Վիկտոր Աբրահամյան (անասնաբույժ)

հայ անասնաբույժ

Վիկտոր Վահանի Աբրահամյան (փետրվարի 3, 1939(1939-02-03), Երևան, Հայկական ԽՍՀ, ԽՍՀՄ), հայ անասնաբույժ: Անասնաբուժական գիտությունների դոկտոր (2002), պրոֆեսոր (2003): Պարույր Սևակի անվան ուսանողական շինարարական ջոկատի հրամանատար (1975-1979): «Անասնաբուժական սանիտարական փորձաքննություն» մասնագիտության համակարգող (1995):

Վիկտոր Աբրահամյան
Ծնվել էփետրվարի 3, 1939(1939-02-03) (81 տարեկան)
ԾննդավայրԵրևան, Հայկական ԽՍՀ, ԽՍՀՄ
ՔաղաքացիությունFlag of the Soviet Union.svg ԽՍՀՄ և Flag of Armenia.svg Հայաստան
Ազգությունհայ
ԿրթությունԵրևանի անասնաբուծական-անասնաբուժական ինստիտուտ
Գիտական աստիճանանասնաբուժական գիտությունների դոկտոր (2002)
Մասնագիտությունանասնաբույժ

ԿենսագրությունԽմբագրել

Վիկտոր Աբրահամյանը ծնվել է 1939 թվականի փետրվարի 3-ին, Երևանում: 1962 թվականին ավարտել է Երևանի անասնաբուծական-անասնաբուժական ինստիտուտը: 1962-1967 թվականներին եղել է Էջմիածնի շրջանի Լուսագյուղ գյուղի «Դեպի լույս» կոլտնտեսություն ավագ անասնաբույժը[1]: 1967 թվականին սովորել է Երևանի անասնաբուծական-անասնաբուժական ինստիտուտի ասպիրանտուրայում: 1970 թվականին աշխատել է Մակաբուծաբանության և անասնաբուժական սանիտարական փորձաքննության ամբիոնում՝ որպես անասնաբույժ, ասիստենտ, դոցենտ: 1970-1991 թվականներին դասախոսել է Երևանի անասնաբուծական-անասնաբուժական ինստիտուտում: 1979 թվականին Մոսկվայում մասնակցել է ֆրանսերենի դասընթացների: 1980-1984 թվականներին դասախոսել է Գվինեայի ժողովրդահեղափոխական Հանրապետության Մամու քաղաքի անասնաբուժական ֆակուլտետում, 1990-1991 թվականներին եղել է Երևանի անասնաբուծական-անասնաբուժական ինստիտուտի ընդունելության քննությունների պատասխանատու քարտուղար, 1991 թվականին՝ Երևան քաղաքի անասնաբուժական կայանի տնօրեն, գլխավոր անասնաբույժ, 1996-1999 թվականներին՝ Հայկական գյուղատնտեսական ակադեմիայի անասնաբուժական բժշկագիտության ֆակուլտետի դեկան, 2000-2011 թվականներին՝ անասնաբուժական սանիտարիայի, փորձաքննության և զոոհիգիենայի ամբիոնի վարիչ, 2011-2015 թվականներին ՀԱԱՀ Անասնաբուժական սանիտարական փորձաքննության և զոոհիգիենայի ամբիոնի պրոֆեսոր, 2012 թվականին՝ ՀԱԱՀ հիմնադրամի Արհեստակցական կազմակերպության նախագահ: 2016 թվականին եղել է ՀԱԱՀ Անասնաբուժական սանիտարական փորձաքննության և զոոհիգիենայի ամբիոնի վարիչ[2]:

Աշխատանքները վերաբերում են ոչխարի մսի որակական ցուցանիշների վրա աղեստամոքսային նեմատոդների ազդեցության խնդիրներին: Հեղինակ է մեկ դասագրքի, գիտական աշխատությունների և մեթոդական աշխատանքների[3]:

ԱնդամակցությունԽմբագրել

  • «Անասնաբուժական սանիտարական փորձաքննություն» մասնագիտության համակարգող (1995)
  • «Անասնաբուժական սանիտարական փորձաքննություն» մասնագիտության համակարգող (1995)
  • FAO կազմակերպության «Սպանդանոցների զարգացման ծրագիր ՀՀ-ում» հանձնաժողովի անդամ (2009)
  • Կենդանաբանության ինստիտուտի գիտական խորհրդի անդամ (2009)
  • ՀԱԱՀ Արհեստակցական կազմակերպության նախագահ, ՀԱԱՀ Հոգաբարձուների խորհրդի անդամ (2012)

ՊարգևներԽմբագրել

  • Երկարամյա գիտամանկավարժական և ակտիվ հասարակական գործունեության և ծննդյան 70-ամյակի կապակցությամբ ՀՊԱՀ-ի ոսկե մեդալ (2009)
  • «Գյուղատնտեսական նվաճումների համար» ՀՀ գուղնախարարության ոսկե մեդալ (2010)

