Ալեքսանդր Սաբուրով
Ալեքսանդր Նիկոլաևիչ Սաբուրով, (ռուս.՝ Александр Николаевич Сабуров, հուլիսի 19 (օգոստոսի 1), 1908, Իժևսկ, Սարապուլսկի նրբանցք, Վյատկայի գավառ, Ռուսական կայսրություն - ապրիլի 15, 1974[1], Մոսկվա, ԽՍՀՄ[1]), Հայրենական մեծ պատերազմի ժամանակ Ուկրաինայի օկուպացված տարածքում պարտիզանական շարժման կազմակերպիչներից և ղեկավարներից, Սովետական Միության հերոս (18․5․1942[2], գեներալ–մայոր (1943)։
| Ալեքսանդր Սաբուրով | |
|---|---|
 | |
| հուլիսի 19 (օգոստոսի 1), 1908 - ապրիլի 15, 1974[1] (65 տարեկան) | |
| Ծննդավայր | Իժևսկ, Սարապուլսկի նրբանցք, Վյատկայի գավառ, Ռուսական կայսրություն |
| Մահվան վայր | Մոսկվա, ԽՍՀՄ[1] |
| Գերեզման | Նովոդեվիչյան գերեզմանոց |
| Քաղաքացիություն |  ԽՍՀՄ |
| Զորատեսակ | Բանվորա-գյուղացիական Կարմիր բանակ |
| Կոչում | գեներալ-մայոր |
| Մարտեր/ պատերազմներ | Հայրենական մեծ պատերազմ |
| Պարգևներ |                   և  |
Կենսագրություն խմբագրել
1938-ից ծառայել է ՆԳ ժողկոմատի մարմիններում։ 1941-ի աշնանը կազմակերպել է պարտիզանական ջոկատ, որը գործել է Սումիի և Բրյանսկի մարզերում։ 1942-ի հոկտեմբերին պարտիզանական միավորումը (կազմվել էր ջոկատի բազայի վրա) Սաբուրովի հրամանատարությամբ դուրս է եկել Աջափնյա Ուկրաինա՝ կատարելով 700 կմ ռազմերթ թշնամու թիկունքում։ 1942-ի նոյեմբերին Սաբուրովը նշանակվել է ժիտոմիրի մարզի պարտիզանական շարժման ղեկավարման շտաբի պետ, 1944-ից աշխատել է ՆԳ–ի մարմիններում։ 1954-ից՝ ԽՍՀՄ ՆԴՄ Գլխավոր վարչության պետ։ ԽՍՀՄ II–IV գումարումների Գերագույն սովետի դեպուտատ։ Հեղինակ է «Ռազմաճակատի գծից այն կողմ» (1955), «Նվաճված գարուն» (հ․ 1–2, 1968) ևն գրքերի։ ԽՄԿԿ անդամ 1932-ից։
1953-1954 թթ. դեկտեմբեր՝ Ուկրաինական ԽՍՀ ՆԳՆ տեղական հակաօդային պաշտպանության ծառայության տնօրինության պետ։
1954-ի դեկտեմբերից մինչ 1957-ի հուլիսի 20-ը ՝ ԽՍՀՄ ՆԳՆ Գլխավոր հրդեհային վարչության պետ։
ԽՍՀՄ Գերագույն խորհրդի 2-4 գումարման պատգամավոր (1946-1958)։
Ա. Ն. Սաբուրովը մահացել է 1974 թվականի ապրիլի 15-ին։ Թաղված է Մոսկվայում ՝ Նովոդևիչյան գերեզմանատանըը (հողամաս թիվ 4)։
Պարգևներ խմբագրել
Պարգևատրվել է Լենինի 2, Կարմիր դրոշի, Սուվորովի II աստիճանի, Բոգդան Խմելնիցկու I և II աստիճանի, Հայրենական պատերազմի I աստիճանի 2, Կարմիր աստղի շքանշաններով։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Сабуров Александр Николаевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ «О присвоении звания Героя Советского Союза т. т. Ковпаку С. А., Копенкину И. И., Сабурову А. Н., Фёдорову А. Ф., особо отличившимся в партизанской борьбе в тылу против немецких захватчиков» от 18 мая 1942 года // Ведомости Верховного Совета Союза Советских Социалистических Республик : газета. — 1942. — 5 июня (№ 20 (179)). — С. 1.
 | Վիքիպահեստն ունի նյութեր, որոնք վերաբերում են «Ալեքսանդր Սաբուրով» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 107)։ 
|