Ասեն Բոսև

Ասեն Իվանով Բոսև (բուլղար․՝ Асен Иванов Босев, նոյեմբերի 22, 1913(1913-11-22), Ruska Bela, Mezdra, Վրաչայի մարզ, Բուլղարիա - ապրիլի 24, 1997(1997-04-24), Սոֆիա, Բուլղարիա), բուլղար արձակագիր և բանաստեղծ, լրագրող, թարգմանիչ։ Երեխաների և պատանիների համար մի շարք գրքերի հեղինակ։

Ասեն Բոսև
Ծննդյան անուն	բուլղար․՝ Асен Иванов Босев
Ծնվել է	նոյեմբերի 22, 1913(1913-11-22)
Ծննդավայր	Ruska Bela, Mezdra, Վրաչայի մարզ, Բուլղարիա
Վախճանվել է	ապրիլի 24, 1997(1997-04-24) (83 տարեկան)
Վախճանի վայր	Սոֆիա, Բուլղարիա
Գերեզման	Սոֆիայի կենտրոնական գերեզմանատուն
Մասնագիտություն	թարգմանիչ, լրագրող, բանաստեղծ, մանկագիր, գրող, խմբագիր և ուսուցիչ
Լեզու	բուլղարերեն
Քաղաքացիություն	Բուլղարիա
Կրթություն	Սոֆիայի համալսարան
Ժանրեր	պոեզիա
Պարգևներ	Q12290287? և Q37745044?
Assen Bossev Վիքիպահեստում

Բուլղարիայի Ժողովրդական Հանրապետության մշակույթի վաստակավոր գործիչ (1965), Բուլղարիայի մշակույթի ժողովրդական գործիչ (1972)։ Դիմիտրովյան մրցանակի դափնեկիր (1950)։

Կենսագրություն

Ասեն Բոսևը ծնվել է 1913 թվականի նոյեմբերի 22-ին Ռուսկա Բելա գյուղում, Վրացայի մարզ։ Սովորել է հարազատ գյուղում և Բերկովիցա քաղաքացի մանկավարժական ուսումնարանում։ Որոշ ժամանակ դասավանդել է, որից հետո տեղափոխվել է Սոֆիա։ Դիվանագիտություն է սովորել Ազատ համալսարանում (այժմ՝ Ազգային և համաշխարհային տնտեսության համալսարան) և իրավունք է սովորել Սոֆիայի համալսարանում։ Որպես լրագրող համագործակցել է «Заря», «Росица», «Детски глас» հրատարակչությունների հետ։ Հոդվածներ է հրապարակել «Светулка», «Детска радост» և այլ հրատարակչություններում։

ԲԿԿ անդամ։ 1941 թվականին ձերբակալվել է և բանտարկվել Քսանթիի «Еникьой» համակենտրոնացման ճամբարում՝ բուլղարների կողմից օկուպացված Հունաստանի տարածքում։ Ազատ է արձակվել 1944 թվականին։

«Септемврийче» թերթի խմբագիրն ու հիմնադիրներից մեկն է (1945-1952)։ 1953-1955 թվականներին եղել է Մոսկվայում Բուլղարիայի դեսպանության մշակույթի խորհրդական։

1961-1965 թվականներին եղել է «Стършел» թերթի խմբագիր։ Բուլղարիայի գրողների միության անդամ։

Սոֆիայի երեխաների և պատանիների համար արվեստի և գրականության տան ստեղծման նախաձեռնողն ու նրա առաջին տնօրենն է։ ՅՈՒՆԵՍԿՈ-ի կոմիտեի երեխաների գրքերի միջազգային խորհրդի բուլղարական բաժանմունքի հիմնադիրներից մեկն ու առաջին նախագահն է։

1986 թվականին արժանացել է Հ. Ք. Անդերսենի անվան մրցանակին և ընգրկվել Անդերսենի պատվավոր ցանկի մեջ։

Ասեն Բոսևը մահացել է 1997 թվականի ապրիլի 24-ին Սոֆիայում՝ 83 տարեկան հասակում։

Ընտրյալ երկեր

• «Млад юнак-здравеняк» (1948)
• «Не правете като тях, да не станете за смях» (1953)
• «Чудо нечувано» (1959)
• «Шейничка с парашут» (1964)
• «Хитър Петърчо» (1970)
• «Книжко моя, сладкодумна» (1970)
• «Една торбичка смешки» (1976)
• «От все сърце» (1988)
• «Гатанки, премятанки и занималки» (1996)

Աղբյուրներ

• Речник на българската литература, т. 1 (А-Д). Институт за литература на БАН, Издателство на Българската академия на науките, София, 1976 г.

Արտաքին հղումներ

• Ասեն Իվանով Բոսև
• The Hans Christian Andersen Awards Nominees (1986)
• От и за Асен Босев в Националния каталог на академичните библиотеки в страната НАБИС

Վիքիպահեստն ունի նյութեր, որոնք վերաբերում են «Ասեն Բոսև» հոդվածին։