Անդրեաս Պապանդրեու
Անդրեաս Գեորգիոս Պապանդրեու (հուն․՝ Ανδρέας Γεώργιος Παπανδρέου, փետրվարի 5, 1919[1][2][3][…], Խիոս, Հունաստան - հունիսի 23, 1996[1][2][3][…], Էկալի և Աթենք, Հունաստան[4]), հույն պետական և քաղաքական գործիչ։ 1938 թվականին, Մետաքսասի վարչակարգի ժամանակ, հակակառավարական գործունեության մեղադրանքով ձերբակալվել և ապա հեռացել է ԱՄՆ։ 1944 թվականին, որպես ԱՄՆ քաղաքացի, զորակոչվել է բանակ։ Պատերազմից հետո դասախոսել է ԱՄՆ-ի մի շարք համալսարաններում։ 1960-ական թվականների սկզբին վերադարձել է հայրենիք։ 1964 թվականին ընտրվել է պառլամենտի պատգամավոր, զբաղեցրել տնտեսության համակարգման նախարարի պաշտոնը։ 1967 թվականի ապրիլին, երկրում ռազմական վարչակարգի հաստատումից հետո, ձերբակալվել է, շուտով ազատվել և վտարանդվել Շվեդիա, այնտեղից անցել Կանադա։ 1974 թվականին, ռազմական վարչակարգի տապալումից հետո, վերադարձել է հայրենիք։ Նույն թվականի սեպտեմբերին հիմնել է «Համահունական սոցիալիստական շարժում» կուսակցությունը, որը 1981 թվականի հոկտեմբերի պառլամենտական ընտրություններում հաղթանակ է տարել։ Միաժամանակ զբաղեցրել է Հունաստանի վարչապետի և ազգային պաշտպանության նախարարի պաշտոնները։
_2_crop.jpg)
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Discogs — 2000.
- ↑ 3,0 3,1 3,2 3,3 3,4 Gran Enciclopèdia Catalana (կատ.) — Grup Enciclopèdia, 1968.
- ↑ 4,0 4,1 4,2 Չեխիայի ազգային գրադարանի կատալոգ
- ↑ http://www.ordens.presidencia.pt/?idc=154
 | Վիքիպահեստն ունի նյութեր, որոնք վերաբերում են «Անդրեաս Պապանդրեու» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 130)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |