Աննա Նահապետովան ծնվել է 1978 թվականի հոկտեմբերի 14 -ին Մոսկվայում ՝ դերասաններ Ռոդիոն Նահապետովի և Վերա Գլագոլևայի ընտանիքում։ Փոքր տարիքից զբաղվել է բալետով [1] ։ Երրորդ դասարանում ընդունվել է Լենինգրադի պարարվեստի ակադեմիական ուսումնարանը , իսկ 3 տարի անց տեղափոխվել Մոսկվայի պարարվեստի պետական ակադեմիա ՝ Սոֆյա Գոլովկինայի դասարան, որն ավարտել է 1996 թվականին։ Նույն թվականին ընդունվել է Մեծ թատրոնի պետական ակադեմիական պարաախումբ։ Պարել է Վասիլի Վորոխոբկոյի , Գերման Սիտնիկովի և այլ մանկավարժների ղեկավարությամբ[2] ։ Առաջին պարային դերը Կին սատանայի դերն էր Պյոտր Չայկովսկու «Մարդուկ-Ջարդուկը» ներկայացման մեջ։ Տարիների ընթացքում պարել է մի շարք ներկայացումներում՝ «Դոն Քիշոտ» (Ջիգա), «Բայադերկա» (թմբուկով պար), «Ռայմոնդա» (սարակինոսյան պար), «Քնած գեղեցկուհի» (գյուղական պար), «Սպարտակ» (կուրտիզանուհի), «Լեա» (աղքատ կին), «Փարավոնի դուստրը» (Կարիատիդա), «Եռեզր գլխարկ» (Խոտա), «Ոսկե դար» (ավազակի ընկերուհի), «Կոպելիա» (մազուրկա)[3] ։
Առաջին անգամ կինոյում նկարահանվել է մանուկ հասակում՝ ռեժիսոր Նաում Բիրմանի «Կիրակնօրյա հայրիկ» մելոդրամայում կատարելով Նինայի՝ մանկապարտեզի դաստիարակչուհու դստեր դերը։ Դաստիարակչուհու դերը կատարում էր մայրը՝ Վերա Գլագոլևան։ 2002 թվականին կատարել է Մաշայի դերը «Կարապի լճի գաղտնիքը» հեքիաթում, իսկ մեկ տարի անց նկարահանվել է ռեժիսոր Գեորգի Յունգվալդ-Խիլկևիչի երկու ֆիլմերում[3] ։
2007 թվականին Աննա Նահապետովան նկարահանվել է «Օրենք ու կարգուկանոն։ Հանցավոր դիտավորություն 2» և «Բժիշկ Սելիվանովայի անձնական կյանքը» սերիալներում։ 2009 թվականին նկարահանվել է մոր՝ Վերա Գլագոլևայի «Շարունակ պատերազմ է» սոցիալական դրամայում[3] ։
2006 թվականին Աննա Նահապետովան ամուսնացել է Մեծ թատրոնի արտիստ Եգոր Սիմաչյովի հետ, ում հետ 10 տարի ապրել է քաղաքացիական ամուսնությամբ։ Հարսանիքից հետո ծնվել է դուստրը՝ Պոլինան։ Այնուհետև ամուսինները բաժանվել են[2] ։
Դերերը թատրոնում
խմբագրել
Երգիծանքի թատրոն
Ներկայացում
Դեր
Люпофь
Վերա
Դրուգոյ թատրոն
Լեստնիցա կինոդպրոց
Արտ Վոյաժ թատերական կենտրոն
Հեղինակ
Ներկայացում
Դեր
Դ․ Ակսելրոդ
7, 14, 21 կամ տղամարդկանց դավաճանությունների հանրահաշիվ
աղջիկ, տիկին Մորիս, ֆրանսուհի
Միչուրինսկի դրամատիկական թատրոն
Ռոման Վիկտյուկի թատրոն
Հեղինակ
Ներկայացում
Դեր
Ազատ Աբդուլին
Ոչ տեղական այգի
Մարգո Ֆոնթեյն
Տարի
Ֆիլմ
Դեր
2016
Կատվի տունը
Մարինա
2016
Վերկա-ֆուետե
Վերա
2016
Պաշարում
դրամարկղի աշխատող
2015
Սպիտակ գիշերների երևակայություն
Նադյա Նովիկովա
2015
Մեղվաբույծ 2
Ռոզա
2015
Երկու կին
Կատյա
2013
Հետախույզ մայրիկը
Կալեդինա
2009
Շարունակ պատերազմ է
Աննա
2008
Ժառանգություն
բուժքույր
2007
Բժիշկ Սելիվանովայի անձնական կյանքը
Մարիաննա
2007
Օրենք ու կարգուկանոն։ Հանցավոր դիտավորություն 2
Ալյոնա Գորևայա
2003
Ոտքից գլուխ
Լյուդմիլա Ռուբինա
2003
Ամանորյա սիրերգ
Անյա
2003
Ցանկալին
դրվագ
2002
Կարապի լճի գաղտնիքը
Մաշա
2002
Ռուսները հրեշտակների քաղաքում
Անյա
1985
Կիրակնօրյա հայրիկ
Նինա
Մրցանակներ և պարգևներ
խմբագրել
Կանացի լավագույն դեր «Շարունակ պատերազմ է» ֆիլմի համար, «Ամուրյան աշուն» փառատոն (2009)[1]
Կանացի լավագույն դեր «Ապակե գազանանոցը» ներկայացման համար (Միչուրինսկի դրամատիկական թատրոն ), «Թատերական Ատոմգրադ» փառատոն (2015)[1]
Ծանոթագրություններ
խմբագրել
↑ 1,0 1,1 1,2 «Нахапетова Анна Родионовна» . www.kino-teatr.ru . Վերցված է 2019 թ․ հունվարի 13-ին .
↑ 2,0 2,1 «Анна Нахапетова - биография, информация, личная жизнь, фото, видео» . stuki-druki.com (ռուսերեն). Վերցված է 2019 թ․ հունվարի 13-ին .
↑ 3,0 3,1 3,2 «НАХАПЕТОВА Анна Родионовна» . rusactors.ru . Վերցված է 2019 թ․ հունվարի 13-ին .
Արտաքին հղումներ
խմբագրել