Աբենսբերգ

Աբենսբերգ
Քաղաք
	Աբենսբերգ
	Abensberg
	Զինանշան
	Աբենսբերգի տեսարանը
Երկիր	Գերմանիա
Երկրամաս	Բավարիա
Շրջան	Կելհայմ (շրջան)
Ներքին բաժանում	7 ենթաշրջաններ
Ղեկավար	Ուվե Բրանդլ
Առաջին հիշատակում	1138
Մակերես	60,28 կմ²
ԲԾՄ	370 մ
Բնակչություն	12732 մարդ (2010)
Ժամային գոտի	UTC+1
Հեռախոսային կոդ	+49 9443
Փոստային ինդեքս	93326
Փոստային դասիչ	93326
Ավտոմոբիլային կոդ	KEH
Պաշտոնական կայք	abensberg.de
	Աբենսբերգ (Գերմանիա)
	Աբենսբերգ (Բավարիա)
	Աբենսբերգ Վիքիպահեստում

Աբենսբերգ (գերմ. Abensberg), քաղաք Ստորին Բավարիայում՝ Կելհայմի շրջանում։

Գտնվում է Դանուբ ի վտակներից մեկի՝ Աբենս-ի ափին, Ինգոլշտադ-Ռեգենսբուրգ երկաթուղային գծի վրա։ Հայտնի է իր հին ամրոցով, որ նախկինում եղել է Աբենսբերգի կոմսերի նստավայրը։

Քաղաքի մոտ հայտնաբերվել են նեոլիթի դարաշրջանի բնակության հետքեր։ Որոշ պատմաբանների կարծիքով Աբենսբերգը հինհռոմեական Abusina Castra-ն կամ Abusinum-ն է, քանի որ այնտեղ պահպանվել են հռոմեական ճամբարի հետքեր։ Բնակավայրի մասին ամենավաղ գրավոր հիշատակումը վերաբերում է 1138 թվականին։ Քաղաքի իրավունքներ է ստացել մոտ 1400 թվականին։ Ամրոցը ավերվել է Երեսնամյա պատերազմի ժամանակ։

1809 թվականին Աբենսբերգի մոտ Նապոլեոն Առաջինը ջախջախել է էրցդուքս Կարլիընդհանուր հրամանատարությամբ գործող ավտրիական բանակի ձախ թևը, որի հրամանատարները էրցդուքս Լյուդվիգն ու և գեներալ Հիլլերն էին։

Քաղաքը համարվում է ծնեբեկի և գայլուկի աճեցման կենտրոն։ Գործում են 3 մասնավոր գարեջրատներ։

Աբենսբերգում ծնվել է բավարացի պատմաբան Յոհան Գեորգ Թուրմայրը (Aventinus գրական կեղծանունով), ում պատվին 1861 թվականին կանգնեցվել է հուշարձան։

Ունի հանքային ջրերի վաննաներով առողջարան (1871 թվականից)։ Ռևմատիզմի և հոդատապի բուժման կենտրոն է։ Գործում է քաղաքային թանգարանը։

Ձյուդոիստների TSV «Աբենսբերգ» թիմը Եվրոպայի գավաթի խաղարկության բազմակի հաղթող է։

Արտաքին հղումներ

http://www.abensberg.de/

Վիքիպահեստն ունի նյութեր, որոնք վերաբերում են «Աբենսբերգ» հոդվածին։