Վիքիպեդիա:Խորհրդարան/Արխիվ/Փետրվար 2024

Ուրվական քաղաքներ

Հարգելի համայնք, իմ քննարկման էջում առաջարկ հնչեց Արցախի բռնազավթված բնակավայրերում ավելացնել Կատեգորիա:Ուրվական քաղաքներ կատեգորիան, քանի որ փաստացի այդ բնակավայրերի մեծ մասում այժմ ոչ մեկ մշտապես չի բնակվում։ Հետաքրքիր կլիներ լսել մյուսների կարծիքները՝ հաշվի առնելով, որ այս խմբագրումների մեջ, իմ կարծիքով, մի քիչ ՎՊ:ՕՐԻԳԻՆԱԼ կա։ GeoØ (✖) 19:36, 31 հունվարի 2024 (UTC)

Դժվար է պնդել, որ ոչ մեկ չի բնակվում։ 2020 թվականին բռնազավթված բոլոր քաղաքներում կա մշտական բնակչություն (առնվազն ադրբեջանական պնդմամբ և գուգլի տիեզերական նկարներով), իսկ 2023 թվականի քաղաքներից տեղեկություն չունենք։ Ավետիսյան91 (քննարկում) 16:01, 2 փետրվարի 2024 (UTC)

Հայաստանի համայնքները

Ողջույն։ Չնայած նրան, որ դեռևս 2021 թվականին ավարտվել է համայնքների խոշորացման պետական ծրագիրը, ոչ մի տեղ չէր կարելի ստանալ արդի տեղեկություն դրանց մասին։ Ցանկանում եմ մի փոքր պատծենալ, քանի որ վերջերս Հայաստանի համայնքներ հոդվածն եմ բարելավել։ Բացի այդ հոդվածի՝ այս վերջին մի քանի շաբաթ գծում էի համայնքների սահմանները openstreetmap-ում։ Այժմ openstreetmap-ը միակ հարթակն է, որտեղ կարելի է տեսնել Հայաստանի համայնքների սահմանները։

Խնդրում եմ վիքի համայնքին նույնպես ուսումնասիրել Հայաստանի Հանրապետության համայնքները և ուղղումներ կատարել, ինչպես նաև նոր հոդվածներ գրել, քանի որ թեման շատ կարևոր է, իսկ հոդվածների քանակը սակավ է։ Նաև կխնդրեի ուսումնասիրել openstreetmap-ում կատարված փոփոխությունները։

Հարգանքով՝ Tigran Ovanyan/ 💬 14:53, 2 փետրվարի 2024 (UTC)

Հարգելի Tigran Ovanyan, շնորհակալ եմ կատարած աշխատանքի համար։ Կարևորում եմ հատկապես վիքիպեդիայում ունեցած ներդրումը, որը ընթացքում հետևում էի։ Ավետիսյան91 (քննարկում) 15:40, 2 փետրվարի 2024 (UTC)

Կարգավիճակի նշանը Վիքիպեդիայի նոր դիզայնում

Ողջուն։ Մեր հոդվածների կարգավիճակի նշանները (լավ, ընտրյալ, տարվա) վատ են աշխատում Վիքիպեդիայի նոր դիզայնի հետ (տես https://i.postimg.cc/90sTmzqt/image.png)։ Կրեատիվ խմբագիրներ ջան, ի՞նչ առաջարկներ ունեք։ ԱշոտՏՆՂ (քննարկում) 14:23, 19 հունվարի 2024 (UTC)

Գուցե անենք այնպես, ինչ Ֆրանսերեն Վիքիպեդիայում է։ Հոդվածի ներածությունից առաջ գրված է «Դուք կարդում եք հոդված, որը «Լավ հոդված» կարգավիճակ է ստացել 2010 թվականին» (կամ այլ ձևակերպմամբ)։ Եվ նորմալ երևում է, և բացի այդ տեսանելի է, որովետև չեմ կարծում, որ մինչ այդ մեզ մոտ ընթերցողներն դա նկատում էին։ — GeoØ (✖) 15:03, 19 հունվարի 2024 (UTC)

Ես կողմ եմ, որովհետև այդ տարբերակը տեսանելի է նաև հեռախոսների համար (https://fr.m.wikipedia.org/wiki/France), իսկ մեր բջջային տարբերակում այս պահին ոչինչ չի երևում (https://hy.m.wikipedia.org/wiki/%D4%B4%D5%86%D4%B9 )։ Ես քիչ առաջ նայում էի մեր դիտումների վիճակագրությունը։ Ամենաշատ կարդացվող 500 հոդվածների դեպքում միջինում կարդացողների 89%-ը! մոբայլով են կարդում։ Սրանից բացի ուրիշ հարցերում էլ պետք է մանր-մանր սկսենք հոդվածերը ավելի mobile-friendly դարձնել։ Թեմայից շեղվեցի, կներեք։ @GeoO ջան, մենք հոդվածի ներքևի մասում նման կաղապար ունենք, դրա ավելի փոքր տարբերա՞կը։ ԱշոտՏՆՂ (քննարկում) 15:18, 19 հունվարի 2024 (UTC)

@ԱշոտՏՆՂ ջան, մեզ մոտ հոդվածի ներքևի կաղապարը բավականին մեծ ու միանգամից աչք է զարնում։ Առաջարկում եմ հենց Ֆրաներեն Վիքիպեդիայի օրինակը վերցնել, փոքրիկ չառանձնացող տեքստ դնել սկզբում։ — GeoØ (✖) 17:18, 19 հունվարի 2024 (UTC)

Նույն խնդիրը ունենք աուդիո հոդվածների հետ՝ https://i.postimg.cc/nVvZkX6Q/image.png ԱշոտՏՆՂ (քննարկում) 18:19, 19 հունվարի 2024 (UTC)

Փոփոխությունները արեցի՝ [1], [2], [3], [4] և [5]։ ԱշոտՏՆՂ (քննարկում) 12:42, 4 փետրվարի 2024 (UTC)

Ադմինիստրատորների պասիվություն

Հարգելի վիքիհամայնք, այստեղ ադմինիստրատորների պասիվության վերաբերյալ որոշակի պահանջներ են գրված։ Ես հակիրճ դիտարկմամբ նկատեցի, որ առնվազն մեկ ադմինիստրատոր պետք է ավտոմատ (առանց քվեարկման) զրկվի ադմինական դրոշակից, մյուս պասիվ ադմինիստրատորներին էլ առնվազն կարելի է հարցնել, թե այդպիսի պասիվությամբ ի՞նչ իմաստ ունի պահպանել ադմինիստրատորի դրոշակը։ Այս թեմայի մասին ցանկացա բարձրաձայնել, քանի որ նկատել եմ, որ ադմինիստրատորների ընդամենը մի փոքր խումբն է ակտիվորեն կատարում իր ստանձնած պարտավորություններն ու իրացնում իրեն տրված լիազորությունները։ Իհարկե, կարելի է ասել պասիվ 5 ադմին կլինի, թե 15, ընդհանուր առմամբ էական վնաս երևի չկա, բայց մյուս կողմից եթե 3-4 ակտիվ ադմինի փոխարեն ունենանք 8-9 ակտիվ ադմին, լավ կլինի։ Օրինակ զուտ ադմինական գործառույթ համարվող հարցեր կան, որ մի տեսակ ամաչում էլ եմ բարձրաձայնեմ, քանի որ ստացվում է, որ կրկին նույն 3-4 ադմինիստրատորներին եմ զբաղեցնելու հարցադրումներովս, իսկ նրանք երևի չեն հասցնում այդքան շատ ժամանակ տրամադրել ադմինական գործառույթներին։ Մի կողմից չէի ցանկանա թեկուզ պասիվ, բայց փորձառու ադմինիստրատորը հրաժարվեր/զրկվեր ադմինական դրոշակից, քանի որ մտահոգություն կա թե նոր եկող ադմինիստրատորը ինչպես կդրսևորի իրեն, բայց ամեն դեպքում նոր ադմինիստրատորների կարք կա։ Հատուկ ուզում եմ նաև նշել, որ իմ կողմից այս քննարկումը բացելը մյուսների կողմից չընկալվի թե ես ցանկանում եմ ադմինիստրատոր դառնալ։ Նման ցանկություն չկա ինձ մոտ ու դժվար թե երբևէ լինի թեկուզ հենց այն պատճառով, որ ես ինձ տեսնում եմ առավելապես հոդված գրելու և բարելավելու գործում։ Գարդմանահայ (քննարկում) 08:36, 22 Դեկտեմբերի 2023 (UTC)

