Վիշտը դժբախտություն չէ
Վիշտը դժբախտություն չէ (ռուս.՝ Горе — не беда), խորհրդային մուլտիպլիկացիոն ֆիլմ` ըստ ռուսական ժողովրդական հեքիաթների մոտիվների, որը 1983 թվականին ստեղծել է ռեժիսոր Իվան Ակսենչուկը[1]։ Մուլտֆիլմն ընդգրկվել է «Կախարդական գլոբուսի արկածները կամ Վհուկի չարագործությունները» ժողովածուի մեջ։
 | |
|---|---|
 | |
| Տեսակ | մուլտֆիլմ |
| Ժանր | հեքիաթ |
| Ռեժիսոր | Իվան Ակսենչուկ |
| Սցենարիստ | Վլադիմիր Գոլովանով |
| Բեմադրող նկարիչ | Վիկտոր Նիկիտին |
| Երաժշտություն | Իգոր Ցվետկով |
| Օպերատոր | Միխայիլ Դրույան |
| Երկիր |  ԽՍՀՄ |
| Լեզու | ռուսերեն |
| Ընկերություն | Սոյուզմուլտֆիլմ |
| Տևողություն | 603 s |
| Թվական | 1983 |
Սյուժե
խմբագրելԶինվորն ավարտում է երկարատև ծառայությունը։ Որպես պարգև վերցնում է հին թմբուկը և գնում ուր որ աչքը կտրի։ Երկար գնում է և հասնում մի խրճիթի, իսկ նրա մեջ մի աղջիկ լաց էր լինում։ Զինվորը հարցնում է. «Ինչու՞ ես լալիս, փոքրի՛կ»։ Աղջիկը պատասխանում է. «Վախենում եմ... Ես որբ մնացի, քեռի, և միայնակ եմ դիմանում կատաղի վհուկին, որը կործանել է իմ ծնողներին։ Իսկ թագավորի ծառաները տարել են կովն ու այծը»։ Զինվորն ասում է. «Ախ չարագործնե՛ր, խեղճ որբին են նեղացրել։ Քնի՛ր աղջի՛կս, իսկ ես քեզ կպաշտպանեմ»։
Աղջիկը քնում է, և այդ ժամանակ նրա հետևից գալիս է չար կախարդը։ Բայց զինվորն իրեն չի կորցնում, վհուկին կապում է և գցում պարկի մեջ։ Կախարդական ձիով, որը վհուկը նվիրել էր զինվորին աղջկա փոխարեն, նա սլանում է արքայի մոտ` խնդրելով վերադարձնել կովին և այծին, միևնույն ժամանակ բացատրելով, որ պետք է վհուկներին ավելի ուշադիր հետևել։ Բայց արքան հրաժարվում է` ենթադրելով, որ արքաները չպետք է մտածեն թույլերի ու ճնշվածների մասին։ Դրան ի պատասխան զինվորն ասում է. «Այդպիսինն արքա չպետք է լինի», ինչի համար նրան բանտ են ուղարկում։ Սակայն զինվորը ռազմական թմբուկի և զինվորական հնարամտության շնորհիվ կարողանում է հասկացնել թագավորին վերադարձնել աղջկան իր կենդանիները։ Իսկ հետդարձին կախարդական ձին բացահայտում է, որ աղջկա ծնողները կախարդված են հին ջրհորում։ Զինվորը մենամարտում է վհուկի հետ և փրկում աղջկա ծնողներին ջրհորից։ Աղջիկն ու իր ծնողները շնորհակալություն են հայտնում զինվորին, և նա շարունակում է իր ճանապարհը։
Հեղինակներ
խմբագրել- Սցենարի հեղինակ` Վլադիմիր Գոլովանով
- Կինոռեժիսոր` Իվան Ակսենչուկ
- Բեմադրող նկարիչ` Վիկտոր Նիկիտին
- Կինոօպերատոր` Միխայիլ Դրույան
- Կոմպոզիտոր` Իգոր Ցվետկով
- Հնչյունային օպերատոր` Վլադիմիր Կուտուզով
