Ֆրանսիայի բաց առաջնության կանանց մենախաղ 2015, թենիսի կանանց մենախաղի մրցաշար, թենիսի հիմնական՝ Մեծ Սաղավարտի, մրցաշարերից մեկը։ Անց է կացվել 2015 թվականի մայիսի 24-ից մինչև հունիսի 7-ը, Փարիզի «Stade Roland Garros» («Ռոլան Գարրոս մարզադաշտ») համալիրում, Ֆրանսիա։
Մրցաշարում հաղթանակ է տարել Սերենա Ուիլյամսը, ով շահել է իր երրորդ տիտղոսը Ֆրանսիայի բաց առաջնությունում և 20-րդ տիտղոսը Մեծ Սաղավարտի մրցաշարերում, եզրափակիչում հաղթանակ տանելով առաջին անգամ Մեծ Սաղավարտի մրցաշարի եզրափակիչ դուրս եկած Լյուսիա Շաֆարժովայի նկատմամբ՝ 6-3, 6-7(2-7), 6-2։ Այդ հաղթանակը Ուիլյամսին բերել է նաև երրորդ Կարիերային Մեծ Սաղավարտը[1][2]։
Շաֆարժովան 1981 թվականին Հանա Մանդլիկովայի եզրափակիչ դուրս գալուց հետո դարձել է առաջին չեխ թենիսիստուհին, ով հասել է Ֆրանսիայի բաց առաջնության եզրափակիչ։