Քևին Նիլոն

Քևին Նիլոն (անգլ.՝ Kevin Nealon, նոյեմբերի 18, 1953(1953-11-18), Բրիջպորտ, Կոնեկտիկուտ, ԱՄՆ), ամերիկացի սթենդ ափ կատակերգու, կինոյի, հեռուստատեսության և ձայնային դերասան, սցենարիստ։

Քևին Նիլոն
Ծնվել է	նոյեմբերի 18, 1953(1953-11-18) (70 տարեկան)
Ծննդավայր	Բրիջպորտ, Կոնեկտիկուտ, ԱՄՆ
Կրթություն	Ֆերֆիլդի համալսարան, Sacred Heart University?, St. Joseph High School? և Central High School?
Քաղաքացիություն	ԱՄՆ
Մասնագիտություն	դերասան, հեռուստատեսային դերասան, սցենարիստ, կինոդերասան և հնչյունավորող
Ամուսին(ներ)	Susan Yeagley?
kevinnealon.com

Կենսագրություն

Քևին Նիլոնը ծնվել է 1953 թվականի նոյեմբերի 18-ին։ Մայրը՝ Քեթլին Մ. (օրիորդական ազգանունը՝ Քիմբոլ), հայրը՝ Էմմեթ Ֆ. Նիլոն, «Sikorsky Aircraft» ինքնաթիռաշինական ընկերության աշխատակից։ Զույգն ամուսնացել է 1950 թվականին։ Նիլոնն ունի չորս եղբայր և քույր՝ մեծերը Շերոնն ու Մայքն են եղել, փոքրերը՝ Քիմն ու Քրիսը։ Մի քանի ամսական հասակում ծնողների հետ տեղափոխվել է Կոնեկտիկուտ նահանգի Բրիջփորթ քաղաք։ 1960-1964 թվականներին ապրել է Գերմանիայում։ 1971 թվականին ավարտել է Տրամբուլ քաղաքի Սուրբ Հովսեփի բարձրագույն դպրոցը։ Ստացել է մարքեթինգի բակալավրի աստիճան Սուրբ Սիրտ համալսարանից։ 1970-ական թվականներին Լոս Անջելեսում սկսել է սթենդ ափ կատակերգուի կարիերան։

Առաջին անգամ հեռուստաէկրաններին հայտնվել է 1985 թվականին «Խրտվիլակը և Միսիս Քինգը» սերիալի մեկ էպիզոդի ոչ այդքան մեծ դերում։ Արդեն հաջորդ տարի 33-ամյա դերասանին հրավիրել են, իր ընկերոջ՝ Դեն Քարվիի հուշումով, «Շաբաթ երեկոյան ուղիղ եթերում» հեռուստատեսային երաժշտական-հումորային հաղորդմանը։ Այդտեղ նա մնացել է ինը տարի՝ նկարահանվելով 172 համարներում և սցենարներ գրելով մինչև 20-ը։ 1987 թվականից լայն էկրանին դեբյուտային աշխատանքը եղել է հարբեցողի դերը «Ռոքսանա» ֆիլմում։

2001 թվականին շահել է 32,000 դոլար «Who Wants to Be a Millionaire?» հեռուստախաղում։ 2009 թվականին հրատարակել է «Այո, դու հղի ես, իսկ ի՞նչ կասես իմ մասին» գիրքը։

Անձնական կյանք

1989 թվականին ամուսնացել է Լինդա Դյուպրիի հետ, սակայն 2002 թվականին ամուսնալուծվել է։ 2005 թվականի սեպտեմբերի 3-ից առ այսօր ամուսնացած է կինոդերասանուհի Սյուզան Յիգլիի հետ, որը իրենից 19 տարով փոքր է։ Զույգն ունեցել է 1 որդի՝ Գեյբլ Նես Նիլոնը (ծնվել է 2007)։

Բուսակեր է։ «Մարդիկ կենդանիների էթիկական վերաբերմունքի համար» կազմակերպության ակտիվ անդամ և, հետևաբար, մի ժամանակ նույնիսկ հետապնդվել է «Ringling Bros. and Barnum & Bailey Circus» կրկեսային ընկերության կողմից։ Լավ է խաղում գոլֆ և պոկեր, նվագում է կիթառ և բանջո։

Մրցանակներ և անվանակարգեր

• 1987՝ Պրայմ թայմ «Էմմի» մրցանակ «Լավագույն սցենար էստրադային ծրագրի համար» անվանկարգում «Շաբաթ երեկոյան ուղիղ եթերում» հաղորդման սցենարների համար (19 այլ սցենարիստների հետ համատեղ) - անվանակարգ։
• ԱՄՆ կինոդերասանների գիլդիայի մրցանակ «Լավագույն դերասանական կազմ կատակերգական սերիալում» անվանակարգում «Դատուրան» սերիալում դերի համար (13 այլ դերասանների հետ համատեղ) - անվանակարգ։
• ԱՄՆ կինոդերասանների գիլդիայի մրցանակ «Լավագույն դերասանական կազմ կատակերգական սերիալում» անվանակարգում «Դատուրան» սերիալում դերի համար (13 այլ դերասանների հետ համատեղ) - անվանակարգ։