- Նկարիչ մուլտիպլիկատորներ` Վլադիմիր Շևչենկո, Անտոնինա Ալյոշինա, Վլադիմիր Զարուբին, Հովսեփ Կուրոյան, Վլադիմիր Կրումին
- Նկարիչներ` Ռոզա Բիկմաևա, Իրինա Սվետլիցա, Սերգեյ Մարակասով, Վերա Խարիտոնովա
- Մոնտաժող` Օլգա Վասիլենկո
- Ռեժիսորի օգնական` Տատյանա Խոլոստովա
- Խմբագիր` Տատյանա Պապորովա
- Տնօրեն` Նինել Լիպնիցկայա
Դերերը հնչյունավորել են
խմբագրել- Ալեքսանդր Կոնսովսկի` զինվոր
- Մարգարիտա Կորաբելնիկովա` որբ աղջիկ/ նրա մայրը
- Էֆիմ Կացիրով` վհուկ
- Յուրի Վոլինցև` արքա
- Յուրի Պուզիրյով` ձի
- Բորիս Նովիկով` պալատականներից մեկը (լուսագրերում նշված չէ)
Վերաթողարկում
խմբագրելՄուլտֆիլմը հաճախակի թողարկվել է DVD ձևաչափով, մուլտֆիլմերի տարբեր ժողովածուներում, օրինակ.
- «Երիտասարդության խնձորներ», Ի. Ակսենչուկի 2 մուլտֆիլմերի թողարկում, DVD ձևաչափ, «Խոշոր պլան» ընկերություն։ Ժողովածուի մեջ ընդգրկված են «Ջրահարս», «Հեքիաթը պատմվում է», «Երիտասարդության խնձորներ», «Իլյա Մուրովեց։ Նախերգանք», «Վիշտը դժբախտություն չէ» մուլտֆիլմերը[2]։
Քննադատների արձագանքներ
խմբագրել
|
Երկգիծական-գրոտեսկային ոճով Ակսենչուկը նկարահանել է «Ինչպես էին սնկերը կռվում սիսեռի հետ» (1977), «Մորոզ Իվանովիչ» (1981), «Վիշտը դժբախտություն չէ» (1983) ֆիլմ-հեքիաթները։ Այնտեղ ավանդական հեքիաթային կերպարները միմիյանց հետ հարաբերություններ են պարզում, հաղթահարում են մի շարք վտանգավոր, բայց միևնույն ժամանակ` կատակերգական իրավիճակներ։ Հերոսների միջև հարաբերություններն ստեղծվում են սրամիտ երկխոսությունների վրա, որոնք ծաղրում են ագահությունը, հիմարությունը և գոռոզությունը։ Բոլոր երեք հեքիաթների նկարիչը Վիկտոր Նիկիտինն է։ - Սերգեյ Կապկով. «Մեր մուլտֆիլմերը»[3]
|
|
Հետաքրքիր փաստեր
խմբագրել- Կարելի է նկատել, որ աղջկա ծնողները, որոնց Զինվորը մուլտֆիլմի վերջում փրկում է խեղդվելուց, արտաքնապես հիշեցնում են «Վասիլիսա Միկուլիշնա» մուլտֆիլմից Ստավրին և Վասիլիսային. մուլտֆիլմի բեմադրող նկարիչը Վիկտոր Նիկիտինն է։
Ծանոթագրություններ
խմբագրել- ↑ «Георгий Бородин «К 90-летию Ивана Аксенчука» Аниматограф». Արխիվացված է օրիգինալից 2016 թ․ մարտի 9-ին. Վերցված է 2018 թ․ նոյեմբերի 26-ին.
- ↑ DVD «Молодильные яблоки»
- ↑ Сергей Капков. Иван Аксенчук // Наши мультфильмы / Арсений Мещеряков, Ирина Остаркова. — Интеррос, 2006. — ISBN 5-91105-007-2
Արտաքին հղումներ
խմբագրել- «Վիշտը դժբախտություն չէ» «Հայրենական կինոյի հանրագիտարան» կայքում
- «Վիշտը դժբախտություն չէ» մուլտֆիլմը «Անիմատոր.ռու» կայքում
- Горе — не беда (1983) - смотреть мультфильм онлайн