Վլադիմիր Շապոշնիկով
Վլադիմիր Նիկոլաևիչ Շապոշնիկով (ռուս.՝ Владимир Николаевич Шапошников, փետրվարի 12 (24), 1884, Մոսկվա, Ռուսական կայսրություն[1] - հոկտեմբերի 23, 1968[1], Մոսկվա, ԽՍՀՄ[1]), խորհրդային մանրէաբան։ ԽՍՀՄ ԳԱ ակադեմիկոս (1953)։ Համարվում է ԽՍՀՄ-ում տեխնիկական մանրէաբանության հիմնադիրներից։
Վլադիմիր Շապոշնիկով | |
|---|---|
 | |
| Ծնվել է | փետրվարի 12 (24), 1884 Մոսկվա, Ռուսական կայսրություն[1] |
| Մահացել է | հոկտեմբերի 23, 1968[1] (84 տարեկան) Մոսկվա, ԽՍՀՄ[1] |
| Գերեզման | Նովոդեվիչյան գերեզմանոց |
| Քաղաքացիություն |  Ռուսական կայսրություն և  ԽՍՀՄ |
| Մասնագիտություն | կենսաբան |
| Հաստատություն(ներ) | Մոսկվայի պետական համալսարանի կենսաբանահողային ֆակուլտետ[2] |
| Անդամակցություն | Ռուսաստանի գիտությունների ակադեմիա[2] |
| Ալմա մատեր | Մոսկվայի համալսարանի ֆիզիկամաթեմատիկական ֆակուլտետ |
| Գիտական աստիճան | կենսաբանական գիտությունների դոկտոր |
| Եղել է գիտական ղեկավար | Vadim Fyodorov? |
| Պարգևներ | |
Ստորագրություն | |
Կենսագրություն
խմբագրել1910 թվականին ավարտել է Մոսկվայի համալսարանը։ Աշխատել է տեղի բույսերի ֆիզիոլոգիայի (1911-1926 թթ., 1921 թվականից՝ պրոֆեսոր) և մանրէաբանության (1926-1967 թթ., 1938 թվականից՝ ամբիոնի վարիչ) ամբիոններում։ Եղել է քիմիա-դեղագործական ԳՀԻ-ի տեխնիկական մանրէաբանության (1920-1935 թթ.), խմորման արդյունաբերության կենտրոնական գիտահետազոտական (1935-1938 թթ.) լաբորատորիաների, ինչպես նաև ԽՍՀՄ ԳԱ մանրէաբանության ինստիտուտի տեխնիկական մանրէաբանության բաժնի (1938-1963 թթ.) վարիչ։ Հիմնական գիտական աշխատանքները վերաբերում են միկրոօրգանիզմների ֆիզիոլոգիային։ Բացահայտել է մանրէաբանական շատ պրոցեսների երկփուլ բնույթը։ Շապոշնիկովի աշխատանքների հիման վրա ԽՍՀՄ-ում կազմակերպվել է կաթնաթթվի, կարագաթթվի, ացետոնի և արդյունաբերական բուտիլ սպիրտի արտադրությունը։ ԽՍՀՄ պետական մրցանակ (1950 թ.)։
Պարգևատրվել է Լենինի 2 շքանշանով։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 1,7 1,8 Шапошников Владимир Николаевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- ↑ 2,0 2,1 2,2 Kolotilova N. N., Oleskin A. V. Unravelling the Mysteries of the Existence of Phototrophic Microorganisms. Elena Nikolaevna Kondratieva, a Full Member of the Russian Academy of Sciences (1925–1995), Постигая тайны существования фототрофных микроорганизмов. Академик РАН Елена Николаевна Кондратьева (1925–1995) // Историко-биологические исследования — 2018. — Vol. 10, Iss. 2. — P. 28—45. — ISSN 2076-8176; 2500-1221 — doi:10.24411/2076-8176-2018-11955
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 454)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |