Քաղց (ֆիլմ, 2008)
«Քաղց» (անգլ.՝ Hunger), բրիտանա-իռլանդական դրամա՝ նկարահանված Սթիվ Մակքուինի կողմից 1981 թվականի Իռլանդական հացադուլի իրադարձություների մասին։ Ֆիլմի պրեմիերան կայացել է 2008 թվականին։
 անգլ.՝ Hunger | |
|---|---|
| Երկիր | .svg){kind=small} Միացյալ Թագավորություն Իռլանդիա |
| Ժանր | դրամա[1][2][3][…], պատմական ֆիլմ և ֆիլմ բանտի մասին |
| Թեմա | The Troubles?, 1981 թվականի իռլանդական հացադուլ և Իռլանդիայի հանրապետական բանակ |
| Թվական | 2008, մարտի 4, 2010[4] և օգոստոսի 13, 2009[5] |
| Լեզու | անգլերեն և իռլանդերեն |
| Ռեժիսոր | Սթիվ Մակքուին[2][3][6][…] |
| Սցենարի հեղինակ | Սթիվ Մակքուին և Enda Walsh? |
| Դերակատարներ | Մայքլ Ֆասբենդեր[7][8][3][…], Լիամ Կանինգհեմ[8][6][9][…], Liam McMahon?[7][8][9][…], Ստյուարտ Գրեհեմ[7][8][6][…], Karen Hassan?[8], Ciaran Flynn?, Brian Milligan?, Lalor Roddy?, Des McAleer?, Ben Peel? և BJ Hogg? |
| Օպերատոր | Սին Բոբիտ |
| Երաժշտություն | Դեյվիդ Հոլմս |
| Մոնտաժ | Ջո Ուոքեր |
| Պատմվածքի վայր | Հյուսիսային Իռլանդիա և Բելֆասթ |
| Կինոընկերություն | Film4, Channel 4, Northern Ireland Screen? և Broadcasting Authority of Ireland? |
| Տևողություն | 92 րոպե և 90 րոպե |
Ֆիլմը պատմում է Իռլանդական հանրապետական բանակից կալանավորների պայքարի մասին քաղաքական բանտարկյալի կարգավիճակի ստացման համար։ Սկզբում նրանք ցանկացել են հասնել դրան, հրաժարվելով լողանալ, կրել կալանավորի համազգեստ և ամեն կերպ կեղտ տարածելով իենց խցերում։ Սակայն այդ ամենն անարդյունք է լինում։ Բանտարկյալների մազերը բռնի կտրում են և լողացնում՝ ծեծելով մինչև կիսամահ լինելը։ Վերջապես նրանցից մեկը` Բոբի Սենդսը, որոշում է հացադուլ անել մինչև մահ։
Ֆիլմն արժանացել է «Ոսկե տեսախցիկ» մրցանակի 2008 թվականին Կաննի կինոփառատոնում[10]։
Սյուժե խմբագրել
Ֆիլմն սկսվում է «Մեյզ» բանտի պահակ Ռեյմոնդ Լոգանի աշխատանքային օրվա ցուցադրությամբ։ Բանտ է բերվում Իռլանադական հանրապետական բանակի դատապարտյալ մարտիկ Դևի Ջիլենը։ Նա հրաժարվում է հագնել բանտարկյալի համազգեստ, որից հետո նրան տանում են բանտախուց, որտեղ գտնվում է Ջերի Քեմփբելը, ով նույնպես միանում է կալանավորների բողոքին. երկու խցակիցները կրում են միայն ծածկոցներ, իրենց կղանքը քսում պատերին, կառուցում յուրատիպ պատնեշ դռան մոտ, որի շնորհիվ նրանց մեզը հոսում է դեպի միջանցք, որտեղով քայլում են վերահսկիչները։ Սակայն պահակները, դրան ի պատասխան, նրանց բռնի տանում են լոգարան, որտեղ կտրում են մազերը և լողացնում, իսկ մյուսները մաքրում են պատերը։ Լոգանն աշխատում է լոգարանում և ստիպված է ծեծել նրանց, որպեսզի կատարի իր պարտականությունները։
Քեմփբելի ընկերուհին նրան գաղտնի ռադիո է բերում, որով նա իմանում է, որ բրիտանացիները պատրաստ են համաձայնել կալանավորներին համազգեստը տալուն։ Վերջապես կալանավորներին են բաժանում հագուստը, սակայն նրանք դժգոհ են, պատռում են հագուստը և կոտրում բանտի գույքը։ Բանտ է ժամանում ոստիկանության հատուկ նշանակության ջոկատ, պահակները կալանավորներին դուրս են գցում խցերից, ինչից հետո նրանց քշում են ոստիկանության շարքերի միջով, որոնք ծեծում են նրանց մահակներով։ Լոգանը և աշխատակիցները ստուգում են կալանավորների բերանների և հետանցքների պարունակությունները՝ չփոխելով ձեռնոցները։
