Տիգրան Մուսիև
Տիգրան (Լազր) Արշակի Մուսիև (Մուսիյան) (1882[1] - 1938[1]), Անդրկովկասում խորհրդային իշխանության հաստատման աջակից, ԽՄԿԿ անդամ (1902)։
| Տիգրան Մուսիև | |
|---|---|
| Ծնվել է | 1882[1] |
| Մահացել է | 1938[1] |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Կրթություն | Պլեխանովի անվան ռուսական տնտեսագիտական համալսարան[1] |
| Մասնագիտություն | հեղափոխական |
| Կուսակցություն | ԽՄԿԿ[1] |
Հեղափոխական գործունեության մեջ է ներգրավվել 1900-ական թվականների սկզբին՝ Բաքվի նավթագործարաններում աշխատելու տարիներին։ ՌՍԴԲԿ II համագումարից հետո ձեռք է բերել բոլշևիկյան կողմնորոշում։ 1907 թվականին Բաքվում մայիսմեկյան ցույցին մասնակցելու համար ձերբակալվել և բանտարկվել է։ 1913 թվականին զորակոչվել է բանակ։ 1916 թվականից ծառայել է Սարիղամիշում, ներգրավվել բոլշևիկյան ընդհատակի աշխատանքներում։ Ռուսաստանում 1917 թվականի Փետրվարյան հեղափոխությունից հետո եղել է Սարիղամիշի բոլշևիկյան և կայազորի զինվորական կոմիտեների անդամ։ 1917 թվականի դեկտեմբերին մասնակցել է Կովկասյան բանակի II համագումարի աշխատանքներին, ընտրվել Սարիղամիշի ռազմահեղափոխական կոմիտեի անդամ։ 1918 թվականի հունվարին, երբ Սարիղամիշում հաստատվել էր խորհրդային իշխանություն, Մուսիևը նշանակվեց քաղաքի զինվորական պարետ և միաժամանակ Կովկասյան ռազմաճակատի հրամանատարի տեղակալ։ Ռուսական զորքերի՝ Կովկասյան ռազմաճակատից հեռանալուց հետո Սարիղամիշի կոմիտեն տեղափոխվել է Բաքու, որտեղ Մուսիևը նշանակվել է կոմիսար և սատարել Բաքվի կոմունային։ 1918 թվականի մարտին մեկնել է Հյուսիսային Կովկաս, ապա՝ Աստրախան, որտեղ մասնակցել է սպիտակ-գվարդիականների դեմ մարտերին։ Եղել է Վլադիկավկազի զինվորական պարետը։ Անդրկովկասում խորհրդային իշխանության հաստատվելուց հետո սովորել և ավարտել է Մոսկվայի Գ․ Վ․ Պլեխանովի անվան ժողտնտեսության ինստիտուտը, ստանձնել զինվորական և տնտեսական պաշտոններ։
Ծանոթագրություններ խմբագրել
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 89)։ 
|