազգությամբ հայեր։ Լճից ոչ հեռու գտնվում է 12-13-րդ դդ. թվագրվող կիսաքանդ եկեղեցի։
Գյուղի պատմական անունն էր Ասպանա, սակայն այն վերանվանված է եղել և ստացել է Ափարա անվանումը։
Ասփարան նշանավոր է գյուղամիջի կիսավեր եկեղեցով։ Ուղղանկյունաձև հատակագծով, համակ սրբատաշ քարով կառուցված եկեղեցուց պահպանվել են միայն հյուսիսային ճակատն ու խորանի որոշ հատվածները։ Արտաքին չափերն են՝ 11,85 x 5,84 մ։ Եկեղեցու փլատակների մեջ ուշագրավ է գեղարվեստական մշակումով աչքի ընկնող լուսամուտներից մեկի շրջանակի բեկորը[3]։
მ. ბერიძე, ჯავახეთის ძეგლთა მდგომარეობა (სამეცნიერო ექსპედიციის ანგარიში, 1979წ.). ჯავახეთი. ისტორია და თანამედროვეობა. ახალციხე. 2002წ. გვ. 335-404. (վրաց.)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 598)։
Վրաստան