Ողջույն։ Ըստ այդ կանոնակարգի 9 ադմիններից 5-ը պետք է զրկվեն դրոշից (տես՝ Վիքիպեդիա:Ադմինիստրատոր/Վիճակագրություն), այդ թվում ես։ Մետայում իմ ադմինի դրոշակի հեռացման դիմում բացել եմ (խնդրել եմ պահել ինտեռֆեյս ադմինիստրատորի դրոշը), բայց մնացած ադմինների դեպքում կարծում եմ՝ պետք է վերանայել կանոնակարգը։ Սամվելը ավելի քան մեկ տարի վիքիում ակտիվ չի եղել, բայց մնացած ադմինները պարբերաբար օգտագործում են իրենց դրոշակը ու մենք բացարձակ ոչ մի օգուտ չենք ունենա, եթե իրենց դրոշակից զրկենք։ Վիքիպեդիա:Խորհրդարան/կանոնակարգ/պահոց/Օգոստոս 2019 այս քննարկման մեջ ավելի երկար գրել եմ, թե ինչու եմ դեմ կանոնակարգին։ ԱշոտՏՆՂ (քննարկում) 21:33, 6 հունվարի 2024 (UTC)

ԱշոտՏՆՂ ջան, շնորհակալություն արձագանքի համար։ Ես նույնիսկ տեղյակ չէի, որ 5 ադմին ըստ օրենքի պետք է ավտոմատ զրկվեն ադմինության դրոշակից։ Միայն Samo04-ի անակտիվությունն էի հստակ արձանագրել։ Ամեն դեպքում կա օրենք, որը պետք պահել։ Եթե այս օրենքը մի անգամ խախտվում է, ապա ինչի՞ պետք է մյուս օրենքները նույնպես չխախտվեն։ Որպես լուծում կառաջարկեմ օրենքի պահանջը կատարել, բայց որպեսզի Հայերեն Վիքիպեդիայի գործունեությունը չտուժի, ապա կարող ենք հետևյալ պայմանավորվածությունն ունենանալ։ Միգուցե ասածս դիտվի օրենքի շրջանցում, բայց եթե կանոնակարգերին չի հակասում, ապա անենք։ Այսինքն՝ պայմանավորվենք, որ այն ադմիններն ովքեր ցանկություն և պատրաստակամություն ունեն շարունակել ադմինի գործունեությունը, ապա կարելի է նոր քվեարկություն բացել ու ըստ պայմանավորվածության բոլորովս կրկին ընտրենք։ Ճիշտ կլինի նախ լսել ԱշոտՏՆՂ-ի նշած 5 անակտիվ ադմիններից մյուս 4-ի դիրքորոշումը։--Գարդմանահայ (քննարկում) 07:39, 9 հունվարի 2024 (UTC)

@Gardmanahay ջան,

> Ամեն դեպքում կա օրենք, որը պետք պահել։

Չէ ինչի՞, կարող ենք չպահել (տե՛ս 5-րդ սյունը)։ Հիշենք, որ Վիքիպեդիան բյուրոկրատիա չէ և եթե ինչ-որ կանոն խոչընդոտում է Վիքիպեդիայի բարելավմանը կամ պահպանմանը, մենք կարող ենք անտեսել այն։ Ես պնդում եմ, որ մի օրվա մեջ 4 (ես էլ ադմին չեմ) ադմինից զրկվելը վնասում է Վիքիպեդիային առանց որևէ օգուտ տալու։

> Եթե այս օրենքը մի անգամ խախտվում է, ապա ինչի՞ պետք է մյուս օրենքները նույնպես չխախտվեն

Սա դասական en:slippery slope արգումենտ է (թեմայից դուրս, հայերեն էս ո՞նց թարգմանենք, սղլիկ թեքությո՞ւն)։ Եթե մենք օգտագործելով առողջ բանականություն և համաձայնություն որոշում ենք, որ այս կանոնը կարող պետք է խախտենք, վաղը չենք զարթնի ու որոշենք, որ պետք այլ կանոն, օրինակ` վստահելի երկրորդական աղբյուր պահանջելու կանոնը, խախտել։ Նման շղթայական ռեակցիա չենք ստանա, որովհետև այս կանոնը պատահականության սկզբունքով չենք խախտում, այլ ունենք պատճառ։

> ..,նոր քվեարկություն բացել ու ըստ պայմանավորվածության բոլորովս կրկին ընտրենք

Կաամ, եթե մասնակիցներից մեկը մտածում է, որ ադմիններից մեկի դրոշակ ունենալը վնասում է Վիքիպեդիային, նա կարող է իրավունքների հեռացման դիմում բացել :) ԱշոտՏՆՂ (քննարկում) 08:36, 9 հունվարի 2024 (UTC)

ԱշոտՏՆՂ ջան, առայժմ չուսումնասիրելով քո ներկայացրած հղումները, կարող եմ ասել, որ դու նույնպես հարցի լուծման տարբերակ ես առաջարկել, ինչի համար շնորհակալություն։ Նաև ճիշտ չեմ համարում միայն երկուսով քննարկենք այս հարցը և մենք որոշումներ կայացնենք, առաջարկներ ներկայացնենք։ Ուստի կխնդրեմ թեմայով հետաքրքրվող մասնակիցներին նույնպես արտահայտվել։ Եթե առաջնորդվենք քո ասած տարբերակով (օրենքի անտեսում հանուն Վիքիպեդիայի օգուտի), ապա նախ պետք է հիմնավորվի թե ինչով է անակտիվ ադմինների ադմինական դրոշակի պահպանումը օգուտ տալու Հայերեն Վիքիպեդիային։ Դրանից հետո պետք է հասկանանք արդյո՞ք այդ օգուտն «ավելի շատ է», քան կանոնակարգի խախտումը (ի դեպ, այդ կանոնակարգի ընդունումը նախաձեռնել էր անակտիվ ադմիններից մեկը)։ Բայց մինչ այս ամենը նախ ճիշտ կլինի լսել անակտիվ ադմինիստրատորներին։ Միգուցե այդ մարդիկ չեն էլ ցանկանում շարունակել իրենց ադմինությունը և հրաժարվում են ադմինությունից ինչպես արեցիր դու։ Նաև ճիշտ կլինի, որ հենց նրանք հիմնավորեն, որ իրենց ադմինության դրոշակից չզրկելը օգուտ է տալու Հայերեն Վիքիպեդիային, քանզի ես, դու կամ մեկ այլ խմբագիր չենք կարող նրանց փոխարեն պարտավորություններ ստանձնել։ Ինչ վերաբերում է անակտիվ ադմիններին ադմինությունից զրկելու համար նոր քվեարկություն բացելուն, ապա անձամբ ես դրա իմաստը չեմ տեսնում, քանզի նախ կա օրենք, որով անակտիվ ադմիններն ավտոմատ կերպով պետք է զրկվեն ադմինությունից, երկրորդն էլ՝ անձամբ ես հատուկ նպատակ չունեմ ադմիններին զրկել ադմինությունից, այլ նպատակ ունեմ Հայերեն Վիքիպեդիայում ակտիվ ադմիններ տեսնելու (և ոչ միայն ադմիններ, այլ նաև ակտիվ խմբագիրներ)։ --Գարդմանահայ (քննարկում) 13:26, 9 հունվարի 2024 (UTC)

• Ես որքանով հասկանում եմ ադմինների վերաբերյալ կանոնակարգը ամփոփվել է այս քննարկման արդյունքում՝ Վիքիպեդիա:Խորհրդարան/կանոնակարգ/պահոց/Օգոստոս 2019, որտեղ ակնհայտորեն կոնսենսուս չի եղել, սակայն ադմիններից մեկը միանձնյա այն հռչակել է որպես կանոնակարգ: Այս դեպքում այս կանոնակարգը ոչ իրավաչափ է, ավելի հստակ ասեմ՝ առոչնիչ է: Միևնույն ժամանակ այն ինստիտուցիոնալ լուրջ խնդիր է պարունակում, երբ նշվում է, որ երբ անակտիվության ցուցանիշ կա, ապա առանց հայերեն վիքիի համայնքի քննարկման միանգամից կարելի է մեթայում հայտ բացել: Ես առաջարկում եմ նոր կանոնակարգի ընդունման քննարկում սկսվի, որը զերծ կլինի թարգմանչական խնդիրներից, այսինքն հստակ ձևակերպումներ կունենա և համայնքի կոնսենսուսի հիման վրա կընդունվի: Ամենակարևորը, որ անակտիվ ադմինի դեպքում պետք է քվեարկություն բացվի մեր վիքիում, որից դրական արդյունքը ներկայացվի մեթա: Շատ կարևոր դիտարկում այս առումով, ստացվում է, որ եթե պատահաբար Հայաստանում ինտերնետը 6 ամսով անջատվի, ապա կարող է այլ պետությունում գտնվող ադմին մեթայում հայտ բացի ու ասի հայերեն վիքիի բոլոր Հայաստանցի ադմինների դրոշները հանեք ... Երբ կանոնակարգ են մշակում, պետք է անրադադարձ լինի նաև ֆորս-մաժորային իրավիճակներին: Հայորդի (քննարկում) 20:53, 9 հունվարի 2024 (UTC)

