Տիգրան Նիկողոսյան
Տիգրան Վոլոդյայի Նիկողոսյան (հունվարի 30, 1955, Սարուխան, Գեղարքունիքի մարզ), հայ խմբագիր, հրապարակախոս, արձակագիր։ Հայաստանի գրողների միության անդամ (2002)։ Հայաստանի վաստակավոր լրագրող (2011 թվական)[1]։
Տիգրան Նիկողոսյան | |
---|---|
Ծնվել է | 1955 հունվարի 30 |
Ծննդավայր | Սարուխան, Գեղարքունիքի մարզ |
Մասնագիտություն | խմբագիր և արձակագիր |
Լեզու | հայերեն |
Ազգություն | հայ |
Քաղաքացիություն | Հայաստան |
Կրթություն | Հայաստանի պետական մանկավարժական ինստիտուտ |
Անդամակցություն | ՀԳՄ և Հայաստանի ժուռնալիստների միություն |
Պարգևներ |
Կենսագրություն խմբագրել
1987 թվականին ավարտել է Հայաստանի պետական մանկավարժական ինստիտուտի կուլտուրայի ֆակուլտետը։ 1987-1988 թվականներին եղել է «Դպրություն» թերթի գլխավոր խմբագրի տեղակալ, 1994-1999 թվականներին՝ «Հայաստան» թերթի գլխավոր խմբագրի տեղակալ, 1999 թվականից՝ գլխավոր խմբագիր։ 1992 թվականից միաժամանակ դասախոսել է Երևանի Հրաչյա Աճառյան համալսարանում։
2004 թվականից Բնության և հասարակության մասին գիտությունների միջազգային ակադեմիայի անդամ է[2], Հայաստանի ժուռնալիստների միության և Ռազմածովագիրների միջազգային ընկերակցության անդամ։
Նրա ստեղծագործությունները տպագրվել են ԱՄՆ-ում, Լիբանանում, Հարավսլավիայում։ Հեղինակ է շուրջ 15 գրքի[3]։
Պարգևներ, մրցանակներ խմբագրել
- ՀԳՄ Միքայել Նալբանդյանի անվան մրցանակ «…Եվ գիրը մեր» հրապարակախոսական աշխատանքի համար (2017 թվական)[4]
- Երևանի քաղաքապետի ոսկե մեդալ (2015 թվական)[5]
- Հայաստանի մշակույթի նախարարության «Գրիգոր Նարեկացի» մեդալ (2016 թվական)
- Մովսես Խորենացու մեդալ, (2011 թվական)[6]
- Հայաստանի վաստակավոր լրագրող (2010 թվական)[7]
- «Հայը 21-րդ դարասկզբին» մրցանակաբաշխության մրցանակ (2010 թվական)
- «ԵԿՄ-25» հուշամեդալ
- «Անվանական ժամացույց» Գարեգին Բ վեհափառի կողմից
- Արմավիրի մարզպետարանի «Ոսկե հուշամեդալ», 2010 թվական
- Հայաստանի ոստիկանության «Համագործակցության ամրապնդման համար» մեդալ, 2010 թվական
- Հայաստանի Ազգային գրադարանի «Հակոբ Մեղապարտ» մեդալ, 2010 թվական
- Հայաստանի ոստիկանության «Համագործակցության համար» մեդալ, 2010 թվական
- «Հայերի համաշխարհային կոնգրեսի ոսկե մեդալ», 2010 թվական
- Գլենդելի Երկրորդ աշխարհամարտի վետերանների միության հուշամեդալ
- Ֆրիտյոֆ Նանսեն միջագգային հիմնադրամի ոսկե հուշամեդալ (2004 թվական)
- «Ինձ տուր քո ցավը» ժողովածուն արժանացել է ՀԳՄ Սիմոն Սիմոնյանի անվան մրցանակի (1998 թվական)
- «Ճակատագիր» հրապարակախոսական շարքի համար արժանացել է Հայաստանի ժուռնալիստների միության մրցանակի (1985 թվական)
Ստեղծագործություններ խմբագրել
- «Ինչ է պատմում քարը», 2022 թվական (տպագրության փուլում է)
- «Կյանքը բաց նամակներում», 2022 թվական
- «Բարի լույս հայրիկ», 2021 թվական
- «Հայրենյաց քսանամյա նվիրյալները մատենաշար» (տպագրվել է մատենաշարի հինգ պրակ), 2020 թվական
- «Կածաններ, արահետներ, ճամփաներ», 2019 թվական
- «Նոր հանդիպում մեկ տարի անց», 2018 թվական
- «Յոթ նամակ Անահիտին առանց հետադարձ հասցեի» (գիրքը թարգմանվել է անգլերեն, գերմաներեն, ֆրանսերեն, իսպաներեն, ռուսերեն, վրացերեն, սերբերեն), 2018 թվական
- «Ինչ կմնա ինձնից հետո», 2018 թվական
- «Հայաստան» թերթին կից մեկ պատմվածքի գրադարան մատենաշարով հրատարակվել է «Հող, երկիր, հայրենիք», «Ինչի համար է ապրում մարդը» գրքերը, 2017 թվական
- «․․․Եվ գիրը մեր», 2017 թվական (Հայաստանի գրողների միության նախագահության Միքայել Նալբանդյանի անվան մրցանակ)
- «Մարիամ իշխանուհի», 2017 թվական
- «Ցավի և սիրո բացիկներ» 2016 թվական (Մկրտիչ Սարգսյանի անվան մրցանակ)
- «Եվ մի գյուղ՝ անունը Սարուխան», 2016 թվական
- «Իրական դեպքեր բայազետցիների կյանքից», 2016 թվական
- «Մարիամ Իշխանուհի» (գեղարվեստական, վավերագրական էսսե), Երևան, 2012 թվական
- «Յոթ զրույց ամենակարևորի մասին», Երևան, 2010 թվական
- «Մեր կյանքի ժամանակը» (հրապարակախոսություն), Երևան, 2007 թվական
- «Պատմություն հին ու նոր օրերի», Երևան, 2006 թվական
- «Ճակատագրի ճամփաներով», Երևան, 2006 թվական
- «Քեզ հետ և առանց քեզ», Երևան, 2000 թվական
- «Նորագավիթ», Երևան, 1999 թվական
- «Ինձ տուր քո ցավը», 1998 թվական (ՀԳՄ Սիմոն Սիմոնյանի անվան մրցանակ)
- «Կանաչ առու», Երևան, 1997 թվական
- «Հայրեր և որդիներ», Երևան, 1996 թվական
Ծանոթագրություններ խմբագրել
- ↑ «Տիգրան Նիկողոսյան». Արխիվացված է օրիգինալից 2016 թ․ օգոստոսի 12-ին. Վերցված է 2016 թ․ հունվարի 30-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ Տիգրան Նիկողոսյանի մասին ՀԳՄ կայքում
- ↑ ««ՀՐԱՆՏ ԵՎ ՄԱՆՈՒՇԱԿ ՍԻՄՈՆՅԱՆ» ԳՐԱԿԱՆ ՀԻՄՆԱԴՐԱՄԻ ՄՐՑԱՆԱԿԱԿԻՐՆԵՐ-2017 «Հայաստանի Գրողների Միություն». wua.am. Վերցված է 2018 թ․ փետրվարի 9-ին.
- ↑ https://www.yerevan.am/am/mayors-decisions/3714-a-1/ Երևանի քաղաքապետի որոշում
- ↑ Պարգևատրման արարողություն՝ Հանրապետության տոնի առթիվ
- ↑ Հայաստանի նախագահի հրամանագիր