Լոգանը գնում է ծերանոց՝ այցելելու մորը և սպանվում ահաբեկչի կողմից։
Սենդսը հանդիպում է քահանա Դոմինիկ Մորանի հետ և պատմում, որ հացադուլ կանի մինչև մահ։ Այս անգամ կալանավորները սկսում են հացադուլը մեկ շաբաթից մեկը մյուսի հետևից։ Նա պատմում է, թե ինչպես է մանկության տարիներին բելֆաստցի իր ընկերների հետ միասին գնացել Դոնեգոլ կոմսություն։ Տղաներն այնտեղ գտել են ոտքը կոտրած և հեղեղն ընկած հորթի։ Սենդսը մտել է գետ և խեղդել է հորթին, որպեսզի նա չշարունակի տանջվել։
Սենդսը շարունակում է հացադուլը, բազմաօրգանային անբավարարվածությունն աճում է։ Տեսնելով «UDA» (Օլստերի պաշտպանության լիգա) դաջվածքը սանիտարի մարմնին, Սենդն իր մեջ ուժ է գտնում, որպեսզի ոտքի կանգնի, սակայն հետո ուժասպառ ընկնում է գետնին։ Նրա ծնողները ժամանում են բանտ և ականատես են լինում նրա մահվանը 66 օր հացադուլից հետո։
Սենդսին ընտրում են Մեծ Բրիտանիայի պառլամենտի անդամ։ Յոթամսյա հացադուլից ընթացքում մահանում է մասնակիցներից տասը։ Բողոքների ընթացքում բանտապահներն սպանում են 16 բանտարկյալների։ Բրիտանական կառավարությունը փաստացիորեն բավարարում է բանտարկյալների պահանջները, սակայն պաշտոնապես չի ճանաչում քաղաքական բանտարկյալի նրանց կարգավիճակը։
Դերերում խմբագրել
- Մայքլ Ֆասբենդեր — Բոբի Սենդս
- Լիամ Քանինգեմ — հայր Մորան
- Ստյուարտ Գրեմ— Ռեյ Լոհան
- Լիամ Մակմահոն — Ջերի
- Բրայան Միլիգան— Դեյվի
- Լելոր Ռոդի— Ուիլյամ
- Դես Մաքելիր— միստեր Սենդս
- Հելեն Մեդեն— միսիս Սենդս
Մրցանակներ և անվանակարգեր խմբագրել
Մրցանակներ խմբագրել
- 2008 — Կաննի կինոփառատոն
- «Ոսկե տեսախցիկ» — Սթիվ Մակքուին
- 2008 — «European Film Awards» մրցանակ
- Տարվա եվրոպական բացահայտում — Սթիվ Մակքուին
- 2008 — Վենետիկի կինոփառատոն
- Գուչի մրցանակ — Սթիվ Մակքուին
- 2009 — BAFTA մրցանակ
- Կառլ Ֆորմանի մրցանակ առավել խոստումնալից նորեկին – Սթիվ Մակքուին
Անվանակարգ խմբագրել
- 2008 — «Եվրոպական կինոակադեմիայի մրցանակ»
- Լավագույն դերասան — Մայքլ Ֆասբենդեր
- Լավագույն ռեժիսոր — Սթիվ Մակքուին
- 2009 — «Անկախ ոգի» մրցանակ
- Լավագույն արտասահմանյան ֆիլ — Սթիվ Մակքուին
- 2009 — BAFTA Մրցանակ
- Ակնառու բրիտանական ֆիլմ — Ռոբին Գատչ, Լորա Գաստինգս-Սմիթ, Սթիվ Մակքուին, Էնդա Ուոլշ
Ծանոթագրություններ խմբագրել
- ↑ http://www.ew.com/article/2009/03/18/hunger
- ↑ 2,0 2,1 http://www.imdb.com/title/tt0986233/
- ↑ 3,0 3,1 3,2 http://www.filmaffinity.com/en/film842469.html
- ↑ http://nmhh.hu/dokumentum/158992/2010_filmbemutatok_osszes.xlsx
- ↑ http://www.kinokalender.com/film7207_hunger.html
- ↑ 6,0 6,1 6,2 http://stopklatka.pl/film/glod-2008
- ↑ 7,0 7,1 7,2 http://www.allocine.fr/film/fichefilm_gen_cfilm=115096.html
- ↑ 8,0 8,1 8,2 8,3 8,4 http://www.imdb.com/title/tt0986233/fullcredits
- ↑ 9,0 9,1 http://www.bbfc.co.uk/releases/hunger-film
- ↑ Thorpe, Vanessa (2008 թ․ մայիսի 11). «Anger as new film of IRA hero Bobby Sands screens at Cannes». The Observer. London. Վերցված է 2008 թ․ մայիսի 14-ին.
Արտաքին հղումներ խմբագրել
- «Քաղց»(անգլ.) ֆիլմը Allmovie կայքում:
- Интервью со Стивом Маккуином, в котором он рассказывает о создании фильма Голод Արխիվացված 2016-03-04 Wayback Machine (ռուս.)
- Голод в журнале Искусство кино (ռուս.)