Հայորդի, ըստ էության Ձեր դիտարկումներն ու պնդումները կապ չունեն այս քննարկման հետ։ Ասեմ թե ինչու։ Եթե կարծում եք, որ Sigma'am-ը Հայերեն Վիքիպեդիայի կանոնակարգերին հակասող գործողություն է արել, ապա բացեք առանձին քննարկում, բողոք ներկայացրեք համայնքին՝ հիմնավորելով Ձեր պնդումները, անցեք բոլոր ընթացակարգերով։ Անձամբ ես չեմ կարծում, որ սխալ է արել, քանի որ կանոնակարգի քննարկմանը մասնակցել են մի շարք խմբագիրներ, քննարկումների վերջին մեկնաբանությունը եղել է 2019 թվականի հունիսի 15-ին, իսկ Sigma'am-ը քննարկման նախնական ամփոփում է ներկայացրել 2019 թվականի հուլիսի 15-ին (1 ամիս անց), իսկ վերջնական քննարկումը փակել է 2019 թվականի նոյեմբերի 12-ին (3 ամիս անց)։ Այսինքն, եթե 1 ամսվա ընթացքում ոչ ոք չի մասնակցել քննարկմանը, ապա դրանից հետո դեռ շուրջ 3 ամիս կարող էր արտահատել իր դիրքորոշումը կամ անհամաձայնություն հայտներ նախնական ամփոփման հետ (1+1+3 ամիս՝ շուրջ 5 ամիս)։Ընդ որում, կանոնակարգի հաստատումից հետո անցել է շուրջ 3 տարի, և կարծես թե ոչ ոք չի բողոքարկել այն։ Ներկայում ունենք գործող կանոնակարգ, որը ձևավորել է իրավիճակ, ինչն էլ քննարկում ենք, փորձում կանոնակարգիերի շրջանակներում առավել արդյունավետ լուծում տալ։ Ինչ վերաբերում է Հայաստանում համացանցի 6 ամիս անջատվելուն, ապա այս թեման ընդհանրապես այս քննարկմանը չի վերաբերում։ Բայց մի քանի հռետորական հարց ու դիտարկում անեմ։ Ինչի՞ եք կարծում, որ ադմինիստրատորները բոլորը ապրում են Հայաստանում, իսկ եթե այդպես է, ապա միգուցե նրանք ունեն Սթարլինկ։ Ընդհանրապես, Հայերեն Վիքիպեդիան խմբագրվում է ոչ միայն Հայաստանից, այլ նաև բազմաթիվ այլ երկրներից ու դա նորմալ է (քանի դեռ հակառակ հիմնավորում չի ներկայացվել)։ Հայախոս, հայերեն գրող մարդիկ միայն Հայաստանում չեն ապրում և նրանք էլ իրավունք ունեն խմբագրել, մետայում հայտեր բացել։ Եթե կարծում եք, որ դա այդպես չէ, ապա կարող եք բողոք-հայտ ներկայացնել մետա, որովհետև դա ըստ էության տեղական հարց չէ, այլ գլոբալ։ --Գարդմանահայ (քննարկում) 05:57, 10 հունվարի 2024 (UTC)

Քանի որ հնարավոր է ԱշոտՏՆՂ-ի ներկայացրած 4 անակտիվ ադմինիստրատորները չնկատեն այս քննարկումը, նշում եմ նրանց անունները։ Lilitik22, Samo04, Sigma'am, Xelgen, խնդրում եմ ծանոթանալ այս քննարկմանը և ներկայացնել ձեր դիրքորոշումը։--Գարդմանահայ (քննարկում) 06:06, 10 հունվարի 2024 (UTC)

Հարգելի խմբագիրներ, լրիվ համաձայն եմ, խնդրում եմ անակտիվության հիմքով զրկել ինձ ադմինական դրոշակից։ Սամվել^{քննարկում} 10:21, 11 հունվարի 2024 (UTC)

Ամփոփում, միգուցե նախնական

Խնդրել էի վիճակագրությամբ 4 անակտիվ ադմինիստրատորներին արձագանքել այս քննարկմանը, ցավոք, միայն Samo04-ն արձագանքեց, ով խնդրեց իրեն զրկել ադմինիստրատորի դրոշակից համաձայն կանոնակարգի։ Անկեղծ ասած քննարկման մեկնարկից անցել է ավելի քան կես ամիս, ինչը բավարար է, որ ինչ-որ ձևով ամփոփենք այս քննարկումը։ Lilitik22-ը, Sigma'am-ն ու Xelgen-նն այդպես էլ չարձագանքեցին այս քննարկմանը, որտեղ բարձրաձայնվել էր նրանց ադմինության հարցը։ Նախ ցանկանում եմ հակիրճ իմ կարծիքը ներկայացնել։

Անկեղծ ասած ես կուզենայի/կուզեմ, որ Lilitik22-ը մնա ադմինիստրատոր (թեկուզ ոչ այնքան ակտիվ), քանի որ նա ակտիվ է խմբագրումներ կատարելիս և հավանականությունը մեծ է, որ խմբագրումներին զուգահեռ կիրականացնի ադմինական գործողություններ։ Եվս մեկ անգամ կխնդրեմ նրան արձագանքել այս քննարկմանը։

Sigma'am-ը վերջին անգամ Հայերեն Վիքիպեդիայում խմբագրել է 2023 թվականի սեպտեմբերի 12-ին, իսկ ընդհանրապես, 2023 թվականին նա շատ պասիվ է եղել նաև խմբագրումներ կատարելու գործում։ Հաշվի առնելով նրա խիստ պասիվությունը թե՛ ադմինիստրատորական գործունեության ոլորտում, թ՛ե խմբագրական, կարծում եմ, որ կանոնակարգի համաձայն նրան պետք է զրկել ադմինական դրոշակից (այստեղ զրկել բառը չի պարունակում ոչ մի բացասական իմաստ, ոչ էլ նսեմացնում է նրա կատարած աշխատանքը)։ Նաև ուզում եմ հատուկ ընդգծել, որ ադմինիստրատորների վերաբերյալ կանոնակարգի վերջին տարբերակի մշակումն ու ընդունումը նախաձեռնվել է նրա կողմից։ Եվ չեմ կարծում թե նա հատուկ դեմ կլինի իր իսկ կողմից նախաձեռնված կանոնակարգի դրույթների պահպանմանը, այլ կցանկանա, որ դրանք խախտվեն։ Վերջիվերջո, կրկին Հայերեն Վիքիպեդիայում ակտիվ գործունեություն սկսելու դեպքում կարող է ադմինիստրատոր դառնալու համար առաջադրել իր թեկնածությունը և ամենայն հավանականությամբ ընտրվել։

Xelgen-ը, բնականաբար տեսել է այս քննարկումը, սակայն անհասկանալի պատճառով չի արձագանքել։ Եթե նայենք նրա մասնակցային էջը, ապա կտեսնենք հետևյալ նախադասությունը, որտեղ ինքն իր մասին է գրել՝ «Նա (նկատի ունի իրեն) նաև կողմ է ընունված օրենքների և կանոնների խիստ հետևելուն (իսկ վերջիններիս հետ չհամաձայնվելու դեպքում համայնքի կողմից դրանց անմիջապես քննարկելուն և փոփոխելուն)»։ Եթե հաշվի առնենք, որ նա այդպես էլ 3 տարվա ընթացքում չի նախաձեռնել կանոնակարգի փոփոխություն և մասնակցել է այդ կանոնակարգի ընդունման քննարկմանը, ուստի կարելի է ենթադրել, որ ևս դեմ չէ ըստ կանոնակարգի իրեն ադմինության դրոշակից զրկելուն (այստեղ զրկել բառը չի պարունակում ոչ մի բացասական իմաստ, ոչ էլ նսեմացնում է նրա կատարած աշխատանքը)։ Սակայն հուսով եմ, որ նա կցանկանա պահպանել տեխադմինի իր դրոշակը, ինչպես ԱշոտՏՆՂ-ն, ինչը օգտակար կլինի Հայերեն Վիքիպեդիային հատկապես, որ նա Հայերեն Վիքիպեդիայի հնաբնակներից է և լավ տեղեկացված է հանրագիտարանի «ներքին» կարգուկանոնից։ Նաև պարզապես իմ զարմանքն եմ ուզում հայտնել մետայում Xelgen-ի գրածների առթիվ(1, 2), որտեղ նա կարծես այս ամենը հետապնդում է համարում և այդ հիմքով բողոքում մետայում։ ԱշոտՏՆՂ-ն ինքն է որոշել և դիմել ադմինությունից հեռանալու համար ըստ կանոնակարգի (նույնն արել է նաև Samo04-ը), չեմ կարծում թե որևէ մեկը նրան կարող է հետապնդել, առնվազն այս քննարկումն այդպիսի երևույթի հետ որևէ աղերս չունի։ Ինչ վերաբերում է կանոնակարգի համաձայն Xelgen-ին ադմինիստրատորական դրոշակից զրկելուն, ապա վերջինը ադմինիստրատորական առավել ակտիվ գործունեություն իրականացնելու ցանկություն ունենալու դեպքում կարող է նոր հայտ բացել և ամենայն հավանականությամբ կրկին ընտրվել/դառնալ ադմինիստրատոր։

