Վլադիսլավ Կասպարով
Անվան այլ կիրառումների համար տե՛ս՝ Կասպարով (այլ կիրառումներ)
Վլադիսլավ Մինասի Կասպարով (Կասպարյանց, հունվարի 20 (փետրվարի 1), 1884[1], Խանքենդի, Շուշիի գավառ, Ելիզավետպոլի նահանգ, Ռուսական կայսրություն[1] - սեպտեմբերի 6 (19), 1917[1], Դավոս, Գրաուբյուդեն, Շվեյցարիա[1]), Անդրկովկասում և Ռուսաստանում խորհրդային իշխանության հաստատման աջակից, ԽՄԿԿ անդամ (1903)։
| Վլադիսլավ Կասպարով | |
|---|---|
| Ծնվել է | հունվարի 20 (փետրվարի 1), 1884[1] |
| Ծննդավայր | Խանքենդի, Շուշիի գավառ, Ելիզավետպոլի նահանգ, Ռուսական կայսրություն[1] |
| Մահացել է | սեպտեմբերի 6 (19), 1917[1] (33 տարեկան) |
| Մահվան վայր | Դավոս, Գրաուբյուդեն, Շվեյցարիա[1] |
| Քաղաքացիություն |  Ռուսական կայսրություն և  Շվեյցարիա |
| Կրթություն | Շուշիի ռեալական ուսումնարան (1906)[1] և Սանկտ Պետերբուրգի կայսերական համալսարան (1907)[1] |
| Մասնագիտություն | հեղափոխական |
| Կուսակցություն | ԽՄԿԿ[1] |
Ավարտել է Շուշիի ռեալական դպրոցը (1906)։ Սովորել է Սանկտ-Պետերբուրգի համալսարանի իրավաբանական ֆակուլտետում (1907) և Բեռլինի բարձրագույն առևտրական դպրոցում (1914)։ Հեղափոխական գործունեությունն սկսել է 1903 թվականից՝ սոցիալ-դեմոկրատական աշակերտական խմբակում։ 1906-1912 թվականներին եղել է ՌՍԴԲԿ Բաքվի, Պետերբուրգի և Ռոստովի կոմիտեների անդամ։ 1913-1917 թվականներին որպես քաղաքական վտարանդի ապրել է արտասահմանում (Բեռլին, Շվեյցարիա)։ Կատարել է Լենինի հանձնարարությունները։ Մասնակցել է ՌՍԴԲԿ արտասահմանյան սեկցիաների Բեռնի կոնֆերանսին (1915 թվականի փետրվար), ընտրվել բոլշևիկների արտասահմանյան կազմակերպության կոմիտեի և դրա առաքող հանձնաժողովի անդամ։
Գրականություն
խմբագրել- Համբարձում Կարապետյան, Արևածագից առաջ։ «Գարուն», 1967, № 3, էջ 25-27։
Ծանոթագրություններ
խմբագրելԱյս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 276)։ 
|