Օկինոշիմա (կղզի)

Օկինոշիմա կղզի (ճապ.՝ 沖ノ島), կղզի Ճապոնական ծովում: Պատկանում է Ճապոնիային և հանդիսանում է Ֆուկուոկա պրեֆեկտուրայի Մունակատա քաղաքի մի մասը։ Տեղակայված է Կորեական նեղուցում՝ ճապոնական Ցուսիմա և Օսիմա կղզիների միջև: Ընդհանուր մակերեսը կազմում է 0.97 կմ²: Ծովի մակարդակից առավելագույն բարձրությունը կազմում է 244 մետր: Կղզու բնակչությունը կազմված է մեկ մարդուց՝ տաճարի պահապանից:

Օկինոշիմա կղզի ճապ.՝ 沖ノ島
Օկինոշիման տիեզերքից
Երկիր	Ճապոնիա
Վարչատարածքային բաժանում	Ֆուկուոկա պրեֆեկտուրա
Ջրատարածություն	Ճապոնական ծով
Մակերես	0,97 կմ2
Ամենաբարձր կետը	244 մ
Բնակչություն	1 մարդ
Բնակչության խտությունը	1,03 մարդ/կմ2

Օկինոշիմա (կղզի)
Okinoshima*
ՅՈՒՆԵՍԿՕ-ի համաշխարհային ժառանգություն
Երկիր	Ճապոնիա
Տիպ	մշակութային
Չափանիշներ	(ii), (iii)
Ցանկ	ՅՈՒՆԵՍԿՕ֊ի ցանկ
Աշխարհամաս**	Ասիա
Ընդգրկման պատմություն
Ընդգրկում	2017  (41-րդ նստաշրջան)
Համար	1535-001
* Անվանումը պաշտոնական անգլերեն ցանկում ** Երկրամասը ըստ ՅՈՒՆԵՍԿՕ-ի դասակարգման
Համաշխարհային ժառանգություն

Օկիցու գու տաճար

Օկիցու գու

Բնիկները կղզին սրբազան են համարում։ Սինտոիստների հավատալիքների համաձայն՝ ամբողջ կղզին ծովագնացների հովանավոր-աստվածուհի Տագորի Հիմե նո կամիի մարմնավորումն է: Օկինոշիման մտնում է Մունակաթա թայսյայի սրբավայրերի համալիրի կազմում։

Կղզու հարավարևմտյան հատվածում տեղակայված է Օկիցու գու տաճարը։ Տաճարը հիմնադրվել է 17-րդ դարի կեսերին՝ Կորեական թերակղզու և Ճապոնական արշիպելագի միջև, որտեղով անցնում էին առևտրական աշխույժ ուղիներ։ Կղզում աղոթել են նավաստիների համար և աստվածուհուն նվերներ բերել փրկության համար:

1932 թվականին տեղի ունեցած վերակառուցումից հետո տաճարը գրեթե անփոփոխ է մնացել, ինչպես և աստվածուհուն նվիրված ծեսերը։ Փորձագետները նշում են, որ դա հանդիսանում է երկրի ամենահին և ամենաքիչ այցելվող սրբավայրերից մեկը:

Մաքրման ծիսակատարությունից հետո կղզի թույլատրվում է այցելել միայն ուխտավոր տղամարդկանց (տարվա ընթացքում ոչ ավելի քան 200 մարդ մեկ անգամ): Դա տեղի է ունենում տարվա որոշակի օրը, սովորաբար մայիսի 27-ը՝ ռուս-ճապոնական պատերազմ ընթացքում Ցուսիմայի ճակատամարտում զոհված նավաստիների հիշատակի օրը: Հավանաբար, կանանց կողմից կղզի այցելելու արգելքը կապված է գենդերային սահմանափակումների հետ, որոնք եղել են Ճապոնիայում մինչև 1872 թվականը։

2017 թվականի հուլիսի 9-ին Օկինոսիման ընդգրկվել է Ճապոնիայում ՅՈՒՆԵՍԿՕ-ի Համաշխարհային ժառանգության օբյեկտների ցանկում:

Արտաքին հղումներ

• http://www.okinoshima-heritage.jp/en/protect/heritage#kini-area
• https://meduza.io/feature/2017/07/10/v-spisok-yunesko-vklyuchili-ostrov-boginyu-v-yaponii-tuda-puskayut-tolko-muzhchin-i-chto-oni-tam-delayut-tochno-nikto-ne-znaet
• https://www.theguardian.com/world/2017/jul/10/japanese-sacred-island-where-women-are-banned-gets-unesco-world-heritage-listing

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Օկինոշիմա (կղզի) կատեգորիայում։