Կխնդրեմ ակտիվ ադմինիստրատորներին՝ 23artashes-ին, Beko-ին, GeoO-ին, Voskanyan-ին, համաձայն ադմինիստրատորների կանոնակարգի, դիմել մետա (կարծես այստեղ է) Samo04-ին և Sigma'am-ին անակտիվության հիմքով ադմինական դրոշակից զրկելու համար։ Կխնդերմ նաև մի փոքր սպասել Lilitik22-ի արձագանքին, ինչպես նաև մի քանի օր տրամադրել, որպեսզի Xelgen-ը ներկայացնի, թե ինչպես է պատկերացնում իր մասով այս քննարկման վերջաբանը։--Գարդմանահայ (քննարկում) 13:11, 14 հունվարի 2024 (UTC)

Ողջույն։ Ես ուղղակի ուզում եմ ասել, որ դրոշակից չեմ հրաժարվել այս կանոնակարգի պատճառով, որովհետև ինչպես գրել եմ վերևում, ես խիստ դեմ եմ կանոնակարգի կատարմանը։ Դրոշակից հրաժարվել եմ, որովհետև երկար քննարկումների մասնակցելու հավես էլ էտքան չունեմ (օրինակ՝ Շեյդիի հոդվածի հետ կապված քննարկում, որի կեսից ուղղակի անհետացա), իսկ տեխնիկական խնդիրների համար ունեմ ինտերֆեյսի ադմինիստրատորի դրոշակ (եթե ժամանակին ինտերֆեյսի ադմինիստրատորի դրոշակ լիներ, ես հավանաբար ադմին չէի էլ դառնա): Այս քննարկումը առիթ էր, ոչ թե պատճառ։

@Gardmanahay ջան, քննարկմանը մասնակցել ենք 3 մասնակցով (Դու, Հայորդին ու ես)։ Կանոնակարգի կատարմանը կողմ եղել ես միայն դու։ Չարժի, որ նման դեպքում դու ամփոփես քննարկումը, էն էլ նման արդյունքով: ԱշոտՏՆՂ (քննարկում) 13:46, 14 հունվարի 2024 (UTC)

ԱշոտՏՆՂ ջան, քո ասածից հետևում է, որ քեզ որևէ մեկը չի հետապնդել, ինչպես պնդում է Xelgen-ը, սա զուտ արձանագրենք։ Իսկ իմ գրածը ավելի շատ ոչ թե ամփոփում է, այլ մասսամբ իմ դիրքորոշման արտահայտում, մասսամբ էլ օգնություն, որպեսզի և՛ չխախտենք կանոնակարգը, և՛ փորձենք հնարավոր առավել արդյունավետ որոշումն ընդունենք։ Այնուամենայնիվ, եթե համարենք դա ամփոփում, ապա նորմալ է, որ իմ բացած քննարկումը ես ամփոփեմ հատկապես, որ գրածիս մեջ ընդհանուր առմամբ չկա որևէ մերժում քո և Հայորդու արտահայտած առաջարկներին, այլ կա փոխհամաձայնեցված, միասին որոշելու ցանկություն, ձգտում և առաջարկներ։ Զուտ մի հռետորական հարց, որի պատասխանը չեմ ակընկալում։ Եթե Samo04-ն ինքն է հայտարարել, որ իրեն զրկեն ադմինիստրատորի դրոշակից համաձայն կանոնակարգի, ապա ուրիշ ի՞նչ անենք, եթե ոչ դիմենք ակտիվ ադմինիստրատորներին, որպեսզի նրանք դիմեն մետա։ --Գարդմանահայ (քննարկում) 13:58, 14 հունվարի 2024 (UTC)

Բարի օր բոլորին: Ծանոթացա ողջ քննարկմանը: Հիանալի էր: Անկեղծ ստիպեց վիքիկենսագրությանս վերաբերող շա՜տ հետաքրքիր պահեր, քննարկումներ, շփումներ: Շնորհակալ եմ @Gardmanahayին քննարկման համար, կանոնակարգի (իմ կողմից մշակված) տառին հետևելու իրական վիքիպեդիացու նրա կեցվածքին և մոտեցումներին: Գովելի է: Այո՛, ընդունում եմ, որ որոշ ժամանակահատված ակտիվ չեմ եղել, բայց կորած էլ չեմ եղել: Այո՛, բոլորս էլ ունենք վիքիից դուրս կյանք, բայց սա էլ չի կարող արդարացում լինել, մանավանդ ադմինի համար: Բայց... որոշել եմ ակտիվացնել մասնակցությունս վիքինախագծերում թե՛ որպես ադմին, թե՛ որպես խմբագիր, քանի որ կարծում եմ՝ իմ նախկին վիքիկյանքը թույլ է տալիս վերադարձի, և ինչպես նշեց Գարդմանահայը, որ չէր ցանկանա «թեկուզ պասիվ, բայց փորձառու ադմինիստրատորը հրաժարվեր/զրկվեր ադմինական դրոշակից, քանի որ մտահոգություն կա թե նոր եկող ադմինիստրատորը ինչպես կդրսևորի իրեն», հետևաբար՝ ես շարունակում եմ մնալ ադմին և մտադիր չեմ հրաժարվելու դրոշակից: Եվ իմ վիքիկենսագրության 10-ամյակը սկսել նոր էջից: Կարծում եմ՝ այս ամենը հնարավոր է: Հարգանքներս քննարկման բոլոր մասնակիցներին: Լավագույնի ակնկալիքներով՝ ∑ίγμα ^(քնն.) 22:49, 16 հունվարի 2024 (UTC)

∑ίγμα, շնորհակալ եմ արձագանքի և ադմինիստրատորի գործունեսությունը շարունակելու պատրաստակամության համար։ Ես կողմ եմ, որ կիրառենք ԱշոտՏՆՂ-ի առաջարկած տարբերակը, այն է՝ անտեսել կանոնակարգը ի օգուտ Հայերեն Վիքիպեդիայի։ Եթե կլինեն խմբագիրներ, որ կհիմնավորեն, որ այդպես չի կարող լինել ու պետք է պարտադիր հետևել կանոնակարգին, ապա պատրաստ եմ Sigma'am-ի թեկնածության առաջադրման դեպքում քվեարկել նրա օգտին։ Այնուամենայնիվ, կարծում եմ այդպիսի հարց չի առաջանա։--Գարդմանահայ (քննարկում) 06:43, 17 հունվարի 2024 (UTC)

Ողջույն, երկար չծավալվելով՝ ասեմ, որ չեմ համարում՝ ակտիվ չեմ։ Ինձ համար ադմինությունը միայն X քանակի հոդված ջնջելն ու IP-ներին արգելափակելը չէ։ Նաև կարծում եմ՝ կարիք չկա հիշեցնելու, թե որպես ադմին ինչ եմ արել։ Ինչ վերաբերվում է ադմիններին դրոշակից զրկելուն՝ անակտիվության հիմքով, ապա կարծում եմ, որ եթե տվյալ ադմինը, օգտագործելով իր լիազորությունները, վնաս չի հասցրել նախագծին, ապա կարող է մնալ ադմին՝ մտքում ունենալով այն, որ մի օր կարող է ակտիվանալ։ «Վնաս» ասելով՝ նկատի ունեմ առանց պատճառի մասնակիցներին արգելափակելը, հոդվածներ ջնջելը և այլն։ Այս առումով ԱշոտՏՆՂ-ի որոշումն էլ, ճիշտն ասած, հապճեպ եմ համարում։--Լիլիթ (քննարկում) 06:23, 19 հունվարի 2024 (UTC)