ԵրկերԽմբագրել

  • Անասնաբուժական սանիտարական փորձաքննություն: Մեթոդական ցուցումներ կուրսային աշխատանք կատարելու համար: Երևան: ՀՊԱՀ, 2012[4]:
  • Բուսական ծագման հումքի և մթերքի փորձաքննություն: Մեթոդական ցուցումներ կուրսային աշխատանք կատարելու համար: Երևան: ՀՊԱՀ, 2011[5]:
  • Թռչնամսի թարմության որոշումը: Մեթոդական ցուցումներ ինքնուրույն աշխատանքի համար: Երևան: ՀՊԱՀ, 2010[6]:
  • Մեղրի անասնաբուժական սանիտարական փորձաքննություն: Մեթոդական ցուցումներ ինքնուրույն աշխատանքի համար: Երևան: ՀՊԱՀ, 2010[7]:
  • Մեթոդական ցուցումներ «Անասնաբուժական սանիտարական փորձաքննություն» առարկայից «Երշիկների անասնաբուժական սանիտարական փորձաքննությունը» թեմայով լաբորատոր աշխատանքներ կատարելու համար: Երևան: ՀՊԱՀ, 2008[8]:
  • Մեթոդական ցուցումներ «Անասնաբուժական սանիտարական փորձաքննություն» առարկայից «Մսեղեն տուփավոր պահածոների սանիտարական հետազոտությունը» թեմայով լաբորատոր աշխատանքներ կատարելու վերաբերյալ: Երևան: ՀՊԱՀ, 2007[9]:
  • Գյուղատնտեսական կենդանիների հիմնական տեսակների կերակրում, 2005, տիտղթ. (Ռուս. թարգմ.՝ Վ. Աբրահամյան)
  • Влияние легочных стронгилят на созревание мяса // Ветеринария, 2003, № 8 : т.л. (В. В. Абрамян)

ԾանոթագրություններԽմբագրել

  1. Ով ով է. Հայեր. Կենսագրական հանրագիտարան, հատոր առաջին, Երևան, 2005:
  2. «Աբրահամյան Վիկտոր Վահանի :»։ persons.anau.am։ Վերցված է 2019-08-09 
  3. Administrator։ «Աբրահամյան Վիկտոր Վահանի»։ anau.am։ Վերցված է 2019-08-09 
  4. Աբրահամյան Վիկտոր Վահանի, Խաչատրյան Ն Է (2012)։ Խաչատրյան Մ Ա, ed.։ Անասնաբուժական սանիտարական փորձաքննություն: Մեթոդական ցուցումներ կուրսային աշխատանք կատարելու համար։ Կրթության և գիտության նախարարություն ՀՀ, Հայաստանի պետական ագրարային համալսարան։ Երևան: ՀՊԱՀ։ ISBN 9789939545097 
  5. Աբրահամյան Վիկտոր Վահանի, Ալթունյան Ս Հ (2011)։ Խաչատրյան Մ Ա, ed.։ Բուսական ծագման հումքի և մթերքի փորձաքննություն: Մեթոդական ցուցումներ կուրսային աշխատանք կատարելու համար։ Կրթության և գիտության նախարարություն ՀՀ, Հայաստանի պետական ագրարային համալսարան։ Երևան: ՀՊԱՀ 
  6. Աբրահամյան Վիկտոր Վահանի, Ալթունյան Ս Հ (2010)։ Թռչնամսի թարմության որոշումը: Մեթոդական ցուցումներ ինքնուրույն աշխատանքի համար։ Կրթության և գիտության նախարարություն ՀՀ, Հայաստանի պետական ագրարային համալսարան։ Երևան: ՀՊԱՀ 
  7. Աբրահամյան Վիկտոր Վահանի, Գևորգյան Ա Կ, Աբովյան Ա Յու (2010)։ Մեղրի անասնաբուժական սանիտարական փորձաքննություն: Մեթոդական ցուցումներ ինքնուրույն աշխատանքի համար։ Կրթության և գիտության նախարարություն ՀՀ, Հայաստանի պետական ագրարային համալսարան։ Երևան: ՀՊԱՀ 
  8. Աբրահամյան Վիկտոր Վահանի, Խաչատրյան Ն Է (2008)։ Պետրոսյան Ս Ռ, ed.։ Մեթոդական ցուցումներ «Անասնաբուժական սանիտարական փորձաքննություն» առարկայից «Երշիկների անասնաբուժական սանիտարական փորձաքննությունը» թեմայով լաբորատոր աշխատանքներ կատարելու համար։ Կրթության և գիտության նախարարություն ՀՀ, Հայաստանի պետական ագրարային համալսարան։ Երևան: ՀՊԱՀ։ ISBN 9789939540627 
  9. Աբրահամյան Վիկտոր Վահանի, Խաչատրյան Ն Է (2007)։ Պետրոսյան Ս Ռ, ed.։ Մեթոդական ցուցումներ «Անասնաբուժական սանիտարական փորձաքննություն» առարկայից «Մսեղեն տուփավոր պահածոների սանիտարական հետազոտությունը» թեմայով լաբորատոր աշխատանքներ կատարելու վերաբերյալ։ Կրթության և գիտության նախարարություն ՀՀ, Հայկական գյուղատնտեսական ակադեմիա։ Երևան: ՀՊԱՀ։ ISBN 9789994152964