Ալեքսանդր Չաուշյան (թավջութակահար)

Ալեքսանդր Չաուշյան;
Ծնվել է	դեկտեմբերի 9, 1977 (46 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի միջնակարգ մասնագիտական երաժշտական դպրոց Չայկովսկու անվան, Գիլդհոլի երաժշտության և թատրոնի դպրոց և Եհուդի Մենուհին դպրոց
Մասնագիտություն	թավջութակահար
Ծնողներ	հայր՝ Լևոն Չաուշյան

Ալեքսանդր Լևոնի Չաուշյան (դեկտեմբերի 9, 1977(1977-12-09), Երևան, Հայկական ԽՍՀ, ԽՍՀՄ), թավջութակահար^[1]։

Կենսագրություն

Ալեքսանդր Չաուշյանը ծնվել է 1977 թվականի դեկտեմբերի 9-ին, Երևանում^[2]։ Հայրը կոմպոզիտոր Լևոն Չաուշյանն է։

Ալեքսանդրը 1984-1992 թվականներին սովորել է Երևանի Չայկովսկու անվան երաժշտական դպրոցում։ Առաջին միջազգային պարգևը ստացել է 12 տարեկան հասակում՝ Իտալիայի Վերոնա քաղաքում^[3]։ 1992-1995 թվականներին ջութակահար Լևոն Չիլինգիրյանի աջակցությամբ սովորել է Լոնդոնի Եհուդի Մենուհինի դպրոցում՝ Մելիսա Ֆելպսի ղեկավարությամբ։ 1995-1999 թվականներին ուսումը շարունակել է Երաժշտության և դրամայի Գիլհոլ դպրոցում։ 1999-2003 թվականներին Մեծ Բրիտանիայի թագավորական երաժշտական ակադեմիայում անցել է վերապատրաստման դասընթացներ^[4], 2003-2005 թվականներին վերապատրաստման դասընթացներ է անցել Բեռլինի «Hans Eisler Hochschule» երաժշտական բարձրագույն դպրոցում։

Որպես մենակատար հանդես է եկել Վիեննայի կամերային նվագախմբի, Լոնդոնի «Mozart Players» նվագախմբերի, Անգլիայի, Շվեյցարիայի, Բելգիայի սիմֆոնիկ նվագախմբերի հետ, կազմակերպել է սեփական դաշնամուրային եռյակ և 2002 թվականից Ֆրանսիայի Բորդո քաղաքում անցկացրել է կամերային երաժշտության փառատոն՝ ի պատիվ հունական դիցաբանությունում երաժիշտ Օրփեոսի և խնջույքների աստված Բաքոսի։

Պարգևներ և մրցանակներ

Ամերիկյան «Նյու Ինգլենդյան մենակատարներ» նվագախմբի մրցանակ-1997 թվական։
Պյոտր Չայկովսկու անվան թավջութակահարների միջազգային մրցույթի 3-րդ մրցանակ-2002 թվական։

Ծանոթագրություններ

↑ Մերոնք. Ալեքսանդր Չաուշյան, Վերցված է 2021 թ․ հուլիսի 20-ին
↑ «Zarkfoundation - Ալեքսանդր Չաուշյան». zarkfoundation.com.
↑ Չակերտներ. Ալեքսանդր Չաուշյան, Վերցված է 2021 թ․ հուլիսի 20-ին
↑ «Երևանյան 9-րդ միջազգային երաժշտական փառատոն» (PDF). www.toms.am. 20․072021.

Արտաքին հղումներ

[1] Մերոնք. Ալեքսանդր Չաուշյան, Վերցված է 2021 թ․ հուլիսի 20-ին

[2] «Zarkfoundation - Ալեքսանդր Չաուշյան». zarkfoundation.com.

[3] Չակերտներ. Ալեքսանդր Չաուշյան, Վերցված է 2021 թ․ հուլիսի 20-ին

[4] «Երևանյան 9-րդ միջազգային երաժշտական փառատոն» (PDF). www.toms.am. 20․072021.

[1]

[2]

[3]

[4]

Ալեքսանդր Չաուշյան
Ծնվել է	դեկտեմբերի 9, 1977(1977-12-09) (46 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի միջնակարգ մասնագիտական երաժշտական դպրոց Չայկովսկու անվան, Գիլդհոլի երաժշտության և թատրոնի դպրոց և Եհուդի Մենուհին դպրոց
Մասնագիտություն	թավջութակահար
Ծնողներ	հայր՝ Լևոն Չաուշյան