Անդրանիկ Մանուկյան (ԽՍՀՄ հերոս)
Անվան այլ կիրառումների համար տե՛ս՝ Անդրանիկ Մանուկյան (այլ կիրառություններ)
Անդրանիկ Ալեքսանդրի Մանուկյան (մայիսի 17, 1917[1], Բնունիս, Զանգեզուրի գավառ, Ռուսական կայսրություն[1] - ապրիլի 4, 1986, Երևան, Հայկական ԽՍՀ, ԽՍՀՄ), գվարդիայի կապիտան, ԽՄԿԿ անդամ (1940)։
| Անդրանիկ Մանուկյան | |
|---|---|
| մայիսի 17, 1917[1] - ապրիլի 4, 1986 (68 տարեկան) | |
| Ծննդավայր | Բնունիս, Զանգեզուրի գավառ, Ռուսական կայսրություն[1] |
| Մահվան վայր | Երևան, Հայկական ԽՍՀ, ԽՍՀՄ |
| Կոչում | գնդապետ |
| Մարտեր/ պատերազմներ | Հայրենական մեծ պատերազմ |
| Կրթություն | Վիստրել |
| Պարգևներ |      և  |
Երկրորդ համաշխարհային պատերազմում աչքի է ընկել Սևաստոպոլի, Ստալինգրադի, Կուրսկի պաշտպանության, Ուկրաինայի ազատագրման, Բեռլինի գրավման համար մղված մարտերում[2]։ Մարտերում խիզախությամբ ու հնարամտությամբ աչքի ընկնելու համար գործուղվել է մասնակցելու հրամանատարական կազմի դասընթացների, ավարտել է դրանք և 1943 թվականին նշանակվել Բելառուսական 1-ին ռազմաճակատի 1-ին գվարդիական տանկային բանակի 8-րդ գվարդիական մեքենայացված կորպուսի 1-ին գվարդիական տանկային բրիգադի հետախուզության պետ[3][4]։
Խորհրդային Միության հերոսի կոչման արժանացել է 1945 թվականի հունվարին Լեհաստանի գրավման ժամանակ կատարած հետախուզական գործողությունների համար։ Մասնակցել է նաև Օդերի գետանցմանը, Օդերի, Ֆրանկֆուրտի գրավմանը։
Պարգևատրվել է Լենինի, Կարմիր դրոշի 2, Կարմիր աստղի շքանշաններով։ 1946 թվականին զորացրվել է, աշխատանքի անցել Բաքվում։ Ծառայել է ներքին գործերի համակարգում, հասել գնդապետի կոչման (բանակից զորացրվել էր մայորի կոչումով)։ 1973 թվականից տեղափոխվել և բնակություն է հաստատել Երևան քաղաքում։ Մահացել է 1986 թվականին՝ Երևանում։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ Манукян Андраник Александрович.
- ↑ 1-я гвардейская танковая бригада.
- ↑ «Великая Россия. Имена» — Энциклопедический справочник. Закон и Порядок(չաշխատող հղում).
Գրականություն խմբագրել
- Воспоминания разведчика-педагога Արխիվացված 2021-09-18 Wayback Machine / А. А. Манукян. Ереван: Луйс, 1985. — 64 с.
Արտաքին հղումներ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 253)։ 
|