Վարսենիկ Ավանյան

Վարսենիկ Ավանյան (մարտի 16, 1980(1980-03-16), Երևան, Հայաստան), հայ օպերային երգչուհի (մեցցո-սոպրանո)։

Վարսենիկ Ավանյան
Ծնվել է	մարտի 16, 1980(1980-03-16) (44 տարեկան) Երևան, Հայաստան
Մասնագիտություն	օպերային երգչուհի
Երգչաձայն	մեցցո-սոպրանո
Գործիքներ	վոկալ
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն
Կրթություն	Երևանի Կոմիտասի անվան պետական կոնսերվատորիա (2002) և Մոսկվայի կոնսերվատորիա (2005)

Կենսագրություն

Վարսենիկ Ավանյանը ծնվել է Երևանում։ 2002 թվականին ավարտել է Երևանի Կոմիտասի անվան պետական կոնսերվատորիան, իսկ 2005 թվականին՝ Մոսկվայի Չայկովսկու անվան պետական կոնսերվատորիան։ 2007 թվականից՝ Ա. Սպենդիարյանի անվան օպերայի և բալետի ազգային ակադեմիական թատրոնի մեներգչուհի։

2010 թվականին ելույթ է ունեցել «Ոսկե ծիրան» փառատոնի ժամանակ։ Նույն թվականից՝ «Ակուստիկ գույներ» ջազ քառյակի անդամ։

Համերգներով շրջագայել է Կոլումբիայում (2009), Կիպրոսում (2010), Գերմանիայում (2013)։

Դերերգեր

Հեղինակ	Օպերա	Դեր
Ջուզեպպե Վերդի	Աիդա	Ամներիս
Ջուզեպպե Վերդի	Դոն Կարլոս	Էբոլի
Ջուզեպպե Վերդի	Տրուբադուր	Ազուչենա
Ժորժ Բիզե	Կարմեն	Կարմեն
Ջուզեպպե Վերդի	Ռիգոլետտո	Մադալենա
Քամիլ Սեն-Սաս	Սամսոն և Դալիլա	Դալիլա
Պիետրո Մասկանի	Կավալերիա Ռուստիկանա	Լոլա
Նիկոլայ Ռիմսկի-Կորսակով	Ցարի հարսնացուն	Լյուբաշա
Պյոտր Չայկովսկի	Եվգենի Օնեգին	Օլգա
Մոդեստ Մուսորգսկի	Խովանշչինա	Մարֆա
Մոդեստ Մուսորգսկի	Բորիս Գոդունով	Մարինա Մնիշեկ
Տիգրան Չուխաջյան	Արշակ Բ	Փառանձեմ
Ալեքսանդր Սպենդիարյան	Ալմաստ	Ալմաստ
Պյոտր Չայկովսկի	Պիկովայա դամա	Պոլինա
Ջուզեպպե Վերդի	Ռեքվիեմ
Ջովաննի Բատիստա Պերգոլեզի	Ստաբատ Մատեր

Փառատոններ

• Մոսկվայի «Ֆեստոս» երիտասարդական փառատոն (2003)
• «Մոսկովյան աշուն» փառատոն (2005)
• Երևանի «Մեկ ազգ, մեկ արվեստ» փառատոն (2006)