Ֆուաթ Օքթայ
Ֆուաթ Օքթայ (1964[1], Çekerek, Յոզգաթի մարզ, Թուրքիա), 2016 թվականի հունիսի 19-ից մինչև փոխնախագահ նշանակվելը եղել է Թուրքիայի վարչապետի օգնականը, 2018 թվականի հուլիսի 9-ից Թուրքիայի փոխնախագահ։
Ֆուաթ Օքթայ | |
Կուսակցություն՝ | անկախ քաղաքական գործիչ |
---|---|
Կրթություն՝ | Չուկուրովայի համալսարան և Ուտյնի պետական համալսարան |
Մասնագիտություն՝ | քաղաքական գործիչ |
Ծննդյան օր | 1964[1] |
Ծննդավայր | Çekerek, Յոզգաթի մարզ, Թուրքիա |
Քաղաքացիություն | Թուրքիա |
Կայք՝ | tccb.gov.tr/kabine/cumhurbaskani-yardimcisi |
Պարգևներ | |
Կրթությունը և կարիերան խմբագրել
Կրթություն խմբագրել
Ծնվել է 1964 թվականին Յոզգաթի մարզի Չեկերեկե բնակավայրում (գտնվում է Թուրքիայի կենտրոնական մասում)։ 1985 թվականին ավարտել է Չուկուրովի (Ադանա, Թուրքիա) համալսարանի կառավարման ֆակուլտետը, որտեղ շարունակել է իր գործունեությունը որպես գիտաշխատող։ 1990 թվականին Ուեյնի համալսարանում (Դետրոյթ, ԱՄՆ) բիզնեսի և արտադրության բնագավառում ստացել է մագիստրոսի աստիճան[2]։ Նրա մասնագիտացումը եղել է ավտոմեքենաշինությունը և կապը[3]։
Կարիերան առևտրի ոլորտում խմբագրել
1990-ական թվականներին ապրել է ԱՄՆ-ում, որտեղ աշխատել է ավտոմեքենաների և ավիացիոն արդյունաբերության ոլորտում։ Մասնակցել է Ford, Chrysler և General Motors ընկերությունների ծրագրերին[2]։
2000-ականների սկզբին Թուրքիա վերադառնալուց հետո տարբեր պետական և մասնավոր ընկերություններում եղել է խորհրդատու։ Զբաղեցրել է Բեյքենտի (Ստամբուլ, Թուրքիա) համալսարանի դեկանի տեղակալի պաշտոնը։ 2008—2012 թվականներին աշխատել է Turkish Airlines ավիաընկերությունում որպես բիզնեսի զարգացման և ստրատեգիական պլանավորման բաժնի պետ։ Եղել է Արտաքին տնտեսական հարաբերությունների (DEİK) թուրքաբրիտանական, թուրքագերմանական, թուրքաիսպանական գործարար խորհուրդների անդամ[2]։ Եղել է Turkish Aerospace Industries, Turkish Technic ընկերությունների խորհրդի անդամ, ինչպես նաև Turk Telekom-ի տնօրենների խորհրդի նախագահի տեղակալ[2]։
Քաղաքացիական ծառայություն խմբագրել
2012—2016 թվականներին գլխավորել է Արտակարգ իրավիճակների կառավարման վարչությունը, որը կառավարվում էր երկրի վարչապետ Ռեջեփ Թայիփ Էրդողանը (2014 թվականից Թուրքիայի նախագահ)։ Թուրքիայի կառավարության անունից պատրաստել է այլ երկրների հետ ռիսկերի և ճգնաժամերի կառավարման մի շարք համաձայնագրեր[2]։
2016 թվականին նախագահ Էրդողանի հետ մասնակցել է Գերմանիայի կանցլեր Անգելա Մերկելի հետ Անկարայում տեղի ունեցած հանդիպմանը, որի ժամանակ քննարկվել է միջին արևելքում հումանիտար խնդիրների հարցը[2]։
Թուրքիայի փոխվարչապետ խմբագրել
2016 թվականի հունիսից 2018 թվականի հունիսը զբաղեցրել է Թուրքիայի վարչապետ Բինալի Յըլդըրըմի խորհրդականի պաշտոնը։ Զբաղվել է պետական համալսարանների թվային և տեխնոլոգիական արդիականացմամբ[3]։
Թուրքիայում հեղաշրջման փորձի ժամանակ Ֆուաթ Օքթային հաջողվում է NTV հեռուստաալիքով հեռարձակել վարչապետի ելույթըը, որի շնորհիվ վարչապետը բնակչությանը կոչ արեց հանգստություն պահպանել։ Մասնակցել է Սիրիայում քրդական կազմավորումների (սրանք ըստ Անկարայի ահաբեկչական վտանգ էին ներկայացնում Թուրքիայի համար) դեմ ուղղված «Եփրատի վահան» և «Ձիթենու ճյուղ» ռազմագործողությունների համակարգմանը[2]։
Ֆուաթ Օքթայը համարվում է երկրի կառավարման համակարգի «բյուրոկրատական և վարչական» ճարտարապետներից մեկը։
Թուրքիայի փոխնախագահ խմբագրել
2018 թվականի հուլիսի 9-ին նշանակվել է Թուրքիայի փոխնախագահ, նոր պաշտոնը ստեղծվել էր սահմանադրական փոփոխությունների արդյունքում։
Անձնական կյանք խմբագրել
Տես նաև խմբագրել
Ծանոթագրություններ խմբագրել
- ↑ 1,0 1,1 https://www.tccb.gov.tr/kabine/cumhurbaskani-yardimcisi
- ↑ 2,0 2,1 2,2 2,3 2,4 2,5 2,6 2,7 «Октай, Фуат - Персона ТАСС». ТАСС (ռուսերեն). Վերցված է 2018 թ․ հուլիսի 31-ին.
- ↑ 3,0 3,1 3,2 «Fuat Oktay Cumhurbaşkanı Yardımcısı oldu… Fuat Oktay kimdir, kaç yaşındadır?» (թուրքերեն). Վերցված է 2018 թ․ հուլիսի 31-ին.