Ես ասեմ, որ վերևում շարադրված առաջարկը (կապված պասիվ ադմիններին դրոշակից զրկելու հետ) որևէ կերպ չի նկարագրում Վիքիպեդիայի խնդիրները, չի բխում այդ խնդիրներից ու Վիքիպեդիայի ոչ մի խնդիր չի լուծելու, այդ իսկ պատճառով իմաստ չեմ տեսնում խորանալու այս թեմայով, ու առհասարակ ադմինիստրատիվ ու համայնքային ռեսուրս ծախսել գոյություն չունեցող չհարցի լուծման համար։ Կարող եք կասկածի տակ տվյալ մարդու՝ պարտճանաչ իր պարտականությունները կատարելը, փաստեր բերեք, թե երբ պետք է տվյալ բանը աներ ու չի արել ու դրա պատճառով խնդիր է առաջացել, կամ արել է ու խնդիր է ծագել, կարող եք կասկածի տակ դնել որևէ կոնկրետ մարդու կարողությունները և իրավասությունները, կրկնում եմ՝ բերեք փաստեր, որի հիման վրա մենք՝ որպես համայնք, որոշում կայացնենք։ Իսկ պնդումը ընդամենը այն մասին է, որ մարդը տարուց ավել ադմինիստրատիվ գործողություն չի կատարել, ինչը կարող է բխել նրանից, որ այդ մարդը կարիք չի ունեցել ադմինական գործողություն կատարելու։ Տարրական օրինակ, դիցուք՝ ադմիններից մեկը միշտ պարտաճանաչ առավոտյան է մտնում ու կատարում գործողություններ, մյուսը միշտ երեկոյան է մտնում, ու տեսնում է, որ որևէ բան անելու կարիք չկա, ու դա անընդհատ, տարուց ավելի, բայց ինքը էն բեքափն է, որի շնորհիվ գիտենք, որ եթե առավոտյան մտնողը հանկարծ պարտաճանաչ չանի ադմինություն, երեկոյանը կա։ Եթե որևէ ադմինի անգործությունը կամ ադմինական գործողություն չանելը Վիքիպեդիայի համար խնդիրներ են ստեղծել, կարող եք ըստ այդմ հարց առաջ քաշել։ Այնպես որ, փաստերի դեպքում իմաստ եմ տեսնում քննարկման, մնացած դեպքերում՝ ոչ։ --A.arpi.a (քննարկում) 10:17, 19 հունվարի 2024 (UTC)

Լիլիթ, շնորհակալ եմ արձագանքի համար։ Ինչպես արդեն վերևում նշել եմ, ինձ համար ցանկալի է քո ադմինիստրատոր մնալը։ Ես կողմ եմ, որ քո դեպքում նույնպես կիրառվի ԱշոտՏՆՂ-ի առաջարկածը (անտեսել կանոնակարգը հանուն Հայերեն Վիքիպեդիայի օգուտի) և չեմ կարծում այլ մասնակից այլ կարծիք կունենա։ --Գարդմանահայ (քննարկում) 12:11, 20 հունվարի 2024 (UTC)

A.arpi.a, շնորհակալություն քննարկմանը մասնակցելու համար։ Քանի որ քննարկումը ես եմ բացել, արձագանքեմ քո գրածին։ Նշում ես, որ եթե վնաս է տվել, նոր միայն պետք է փաստեր ներկայացնել ու եթե համայնքը համաձայն լինի, ապա զրկել ադմինիստրատորի դրոշակից։ Վնաս տալը պետք է որոշվի կանոնակարգով, հակառակ դեպքում յուրաքանչյուր խմբագիր կարող է իր մտածելակերպով, տվյալ պահին իր տրամադրությամբ պայմանավորված որոշի ադմինիստրատորի վնաս տալ կամ չտալը, ինչը սխալ է կամ հոդվածը հանրագիտարանային է, թե ոչ, գրվածը վիրավորանք է, թե ոչ և այլն։ Հիմա փաստն այն է, որ Հայերեն Վիքիպեդիայում գործում է կանոնակարգ, որի դրույթների համաձայն 5 ադմինիստրատոր պետք է ավտոմատ զրկվեն ադմինիստրատորի դրոշակից (2-ը ինքնակապ հրաժարվել են դրոշակից, 2-ը ցանկացել, որ շարունակեն ադմինությունը, 1-ը այդպես էլ այս քննարկմանը դեռ չի արձագանքել)։ Կանոնակարգը չի ասում, որ պետք է քննարկել այդ հարցը, ասում է, որ ակտիվ ադմինիստրատորները պետք է մետայում հայտ բացեն, որպեսզի անակտիվ ադմինիստրատորը զրկվի դրոշակից։ Հատուկ նշեմ, որ ես որքան հիշում եմ, որևէ առնչություն չեմ ունեցել այդ կանոնակարգի ընդունման գործընթացում, այլ այն խմբագիրներն են նախաձեռնել և մասնակցել քննարկմանը, որոնց մի մասն այսօր կանգնել են իրենց ընդունած կանոնակարգի պահանջի կատարման կամ չկատարման առջև։ Ընդհանրապես, եթե որևէ խմբագիր կարծում էր, որ այդ կանոնակարգը սխալ դրույթներ է պարունակում, ապա ուներ 3 տարի այն փոփոխելու համար։ Ինչ վերաբերում է համայնքի քննարկմանը ներկայացնելուն, ապա այս քննարկումը հենց դրա մասին է վկայում, և իմ կողմից այս հարցը բարձրաձայնելը, քննարկելն ու ընդհանուրի համար շահավետ լուծում գտնելու փորձը լիովին տրամաբանության սահմաններում է։ Նաև հենց այսպիսի քննարկումն է, որ կարող է խթանել ադմինիստրատորական խմբի թարմացմանը (ռեստարտին), կանոնակարգային բարեփոխմանը ու շատ այլ հարցերի արդիականացմանը։ Լռել ու գործող կանոնակարգը լուռ անտեսելը կհանգեցնի վիքիհամայնքի զարգացման լճացմանը, բացասական նախադեպերի ստեղծմանը և չի տանի որևէ լավ տեղ։ --Գարդմանահայ (քննարկում) 13:02, 20 հունվարի 2024 (UTC)

Մի հարց ծագեց քննարկում բացած և դա պնդող մասնակցին, կասե՞ք՝ ի՞նչ հիմքով, կամ անձնական ի՞նչ նախասիրությամբ եք այժմ որոշում, թե որ ադմինը ցանկալի է մնա, որը՝ չէ: Օրինակ՝ պարզ աչքով նկատելի է, որ ԱշոտՏՆՂ-ի՝ ադմինի կարգավիճակից հեռանալու մետայի դիմումը այս քննարկման «արդյունք» դիտարկեցիք (շնորհակալություն Աշոտին, որ պարզ գրեց, որ քո գրածը չէր պատճառը), հետո ինքներդ էլ ամփոփում եք ձեր իսկ բացած քննարկումը: Ի՞նչ տրամաբանությամբ եք որոշում՝ երբ անտեսել կանոնակարգը, երբ ոչ։ Ես չեմ ցանկանում միտում տեսնել, բայց հին այլ քննարկումներ և քվեարկություններ ևս գալիս են աչքիս առաջ։--տօնջ (քննարկում) 17:01, 20 հունվարի 2024 (UTC)

Հարցի պատասխանը ստանալու համար կարդալ այս քննարկումը։--Գարդմանահայ (քննարկում) 20:15, 20 հունվարի 2024 (UTC)

Հաշվի առնելով, որ այս քննարկումը, նաև այն, որ վերջին գրառումից անցել է արդեն շուրջ 15 օր, իսկ քննարկումը բացելուց՝ շուրջ 2 ամիս՝ ուստի համարում եմ բավարար անցած ժամանակահատված, որպեսզի կատարենք վերջնական եզրակացություն և հանգուցալուծում տանք։ Շնորհակալ եմ բոլոր այն ադմինիստրատորներին, ովքեր պատրաստակամություն հայտնեցին շարունակել իրենց ադմինիստրատորական գործունեությունը, շնորհակալ եմ ԱշոտՏՆՂ-ին, ով հուշեց, որ կարող ենք կանոնակարգը շրջանցող լուծում գտնել։ Samo04-ը այդպես էլ չփոխեց իր դիրքորոշումը, այն է՝ իրեն զրկել ադմինիստրատորական դրոշակից պասիվության հիմքով։ Ուստի այստեղ այլ տարբերակ չկա, քան համապատասխան ընթացակարգով դիմել մետա։ Xelgen-ն այդպես էլ չմասնակցեց այս քննարկմանը, չհայտնեց իր դիրքորոշումը, չտեղեկացրեց արդյո՞ք ցանկանում է շարունակել ադմինիստրատորական (ակտիվ) գործունեություն, թե՞ ոչ։ Սա նշանակում է, որ նրա նկատմամբ էլ (այսպես ասած ուզենք, թե չուզենք) պետք է կիրառվի ադմինիստրատորներին վերաբերող կանոնակարգի պահանջը, այն է՝ ավտոմատ զրկել ադմինիստրատորական դրոշակից։ Կանոնակարգն ասում է, որ այդ գործընթացը պետք է կատարեն ադմինիստրատորները։ --Գարդմանահայ (քննարկում) 08:16, 6 փետրվարի 2024 (UTC)

