Ֆերդինանդ Բիշոֆ
Ֆերդինանդ Բիշոֆ (Ferdinand Franz Xaver Georg Bischoff) (ապրիլի 24 1826, Օլոմոուց (Ավստրո-Հունգարիա, այժմ՝ Չեխիայում) – օգոստոսի 16 1915, Գրաց, (Ավստրո-Հունգարիա այժմ՝ Ավստրիայում), իրավունքի ավստրիացի պատմաբան։ Սովորել է Օլոմոուցի համալսարանում։ 1855–1865 թվականներին՝ Լվովի համալսարանի գերմանական իրավունքի պրոֆեսոր, 1865–1896 թվականներին՝ գերմանական և ավստրիական իրավունքի պրոֆեսոր Դրացի համալսարանում, իսկ 1871-1872 թվականներին համալսարանի ռեկտոր։ Եղել է նաև Ավստրիայի Գիտությունների ակադեմիայի թղթակից–անդամ։ Ֆերդինանդը Բիշոֆը և Ջորջ Ֆիլիպսը առաջին գերմանական իրավական պատմաբաններ էին Ավստրիայում[3]։ Նրա ուսումնասիրությունները իրավական աղբյուրների բնագավառում ստեղծել են Ավստրիայի սահմանադրական, վարչական և քաղաքացիական իրավական պատմության հիմքեր։
Ֆերդինանդ Բիշոֆ գերմ.՝ Ferdynand Bischoff | |
---|---|
Ծնվել է | ապրիլի 24, 1826[1] Օլոմոուց, Բոհեմիայի թագավորություն, Չեխական թագի հողեր, Ավստրիական կայսրություն[2] |
Մահացել է | օգոստոսի 16, 1915[1] (89 տարեկան) Գրաց, Ավստրո-Հունգարիա[2] |
Մասնագիտություն | գիտնական, իրավաբան և պրոֆեսոր |
Ferdinand Bischoff Վիքիպահեստում |
Հետազոտությունները վերաբերում են միջնադարյան Ավստրիայի քաղաքային իրավունքին, ինչպես և Արևմտյան Ուկրաինայում գործող հայկական իրավունքին։ Հրատարակել է Լվովի 1519 թվականի հայկական դատաստանագրքի քննական բնագիրը («Հայերի հին իրավունքը Լվովում», 1862), ինչպես նաև 1377-1736 թվականների Լվովի հայկական գաղութի՝ պատմության վերաբերյալ 69 փաստաթուղթ («Հրովարտակներ Լվովի հայերի պատմության», 1865)։ Ուսումնասիրել է Շտիրիայի երաժշտության պատմությունը։
Երկեր
խմբագրել- Լեհահայոց հին իրավունքը «Ուսումնասիրութիւնք լեհահայոց դաաասաանագրոյն» ժողովածուում, Վնն․, 1890, էջ 1–85
- Österreichische Stadtrechte und Privilegien, Wien 1857
- Steiermärkisches Landrecht des Mittelalters, Štýrský Hradec 1875
- Bericht über Weisthümer-Forschungen in Steiermark, Wien 1876, 1877, 1878
- Steirische und kärnthische Taidinge, Wien 1881
Ծանոթագրություններ
խմբագրել- ↑ 1,0 1,1 https://www.deutsche-biographie.de/sfz4579.html
- ↑ 2,0 2,1 Գերմանիայի ազգային գրադարանի կատալոգ (գերմ.)
- ↑ Mayer-Maly, Theo, „Bischoff, Ferdinand Franz Xaver Georg“, in: Neue Deutsche Biographie 2 (1955)
Գրականություն
խմբագրել- Дашкевич Я․ Р․, Армянские колонии на Украине в источниках и литературе XV–XIX веков, Е․, 1962, с․ 151–53․
Վիքիպահեստն ունի նյութեր, որոնք վերաբերում են «Ֆերդինանդ Բիշոֆ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 441)։ |