Աբգար Մինաս
- Վիքիպեդիայում կան հոդվածներ Մինասյան ազգանունով այլ մարդկանց մասին։
Աբգար Մինաս (Աբգար Մինասյան, մայիսի 28, 1955, Իլահաբադ, Ուտար Պրադեշ, Հնդկաստան), օպերային երգիչ և դերասան։ Հանդես է եկել Գերմանիայում, Հարավային Աֆրիկայում, Եվրոպայի գրեթե բոլոր երկրներում, Հայաստանում, Հնդկաստանում։
| Աբգար Մինաս Աբգար Մանվելի Մինասյան | |
|---|---|
| Ծնվել է | մայիսի 28, 1955 (68 տարեկան) |
| Ծննդավայր |  Ալլահաբադ, Հնդկաստան |
| Քաղաքացիություն | հայ |
| Ազգություն | հայ |
| Աշխատանք | 1975 — մինչ մեր օրերը |
Կենսագրություն խմբագրել
Ծնվել է Հնդկաստանի Ալլահաբադ քաղաքում, սովորել է Կալկաթայի Հայոց մարդասիրական ճեմարանում, երգել է ճեմարանի երգչախմբում։ Ձայնը մարզել է ռուս տենոր Ալեքսանդր Շմենսկու մոտ, Կալկաթայում։
Բուն ուսումը խմբագրել
Հայկական Մշակութային միության երգչախմբի խմբավար Ասատուր Կյուզելյանի նախաձեռնությամբ և Գալուստ Գյուլբեկյան հիմնադրամի օգնությամբ սովորել է Վիեննայի դրամատիկ արվեստի ակադեմիայում, որն ավարտելով սկսել է իր կատարողական արվեստը որպես օպերային երգիչ։ Մինչ Վիեննա մեկնելը նրան լսել և գնահատել է աշխարհահռչակ բարիտոն Պավել Լիսիցյանը։
Աշխատանքային գործունեությունը խմբագրել
Վիեննայում նա երգել է Արամ Խաչատրյանի համար։ Հանդես է եկել «Տրավիտա», «Ֆաուստ» և բազմաթիվ այլ օպերային ներկայացումներում։ Հաճախ է լինում Երևանում, հանդես է գալիս հայ հանդիսատեսի առջև։
Աղբյուրներ խմբագրել
- Ալբերտ Փարսադաբյան «Գիտելիքների Շտեմարան» 4-րդ հատոր, էջ 216-217