Վիյ (ֆիլմ, 1967)

Վիյ (ռուս.՝ Вий), Նիկոլայ Գոգոլի համանուն պատմվածքի հիման վրա 1967 թվականին նկարահանված խորհրդային գեղարվեստական կինոնկար: 1968 թվականի խորհրդային կինովարձույթի առաջատարներից մեկն է (32,6 միլիոն հանդիսատես): Համարվում է խորհրդային միակ սարսափ ֆիլմը:

Վիյ ռուս.՝ Вий
Երկիր	ԽՍՀՄ
Ժանր	սարսափ ֆիլմ և ֆենթեզի ֆիլմ
Թեմա	գերբնական
Հիմք	Viy?
Թվական	1967
Լեզու	ռուսերեն
Ռեժիսոր	Konstantin Ershov? և Gueorgui Kropatchev?
Սցենարի հեղինակ	Ալեքսանդր Պտուշկո, Konstantin Ershov? և Gueorgui Kropatchev?
Դերակատարներ	Լեոնիդ Կուրավլյով և Նատալյա Վառլեյ
Օպերատոր	Fyodor Provorov?
Երաժշտություն	Կարեն Խաչատրյան
Կինոընկերություն	Մոսֆիլմ
Տևողություն	78 րոպե

Սյուժեն

Մի անգամ գիշերով, բուրսայի (հոգևոր դպրոց) սան Խոմա Բրուտը, ծեծի է ենթարկում վհուկի, որից հետո վերջինս կերպարանափոխվելով գեղեցկուհու, մահանում է: Շուտով Խոմային կանչում են երեք գիշերների ընթացքում սաղմոսարան կարդալու` երիտասարդ պաննայի դագաղի մոտ, որը պարզվում է այն նույն վհուկն էր և ցանկանում էր վրեժ լուծել Խոմայից: Խոման փորձում է փախչել, սակայն նրան խանգարում է պաննայի հայրը` պան հարյուրապետը, ով խոստացել էր կատարել իր դստեր վերջին խնդրանքը: Հարյուրապետը Խոմային կանգնեցնում է ընտրության առջև` եթե սեմինարիստը արարողությունը տանի մինչև վերջ, ապա նրան սպասվում է առատ պարգև, իսկ եթե Խոման կփորձի խույս տալ սաղմոսերգությունից, ապա հարյուրապետի հրամանով դաժանորեն կպատժվի:

Իրականությունն ու ժողովրդական հավատալիքների մարմնացումը միաձուլվում են, երբ Խոմային վիճակված է լինում աղոթքներով երեք գիշեր պաշտպանվել զանազան չարքերից, հանգուցյալ վհուկ-պաննայից, հուշկապարիկներից, հրեշներից և վերջապես` սարսափելի Վիյից:

Դերասանական կազմ

Դերակատար	Կերպար
Լեոնիդ Կուրավլյով	Խոմա Բրուտ
Նատալյա Վառլեյ	պաննա
Ալեքսեյ Գլազիրին	պան հարյուրապետ
Նիկոլայ Կուտուզով	վհուկ

Նկարահանող խումբ

Կինոգործիչ	Ներդրումը
Ալեքսանդր Պտուշկո	սցենարիստ
Կոնստանտին Երշով և Գեորգի Կրոպաչյով	ռեժիսոր
Ֆեոդոր Պրովորով	օպերատոր
Կարեն Խաչատրյան	կոմպոզիտոր