Ընտրված ֆիլմագրություն

Կնոջ՝ Սյուզան Յիգլիի հետ, 2011 թվական

Լայն էկրան

• 1987 — «Ռոքսանա» / Roxanne — հարբեցող
• 1991 — «Այն ամենը, ինչ ես ուզում եմ Սուրբ ծննդյան տոնի առթիվ» / All I Want for Christmas — Թոնի Բոեր
• 1993 — «Ձվագլուխ» / Coneheads — սենատոր
• 1995 — «Ջեֆրի» / Jeffrey — հեռուստապրոդյուսեր (տիտրերում նշված չէ)
• 1996 — «Երջանիկ Գիլմորը» / Happy Gilmore — Հարրի Փոթեր
• 1998 — «Երգիչը հարսանիքի ժամանակ» / The Wedding Singer — պարոն Սիմս
• 2000 — Խելագար Սեսիլ Բ. / Cecil B. Demented — Քեվին
• 2000 — «Նիկկի, կրտսեր սատանան» / Little Nicky — դռնապան
• 2001 — «Սրտակեր» / Heartbreakers — մարդը բարում
• 2001 — «Ջո Գրյազնուլի արկածները» / Joe Dirt — համարձակ մեխանիկ
• 2002 — «Վերամարմնավորման վարպետ» / The Master of Disguise — «սպիտակ օձիք»
• 2002 — «Ութ խենթ գիշեր» / Eight Crazy Nights — քաղաքապետ (հնչյունավորում)
• 2003 — «Զայրույթի կառավարում» / Anger Management — Սեմ
• 2003 — «Հերթապահ հայրիկը» / Daddy Day Care — Բրյուս
• 2003 — «Լավ տղա» / Good Boy! — պարոն Բեյքեր
• 2006 — «Տղան երեքի համար» / Grandma’s Boy — պարոն Չիզլ
• 2008 — «Մի կատակեք Զոհանի հետ» / You Don’t Mess with the Zohan — Քեվին
• 2008 — «Լարիր գալարներդ» / Get Smart — ԿՀՎ գործակալ
• 2009 — «Այլմոլորակայինները ձեղնահարկում» / Aliens in the Attic — Ստյուարտ Փիրսոն
• 2011 — «Ձևացրու, որ իմ կինն ես» / Just Go with It — Էդոն
• 2011 — «Բաքի Լարսոն. ծնվել է աստղ լինելու համար» / Bucky Larson: Born to Be a Star — Գարի
• 2014 — «Շիկահերը եթերում» / Walk of Shame — ուղղաթիռակիր Սթիվ
• 2014 — «Խառը» / Blended — Էդդի Ուորնիք

Հեռուստատեսություն

• 1986 — 1995, 1999 — «Շաբաթ երեկոյան ուղիղ եթերում» / Saturday Night Live — տարբեր դերեր (173 համարներում)
• 1993, 1995, 1996 — «Լարի Սանդերսի շոուն» / The Larry Sanders Show — կամեո (3 թողարկումներում)
• 1998 — «Տնօրենը արձակուրդ է վերցնում» / Principal Takes a Holiday — Ֆրանկլին Ֆից, անօթևան, կեղծ դպրոցի տնօրեն
• 2001 — «Հին ամերիկյան խաբեություններ» / These Old Broads — Ռոջեր (տիտրերում նշված չէ)
• 2003 — 2006 — «Չարաճճի ծնողներ» / Still Standing — Թեդ Հալվերսոն (5 դրվագ)
• 2005 — 2012 — «Դատուրա» / Weeds — Դագ Ուիլսոն (102 էպիզոդներում)
• 2009 — 2011 — «Գլեն Մարտին» / Glenn Martin, DDS — Գլեն Մարտին (39 դրվագներում, հնչյունավորում)
• 2010 — «Երջանիկ երբևէ» / 'Til Death — Սթիվեն Ռեդֆորդ (6 դրվագ)
• 2016 — «Ամեն ինչ գրավված է» / Man with a Plan — Դոն Բերնս (68 դրվագներում)

Սցենարիստ

• 1986 — 1987 — «Շաբաթ երեկոյան ուղիղ եթերում» / Saturday Night Live — 20 թողարկում

Արտաքին հղումներ

• Официальный сайт

Վիքիպահեստն ունի նյութեր, որոնք վերաբերում են «Քևին Նիլոն» հոդվածին։