շատ հղվող բազմիմաստության փարատման էջեր

Ողջույն։ Մասնակից:ԱշոտՏՆՂ/ցանկեր/շատ հղվող բազմիմաստության փարատման էջեր ցանկում կարող եք գտնել այն բազմիմաստության էջերը, որոնք հիմնական անվանատարածքից մեկից ավելի հղումներ ունեն (չհաշված վերահղումները)։ Օգտվելեմ Բազմիմաստության փարատման էջեր կատեգորիայից, այդ պատճառով որոշ էջեր (օրինակ՝ Բանաձև մանուշակագույ չեն)։ Ցանկը ամեն օր կթարմացնեմ։ ԱշոտՏՆՂ (քննարկում) 16:11, 30 հունվարի 2024 (UTC)

Ես էլ մտածում եմ՝ է շատ լավ ա, քիչ են։ Պարզվում ա վերահղումները չէի հիշվել։ Այ հիմա արդեն ավելի խելքին մոտ ա ցանկը։ ԱշոտՏՆՂ (քննարկում) 17:01, 30 հունվարի 2024 (UTC)

Հակառակ ցանկը. հոդվածներ, որոնք շատ բազմիմաստ հղումներ ունեն՝ Մասնակից:ԱշոտՏՆՂ/ցանկեր/ամենաշատ բազմիմաստ հղում ունեցող հոդվածներ։ --ԱշոտՏՆՂ (քննարկում) 05:05, 6 փետրվարի 2024 (UTC)

Ծանոթագրությունների արագ դիտում գադջեթի մասին

Ողջույն։ Քանի որ Վիքիպեդիա:Խորհրդարան/տեխնիկական էջին հետևողները անհամեմատ ավելի քիչ են, այստեղ էլ գրեմ։ Այստեղ ասում են, որ փետրվարի 14-ին Ծանոթագրությունների արագ դիտման գադջեթը, որն այժմ լռելյան է, հեռացվելու է լռելյայն գադջեթների բաժնից։ Եթե դեմ եք այս փոփոխությանը ինչ-որ պատճառով, կարող եք իրենց գրել meta:Talk:WMDE_Technical_Wishes/ReferencePreviews#Reference_Previews_to_become_the_default_for_previewing_references_on_more_wikis էջում։ փոփոխության մասին ավելի մանրամասն ֆաբրիկատորում և meta:WMDE Technical Wishes/ReferencePreviews-ում։ ԱշոտՏՆՂ (քննարկում) 21:07, 5 փետրվարի 2024 (UTC)

Փոփոխություններ Գառնու հեթանոսական տաճար հոդվածում

Համայնք ջան, Գառնու հեթանոսական տաճար հոդվածում @Longidok մասնակիցը փոփոխություններ է անում, որոնց մասին գրում է հոդվածի քնարկման էջում։ Որ անընդհատ հետ ու առաջ չշրջենք տեքստն ու նկարները, խնդրում եմ արձագանքեք, քանի որ հոդվածի քննարկման էջում արձագանքող չկա։ Բեքո^{Քննարկում} 06:18, 4 փետրվարի 2024 (UTC)

Ողջույն բոլորին։ Ես նոր եմ հայկական Վիքիպեդիայում։ Գառնիի տաճարի հոդվածում արդեն որոշակի փոփոխություններ եմ կատարել։ Փոփոխությունները հիմնականում վերաբերում էին էջի նկարազարդմանը և ձևաչափմանը։ Փոփոխությունների մեծ մասը ոչ մի անհանգստություն չպետք է առաջացնի, բայց հարգելի Բեքոն առանց որևէ բացատրության հեռացնում է դրանք: Ես հարցեր էի բարձրացնում Գառնիի քննարկման էջում, նաև հարգելի Բեքոի էջում։ Ուրախ եմ լսել ձեր բոլոր տեսակետները և բացատրել իմ փոփոխությունների պատճառները, եթե անհրաժեշտ է: Longidok (քննարկում) 10:31, 4 փետրվարի 2024 (UTC)

Ի սկզբանե հետևել եմ Longidok մասնակցի խմբագրումներին: Իմ կարծիքով նրա կատարած խմբագրումները առանց հիմնավորման են, որը կարելի է որակել նաև «վանդալիզմ»: Ադմինիստրատորներին խնդրում եմ վերականգնել հոդվածի նախնական տեսքը, իսկ մասնակցին շգուշացում տալ, իսկ կրկնվելու դեպքում՝ արգելափակել:--Atheist Armenian (քննարկում) 19:39, 4 փետրվարի 2024 (UTC)

Atheist Armenian, խնդրում եմ նշել, թե կոնկրետ որ խմբագրումները համարում եք առանց հիմնավորումների և վանդալիզմի։ Հակառակ դեպքում գրածդ զուտ զրպարտություն է, որի համար դուք պետք է շգուշացում ստանաք։ Longidok (քննարկում) 07:09, 6 փետրվարի 2024 (UTC)

Հարգելի Longidok, սկսենք լուսանկարներից՝ սա, հետո սա ու սա առանց հիմնավորման ջնջումներ են: Մեկում տաճարի հիմնադիր արքայի հուշարձանն է, իսկ մյուս երկուսը տաճարն են խորհրդանշում։ Սրա ի՞նչն էր քիչ նշանակալի։--Atheist Armenian (քննարկում) 07:35, 6 փետրվարի 2024 (UTC)

Ընդհանրապես, ձեր նշած յուրաքանչյուր փոփոխություն ունեն բացատրությունը: Դուք ուշադիր չէիք։ Ավելին, եթե համաձայն չեք որոշ փոփոխությունների հետ, միշտ կարող եք քննարկել այն քննարկման էջում, որը դուք չեք արել:

Ինչ վերաբերում է ձեր նշած նկարազարդմանը։ Նախ հոդվածը ծանրաբեռնված էր նկարազարդումներով։ Հետո դուք լո՞ւրջ եք ասում, որ լավաշից սարքած Գառնիի լուսանկարը պետք է լինի հոդվածում։ Longidok (քննարկում) 20:42, 7 փետրվարի 2024 (UTC)

Ի՞նչ է նշանակում հոդվածը ծանրաբեռնված էր։ Բազմաթիվ հոդվածներ կան, որոնք ծանրաբեռնված են լուսանկարներով, հիմա ի՞նչ, դնենք ու թեթևացնենք, ինչ է թե ձեզ այդպես է հարմար։ Տրդատ արքայի արձանը ծանրաբեռնել է՞ր հոդվածը։ Քննարկման էջում չեմ արել, բայց հիմա այստեղ եմ անում, տարբերությունը ո՞րն է։ Ոչ թե որոշ փոփոխությունների, այլ ընդհանրապես ձեր կողմից արված բոլոր փոփոխությունների հետ համաձայն չեմ ու ևս մեկ անգամ խնդրում եմ ադմինիստրատորներին վերականգնել հոդվածի նախնական տեսքը։--Atheist Armenian (քննարկում) 03:56, 8 փետրվարի 2024 (UTC)

Ես հետ շրջեցի բոլոր խմբագրումները, որովհետև այստեղ և այլ տեղերում բերված պատճառաբանումներն ինձ համար համոզիչ չեն։ Բացի այդ, պիտի խնդրեմ @Longidok մասնակցին զերծ մնալ «ուշադիր չեք եղել», «լուրջ եք ասում» ոչ կառուցողական արտահայտություններից։ Քննարկեք հոդվածը, ոչ թե մասնակիցների ուշադիր կամ անլուրջ վիճակը։ GeoØ (✖) 06:50, 8 փետրվարի 2024 (UTC)

Wikimedia Community Fund (General Support Fund) Round 2 announcement

You can find this message translated into additional languages on Meta-Wiki.

Hello all, the Community Resources team at Wikimedia Foundation announced the upcoming round 2 for the General Support Fund, which will run from February through May 2024. The Wikimedia Community Fund's General Support Fund provides flexible support for long-term projects contributing to Wikimedia projects. In the announcement, you can find information for new and returning applicants, as well as details about the round timeline and grant budgets. We will also reach out to you during the community review period. Read the full announcement on Meta-Wiki. On behalf of the Community Resources team. --I JethroBT (WMF) (քննարկում) 21:56, 8 փետրվարի 2024 (UTC)

Announcing the results of the UCoC Coordinating Committee Charter ratification vote

You can find this message translated into additional languages on Meta-wiki. Please help translate to your language

Dear all,

Thank you everyone for following the progress of the Universal Code of Conduct. I am writing to you today to announce the outcome of the ratification vote on the Universal Code of Conduct Coordinating Committee Charter. 1746 contributors voted in this ratification vote with 1249 voters supporting the Charter and 420 voters not. The ratification vote process allowed for voters to provide comments about the Charter.

A report of voting statistics and a summary of voter comments will be published on Meta-wiki in the coming weeks.

Please look forward to hearing about the next steps soon.

