Ֆլորա (նկար, Տիցիան)

Տիցիանի նկար
(Վերահղված է Ֆլորա (Տիցիան)ից)

«Ֆլորա » (իտալ.՝ La Flora), իտալացի նկարիչ, ուշ վերածննդի կարկառուն ներկայացուցիչ Տիցիանի վրձնին պատկանող նկար։ Նկարիչն այս կտավը ստեղծել է 1510 թվականին։ Ներկա պահին «Ֆլորա» ստեղծագործությունը պահպանվում և ցուցադրվում է Ֆլորենցիայի Ուֆֆիցի թանգարանում։

Ֆլորա
տեսակգեղանկար
նկարիչՏիցիան
տարիմոտ 1517[1]
բարձրություն79 սանտիմետր
լայնություն63 սանտիմետր
ուղղությունՎենետիկի գեղարվեստի դպրոց և Բարձր վերածնունդ
ժանրդիցաբանական գեղանկարչություն
նյություղաներկ և կտավ
գտնվում էՈւֆֆիցի
հավաքածուՈւֆֆիցի[2]
սեփականատերԼեոպոլդ Վիլհելմ Ավստրիացի[3]
հիմնական թեմաՖլորա (դիցաբանություն)
https://www.wga.hu/html/t/tiziano/10/1/07flora.html կայք
Ծանոթագրություններ
 Flora (Titian) Վիքիպահեստում

Պատմություն խմբագրել

Տիցիանը «Ֆլորա» կտավը ստեղծել է 1510 թվականին։ Այս նկարը բազմիցս վերարտադրվել է 16-րդ դարի օֆորտներում։ Ավելի ուշ նկարը պատկանել է անհայտ անձանց, ովքեր Բրյուսելից և Վիեննայից էին[4]։ 17-րդ դարում «Ֆլորան» վաճառվել է Ամստերդամում Իսպանիայի դեսպանի կողմից Լեոպոլդ Վիլհելմ Ավտրացի էրցհերցոգին։ Դրանից հետո, ավելի ուշ, նկարը համալրում է Արվեստի պատմության թանգարանի (Վիեննա) հավաքածուն[5]։ Հետագայում, 1793 թվականին, Ուֆֆիցի թանգարանը կատարում է որոշ նկարների փոխանակում և այդօրվանից ցայսօր «Ֆլորա» ստեղծագործությունը պահպանվում և ցուցադրվում է Ֆլորենցիայի Ուֆֆիցի թանգարանում։

18-րդ դարում նկարը սխալմամբ վերագրվում էր Ջակոմո Պալմա Ավագի վրձնին։

Նկարագիր խմբագրել

«Ֆլորա» դիմանկարում պատկերված է իդեալականացված գեղեցկուհի կնոջ կերպար, որը բնորոշ է վենետիկյան դպրոցին և հատկապես Ջորջոնեին ու իր Լաուրային: Սակայն այս կտավում երիտասարդ Տիցիանի մոտ արդենձևավորվում էր սեփական ոճը։ Ի տարբերություն Ջորջոնեի «սիմվոլիկ» հերոսուհիների, «Ֆլորան» երկրային է, բնական, ոսկեծամիկ, որը փայլում է ակնառու գեղեցկությամբ և առողջությամբ։ Նկարում աղջիկը ձախ ձեռքով բռնել է բաց վարդագույն պատմուճանը։ Աջ ձեռքում Ֆլորան բռնել է գարնանային ծաղիկներով ծաղկեփունջ, որոնց մեջ երևում են մասրենու ծաղիկ, մանուշակ և հասմիկ։

Նկարում պատկերված կինը Վիոլանտան է՝ Տիցիանի սիրուհին ու բնատիպարուհին է։ Նա հանդես է գալիս Տիցիանի մի շարք կտավներում։ Դրանցից են՝ «Կինը հայելու առաջ», «Սնափառություն», «Սալոմե» և «Վիոլանտա»։ Քննարկումները մինչև օրս էլ շարունակվուն են Ֆլորայի անվան շուրջ։ Մի մասը փաստում է, որ նա ուղղակի կուրտիզանուհի է, իսկ մյուս մասը գտնում է, որ այն ամուսնական սիրո խորհրդանիշն է, քանի որ կնոջ հագին ճերմակաթույր դասական ներքնաշապիկ է։ Ինչպես նաև Ֆլորան կարող է խորհրդանշել անարատության և հեշտասիրութան հարմոնիա, քանի որ կնոջ մի կուրծքը գրեթե բաց է, իսկ երկրորդը ողջախոհությամբ փակված է։ Նկարի Ֆլորայի փոխադարձ կապը հռոմեական գարնան և ծաղկունքի աստվածուհու՝ Ֆլորայի հետ ավելի ուշ շրջանում շրջանառվեց՝ հիմք ընդունելով ձեռքի ծաղկեփունջը։

Գրականություն խմբագրել

  • Valcanover, Francesco (1969). L'opera completa di Tiziano (Italian). Milan: Rizzoli.{{cite book}}: CS1 սպաս․ չճանաչված լեզու (link)

Ծանոթագրություններ խմբագրել

  1. https://www.uffizi.it/en/artworks/titian-flora
  2. 1890 Florentine inventory — 1890.
  3. http://www.polomuseale.firenze.it/inv1890/scheda.asp?position=1&ninv=1462
  4. Zuffi, Stefano (2008). Tiziano. Milan: Mondadori Arte. ISBN 978-88-370-6436-5.
  5. Cecilia Gibellini, ed. (2003). Tiziano. Milan: Rizzoli.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «Ֆլորա (նկար, Տիցիան)» հոդվածին։