Տատյանա Մախմուրյան

Տատյանա (Թագուհի) Լևոնի Մախմուրյան (Մախմուրովա) (սեպտեմբերի 22, 1910(1910-09-22), Սուխում, Սուխումի օկրուգ, Ռուսական կայսրություն - հուլիսի 10, 1989(1989-07-10), Երևան, Հայկական ԽՍՀ, ԽՍՀՄ), հայ դերասանուհի։ ՀԽՍՀ մշակույթի վաստակավոր գործիչ (1975)։

Տատյանա Մախմուրյան
Ծնվել է	սեպտեմբերի 22, 1910(1910-09-22)
Ծննդավայր	Սուխում, Սուխումի օկրուգ, Ռուսական կայսրություն
Մահացել է	հուլիսի 10, 1989(1989-07-10) (78 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	Մոսֆիլմ (1937)
Քաղաքացիություն	Ռուսական կայսրություն և  ԽՍՀՄ
Մասնագիտություն	դերասանուհի
Ամուսին(ներ)	Դմիտրի Ֆելդման
Պարգևներ և մրցանակներ

Կենսագրություն

1928 թվականին Համո Բեկնազարյանի հրավերով նկարահանվել է «Տունը հրաբխի վրա» ֆիլմի գլխավոր հերոսուհու՝ Մարոյի դերում։ Նույն թվականից աշխատել է Հայկինոյում։ 1936-1937 թվականներին սովորել է «Մոսֆիլմ»-ին կից դերասանական դպրոցում։

Մախմուրյանի լավագույն դերը Կեկելն է («Պեպո», ռեժիսոր՝ Հ. Բեկնազարյան, 1935)։ Այլ դերերից են՝ Մասումե («Հանդիպում», ռեժիսոր՝ Գ. Գոմարտելի, «Վրացֆիլմ» ստուդիա), Անահիտ («Լույս և ստվերներ», ռեժիսոր՝ Ի. Պերեստիանի, Նանի («Գիքոր», ռեժիսոր՝ Ամասի Մարտիրոսյան, 1934), Գայանե («Դավիթ Բեկ», ռեժիսոր՝ Համո Բեկնազարյան, 1944)։

Աշխատել է նաև որպես ռեժիսորի օգնական։ Ամուսնցած է եղել կինոօպերատոր Դմիտրի Ֆելդմանի հետ։

Դերերը կինոյում

• 1928 - Մարո՝ «Տունը հրաբխի վրա»
• 1930 - Մասումե՝ «Հանդիպում»
• 1933 - Անահիտ՝ «Լույս և ստվերներ»
• 1934 - Նանի՝ «Գիքոր»
• 1935 - Կեկել՝ «Պեպո»
• 1943 - Գայանե՝ «Դավիթ Բեկ» (նաև ռեժիսորի օգնական)
• 1982 - «Սիրամարգի ճիչը»
• 1988 - Թագուհի Պարույրովնա (ծեր տարիքում)՝ «Համբարձում»

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 166)։