On behalf of the UCoC Project team,

RamzyM (WMF) 18:23, 12 փետրվարի 2024 (UTC)

Նոր գադջեթ վիքիդատայի չթարգմանված տարրերը հեշտ թարգմանելու համար

Ողջույն։ Նոր գադջեթ եմ սարքել, որը մի փոքր հեշտացնում է հոդվածի չթարգմանված տարրերը թարգմանել և Մասնակից:ԱշոտՏՆՂ/ցանկեր/շատ օգտագործվող չթարգմանված տարրեր էջը մաքրել։ Ավելի մանրամասն յություբում՝ https://www.youtube.com/watch?v=7npGYSN9dmE : Խնդրում եմ զգուշ լինել, քանի որ դեռ փորձնական փուլում է (էսօր եմ գրել), համ էլ Վիքիդատայի վերջին փոփոխությունները գրեթե չի ստուգվում ու սխալ անելու դեպքում շատ հավանական է, որ երկար ժամանակ ոչ մեկ չի նկատի։ ԱշոտՏՆՂ (քննարկում) 21:55, 12 հունվարի 2024 (UTC)

Կարևոր գործ ես արել Աշոտ ջան, ապրես։ Ավետիսյան91 (քննարկում) 07:25, 13 հունվարի 2024 (UTC)

Շնորհակալություն ԱշոտՏՆՂ ջան, այս կարևոր գործի համար, ես անպայման մի քանի տարր կթարգմանեմ: Արշո (քննարկում) 08:50, 13 հունվարի 2024 (UTC)

@ԱշոտՏՆՂ ջան, շնորհակալ եմ շատ, լավ գործիք է։ — GeoØ (✖) 12:19, 13 հունվարի 2024 (UTC)

@ԱշոտՏՆՂ ջան, արդեն քանի օր է աշխատում եմ գադջեթով և շատ հարմար է, կաղապարների տեսքը ավելի հաճելի է դառնում. առանց հարցականների, առանց օտար լեզվով բառերի: Շնորհակալություն աշխատանքի համար: POitor ^{քննարկում} 21:57, 27 հունվարի 2024 (UTC)

Այս անվանատարածքում (Վիքիպեդիա:Ցանկեր/շատ օգտագործվող չթարգմանված տարրեր) գործիքը չի աշխատում։--A.arpi.a (քննարկում) 07:05, 16 փետրվարի 2024 (UTC)

@A.arpi.a ջան, արդեն աշխատում է։ ԱշոտՏՆՂ (քննարկում) 07:21, 16 փետրվարի 2024 (UTC)

Բաժինների հերթականություն

Բարի օր։ Անցած շաբաթ փորձում էի բոտիս սովորեցնել բաժինները վերադասավորել։ Սկզբանական տարբերակը արդեն պատրաստ է (խմբագրման օրինակներ՝ [6], [7] և [8])։ Բայց նախքան օգտագործել ձեր օգնության ու թույլտվության կարիքն ունեմ (քանի որ հազարավոր հոդվածներում փոփոխություն կարվի, դեռ հստակ թիվը չգիտեմ, ցանկ չունեմ)։ Օգտվելով Վիքիպեդիա:Հոդվածների ձևավորում էջից, ենթադրում եմ, որ ճշիտ դասավորությունը պետք է լինի այսպես՝

== Տես նաև == // եթե կա
...ԲԱԺՆԻ ԲՈՎԱՆԴԱԿՈՒԹՅՈՒՆ...

== Նշումներ == // եթե կա
...ԲԱԺՆԻ ԲՈՎԱՆԴԱԿՈՒԹՅՈՒՆ...

== Ծանոթագրություններ == // եթե կա
...ԲԱԺՆԻ ԲՈՎԱՆԴԱԿՈՒԹՅՈՒՆ...

== Աղբյուրներ == // եթե կա
...ԲԱԺՆԻ ԲՈՎԱՆԴԱԿՈՒԹՅՈՒՆ...

== Գրականություն == // եթե կա 
...ԲԱԺՆԻ ԲՈՎԱՆԴԱԿՈՒԹՅՈՒՆ...

== Արտաքին հղումներ == // եթե կա
...ԲԱԺՆԻ ԲՈՎԱՆԴԱԿՈՒԹՅՈՒՆ...

...FOOTER...

...FOOTER... կտորը ամենախուճուճն է։ Ինչքան հասկացել եմ՝ մենք այդ բաժինը դասավորում ենք մոտավորապես այսպես՝

{{ՀՍՀ}}/{{ՂԱՊ}} և նման կաղապարներ, որոնք իրականում աղբյուր են, բայց ունեն մեեեեծ կաղապար ու սովորաբար չեն դրվում աղբյուրներ բաժնում

ՀԱՋՈՐԴԱԿԱՆՈՒԹՅՈՒՆ/ՔՈՒՅՐ ՆԱԽԱԾԵՐ/"Wikidata/FamilyTree" տիպի կաղապարներ

{{Տաքսոնի նավարկում}}
{{Արտաքին հղումներ}}
{{Նավարկման աղյուսակներ}}

Վիքի-ական կաղապարներ, ինչպես օրինակ պորտալների ու շաբաթվա/օրվա հոդվածի կաղապարները կամ կատեգորիա չկա կաղապարը

DEFAULTSORT
[[Կատեգորիաներ]]

{{անավարտ կաղապարներ}}

«ՀԱՋՈՐԴԱԿԱՆՈՒԹՅՈՒՆ/ՔՈՒՅՐ ՆԱԽԱԾԵՐ/"Wikidata/FamilyTree" տիպի կաղապարներ» մասը ամենավատն է սահմանված, բայց Special:PermaLink/9111702 էջում հավաքել եմ այդ մասում շատ հանդիպող կաղապարների մի մասը (ավելի մաքուր ցանկ ստանալուց հետո էլի կգրեմ այստեղ, այս պահին ցանկը պատահական 10000 հոդվածիում հանդիպող կաղապարներից է կազմված)։

Ես խնդրում եմ քննարկել երկու իրար հետ կապ չունեցող բան․

1. Ո՞րն է ճիշտ դասավորությունը։
2. Արժի՞ այս փոփոխությունը անել բոտով։

Եթե անգամ մտածում եք, որ բոտի խելքի բանը չի, էլի մենք ինչ-որ ընդունված կարգ պետք է ունենանք։ Նույնիսկ եթե ընդուված կարգն է՝ «Էական չէ, կարևորը հոդվածի բովանդակությունն է»։

Բոտով փոփոխությունները կանեմ շատ զգույշ (կասկածելի դեպքերում բոտը փոփոխություն անելու փոխարեն հոդվածը կհավաքի ինչ-որ տեղ ձեռքով նայելու համար), նախատեսում են գոնե առաջին մի քանի հազար փոփոխությունները կիսա-ավտոմատ ռեժիմով անել՝ բոտի բոլոր փոփոխությունները ստուգելով։ Դրանից հետո կախված բոտի ցույց տված արդյունքից։

Եթե ձեզ հետաքրքրում է տեխնիկական մասը․ խմբագրելու համար օգտվում եմ pywikibot-ից, էջերը վերլուծելու համար՝ mwparserfromhell parser-ից։ Նավարկման աղյուսակները ճանաչելու համար օգտվում եմ Վիքիպեդիա:Նավարկման կաղապարներ կատեգորիայից, որը երեկ գիշեր բոտով թարմացրել եմ։ Անավարտ կաղապարները ճանաչում եմ կաղապարի վերնագրից (ինչ-որ բան-անավարտ կամ ինչ-որ բան-stub)։ Կոդի շատ հում տարբերակը՝ https://github.com/ashotjanibekyan/WikiPyScripts/blob/master/reorder_sections.py ԱշոտՏՆՂ (քննարկում) 21:30, 3 փետրվարի 2024 (UTC)

Քանի որ դեմ կարծիքներ չկան, ես մանր-մանր սկսել եմ անել փոփոխությունները։ ԱշոտՏՆՂ (քննարկում) 11:38, 18 փետրվարի 2024 (UTC)

Բարլուս, ԱշոտՏՆՂ ջան, խնդրում եմ հոդվածներում թարգմանել օտարալեզու բաժինները, օրինակ՝ նոր տեսա External links։ --Kareyac (քննարկում) 06:54, 4 փետրվարի 2024 (UTC)

@Kareyac ջան, References, Notes ու External links չկա։ Այսինքն մի չորս հատ Notes կար, բայց էդ ձեռով դզեցի։ ԱշոտՏՆՂ (քննարկում) 15:05, 4 փետրվարի 2024 (UTC)

«Տես նաև» թե՞ «Տե՛ս նաև»

Ողջույն։ Քիչ առաջ նկատեցի, որ ավելի քան 800 հոդվածում այս բաժնի անունը գրված է «Տե՛ս նաև», բայց հիմնականում պարզապես «Տես նաև» է գրված։ Այս տարբերակներից ո՞րն է ճիշտ, հարգելի՛ մասնակիցներ։ Կարո՞ղ ենք բոտով «Տե՛ս նաև»֊ը «Տես նաև» դարձնել թե՞ պետք է «Տես նաև»֊ը «Տե՛ս նաև» դարձնել։ ԱշոտՏՆՂ (քննարկում) 01:46, 24 փետրվարի 2024 (UTC)

Ընդունված է «Տես նաև»-ը, ոնց որ թե վերնագրերում չեզոք ոճ ենք նախընտրում։ --A.arpi.a (քննարկում) 16:21, 24 փետրվարի 2024 (UTC)

Նման դեպքերում` առանց շեշտադրման: --LilitMir (քննարկում) 16:39, 24 փետրվարի 2024 (UTC)

Քաղվածելու սխալ՝ Սխալ ref պիտակ՝ usnn անվանումով ref-երը տեքստ չեն պարունակում

Ողջույն։ Նման խնդիրներ առաջանում են, երբ մենք հոդվածի մի մասին ենք թարգմանում, բայց յալ լեզվով ծանոթագրությունը գտնվում է այլ մասով։ Այսինքն հոդվածում լինում է

<ref name=usnn />

բայց չի լինում

<ref name=usnn>Բովանդակություն</ref>

Ես կարող եմ բոտով այդ խնդիրը լուծել, եթե անգլերեն կամ ռուսերեն Վիքիպեդիայում ծանոթագրության ամբողջական տեքստը կա (խմբագրման օրինակ)։ Համաձա՞յն եք, որ բոտը միացնեմ «Ծանոթագրության սխալներով հոդվածներ» կատեգորիայի հոդվածների վրա։ ԱշոտՏՆՂ (քննարկում) 14:28, 14 փետրվարի 2024 (UTC)

ԱշոտՏՆՂ ջան, եթե բոտով լուծվող հարց է, ինչո՞ւ չանել։--Բեքո^{Քննարկում} 15:49, 14 փետրվարի 2024 (UTC)

Առանց ձեռքով ստուգելու աղբյուրներ եմ ավելացնելու, դրա համար մտածեցի սկզբում հարցնեմ ։Դ ԱշոտՏՆՂ (քննարկում) 16:00, 14 փետրվարի 2024 (UTC)

@ԱշոտՏՆՂ ջան, եթե փորձել ես, և ամեն ինչ ճիշտ է եղել, ուղղելուն միայն կողմ եմ։ -- 23artashes (քննարկում) 16:16, 14 փետրվարի 2024 (UTC)

Շատ հոդված գրող մասնակիցներ ջան, մի բան հարցնեմ։ Լիքը դեպքերում այս խնդիր լինում է, որովհետև անվան կողքը ինչ-որ թիվ են ավելացնում, բայց ստուգում եմ բնօրինակը (այս դեպքում Ռուսերեն Վիքիպեդիա) ու նման բան չկա այնտեղ։ Նման դեպքեր էլի եմ նկատել, սա ինչի՞ց է, ինչ-որ գործի՞ք կա, որ նման բան է անում։ ԱշոտՏՆՂ (քննարկում) 03:03, 17 փետրվարի 2024 (UTC)

Աշոտ ջան, նման բաներ բովանդակության թարգմանիչն է անում։ Պատճառը չգիտեմ, բայց երբեմն անում է։ Նույն ծանոթագրությանը թվով անուն է տալիս, համարակալումը փոխում է, և հրապարակելուց հետո ծանոթագրությունը սխալով է լինում՝ կարմիր։ -- 23artashes (քննարկում) 08:08, 17 փետրվարի 2024 (UTC)

Կատեգորիան դատարկվեց՝ մեծ մասը բոտով, դժվարները ձեռքով։ Ուզում եմ բոտը ավտմոտ ամեն օր միացնել, անցած մի քանի օրը փորձել եմ, նոր ծանոթագրություններում խնդիրը գտել է։ Էս խնդիր չի չէ՞։ --ԱշոտՏՆՂ (քննարկում) 07:37, 25 փետրվարի 2024 (UTC)

կրկնվող բաժիններով հոդվածներ

Մենք ունենք հոդվածներ, որոնք նույն բաժնից ունեն մի քանի անգամ, ու ահագին շատ։ Կարող եք մաքրել, եթե հավես ունեք։ ԱշոտՏՆՂ (քննարկում) 01:24, 22 փետրվարի 2024 (UTC)

Իսկ այստեղ ներառվա՞ծ են կրկնակ {{արտաքին հղումներ}} ունեցող հոդվածները։--A.arpi.a (քննարկում) 12:45, 22 փետրվարի 2024 (UTC)

Առաջարկում եմ անելուց հետո նշում կատարել ցանկում, օրինակ` Արված է, որ մյուսների համար ավելի դյուրին լինի աշխատելը:

Հ.Գ. Մի քանիսի դիմաց արդեն իսկ ավելացրել եմ:--LilitMir (քննարկում) 20:16, 22 փետրվարի 2024 (UTC)

Չէ, @A.arpi.a ջան, մենակ բաժինները։ @LilitMir ջան, ճիշտ ես (կամ ջնջել), բայց քանի որ այլ մասնակիցներ արդեն լիքը բան էին արել ու չէին նշել, բոտով ջնջեցի արվածները։ ԱշոտՏՆՂ (քննարկում) 22:44, 22 փետրվարի 2024 (UTC)

@A.arpi.a ջան, մեկից ավելի արտաքին հղումներ կաղապար ունեցող հոդվածներն այստեղ՝ Վիքիպեդիա:Ցանկեր/կրկնվող արտաքին հղում։ ԱշոտՏՆՂ (քննարկում) 23:06, 22 փետրվարի 2024 (UTC)

Հիմա բոլորը նայել եմ, ջնջել ցանկից, միգուցե կարիք կա թարմացնել օրինակ ամիսը մեկ։--A.arpi.a (քննարկում) 13:34, 23 փետրվարի 2024 (UTC)

Ամիսը մեկ կարող եմ թարմացնել երկու ցանկերն էլ։ ԱշոտՏՆՂ (քննարկում) 14:03, 23 փետրվարի 2024 (UTC)

Այսինքն ամեն օր կարող եմ մաքրել արդեն արվածները, բայց թարմացնել կարող եմ ամիսը մեկ (քանի որ database dump֊ը ամսվա սկզբում է հասանելի լինում)։ ԱշոտՏՆՂ (քննարկում) 14:11, 23 փետրվարի 2024 (UTC)

Այստեղից միտք առաջացավ, քանի որ շատ են նույն հատվածը նույնությամբ երկու անգամ ունեցող հոդվածները։ Հնարավո՞ր է գտնել այդ հոդվածները, որտեղ նույն շարվածքով կրկնվում են ասենք 50 տարր (կամայական թիվ եմ ասում, չգիտեմ որն է ավելի խելքին մոտ)։ Ու իրար հետևից կրկնվող նույն տառերը կամ բացատները (որևէ մեծ թվով)։--A.arpi.a (քննարկում) 07:01, 29 փետրվարի 2024 (UTC)

@A.arpi.a ջան, ճիշտն ասած՝ լավ չհասկացա։ Այսինքն նպատակը կրկնօրինակ հոդվածները գտնելն է թե՞ տարբեր հոդվածներում նույն/նման կտորները։ ԱշոտՏՆՂ (քննարկում) 15:10, 29 փետրվարի 2024 (UTC)

Նույն հոդվածում կրկնվող հատվածները։ Ոնց որ օրինակ այս դեպքում է, երբ հատվածը կրկնվում է։--A.arpi.a (քննարկում) 15:32, 29 փետրվարի 2024 (UTC)

Գերկատեգորիզացիա

Ողջույն։ Մենք ունենք մի փոքր գերկատեգորիզացիայի խնդիր ունենք։ Դրա վրա շատ ժամանակ չկորցնելու համար ուզում եմ խնդիրը լուծել բոտով։ Խմբագրման օրինակ։ Բայց ձեր օգնության կարիքն ունեմ։ Այս պահին բոտը հեռացնում է «Մարդ», «Տղամարդ», «Կին» և «Անձինք» կատեգորիաները, եթե հոդվածում արդեն կա «Անձինք այբբենական կարգով» կատեգորիան։ Բոտը անհամապատասխանությունների ցանկը վերցնում է Մասնակից:ԱշոտՏՆՂ/գերկատեգորիզացիա.json էջից։ Ինձ այս ցանկը բարելավելու հարցնում օգնություն է պետք։ Ադմինները կարող են միանգամից խմբագրել json ֆայլը, համակարգը այլ մասնակիցների խմբագրել չի թողնում, բայց եթե նոր թեկնածուներ առաջարկեք էջի կամ իմ քննարկման էջում, ես կխմբագրեմ ցանկը։ Տարածված սխալները ցանկում մի անգամ ավելացնելուց հետո բոտը պարբերակ կստուգի ու կհեռացնի այդ սխալը։ ԱշոտՏՆՂ (քննարկում) 15:04, 29 փետրվարի 2024 (UTC)